- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
მსოფლიო ჩოგბურთის ვარსკვლავთა სპორტული დინასტიები
<p>ნადალები, ვოზნიაცკები, ცონგები, მონფილსები და სხვები <br> ძალიან ხშირია შემთხვევა, როცა შვილი მშობლების ან რომელიმე სხვა ნათესავის საქმეს აგრძელებს.</p><p>ასე იქმნება სახელგანთქმული დინასტიები თეატრში, კინოში, სპორტში... სპორტსმენების მაგალითები მართლაც ძალიან ხშირია, რადგან ბავშვი საკუთარი თვალით ხედავს ცოცხალ მაგალითს და უნებლიედ სპორტის მიმდევარი ხდება. ამ მხრივ არც ჩოგბურთია გამონაკლისი.</p><p>დღეს გთავაზობთ მასალას ვარსკვლავური ნათესავების შესახებ, რომლებმაც ჩოგბურთში ან სპორტის სხვა სახეობაში გამოიჩინეს თავი.</p><p>რა თქმა უნდა, ყველაზე ცნობილი და ტიტულოვანი ნათესაური წყვილი შექმნეს რაფაელ ნადალმა და მისმა ბიძამ, "ბარსელონასა" და ესპანეთის ნაკრების ცნობილმა ფეხბურთელმა მიგელ ანხელ ნადალმა. ესპანეთის ხუთგზის ჩემპიონი, ჩემპიონთა თასის მფლობელი (1992), მსოფლიოს სამი ჩემპიონატის მონაწილე მიგელ ანხელი იოჰან კრუიფის ლეგენდარული გუნდის დაცვის ლიდერი იყო.</p><p>სამწუხაროა, რომ ჩოგბურთელი დავიდ ფერერი და იმავე "ბარსელონაში" უფროსი ნადალის პარტნიორი ალბერტ ფერერი ნათესავები არ არიან, თორემ ძალიან საინტერესო სურათს მივიღებდით. რაფამ უკვე დიდი ხანია აჯობა ტიტულებითა და პოპულარობით თავის ბიძას.</p><p><p><div style="text-align: center;"><span style="color: #ff0000;"><strong>* * *</strong></span></div></p> საფრანგეთის ნაკრების ორ ლიდერს - გაელ მონფილსსა და ჟო-ვილფრიდ ცონგას მამები სპორტსმენები ჰყავდათ. თუ რუფინ მონფილსმა ფეხბურთში განსაკუთრებულ წარმატებებს ვერ მიაღწია, დიდიე ცონგა ხელბურთში კონგოს ნაკრების წევრი იყო. მართალია, არ ვიცით ხელბურთის რა დონეა აფრიკის ამ ქვეყანაში, მაგრამ ეროვნული ნაკრები ყოველთვის მაღალი დონეა.</p><p>"საფეხბურთო" ნათესავები ჰყავს კიდევ ორ ცნობილ ჩოგბურთელს. ფრანგი მიკაელ ლოდრას მამას 1973-74 წლების სეზონში "პარი სენ-ჟერმენში" მხოლოდ სამი მატჩი აქვს ჩატარებული. სამაგიეროდ, ენდი მიურეის ბაბუამ როი ერსკინმა გასული საუკუნის 50-იან წლებში შოტლანდიის უმაღლეს დივიზიონში ითამაშა. მართალია, ეს "სელტიკისა" და "რეინჯერსის" შემადგენლობაში არ მომხდარა, მაგრამ მაინც.</p><p>სახელოვანი ბაბუა ჰყავდა ლატვიელ ერნესტ გულბისს. რიგის სკა-ს შემტევი მცველი ალვილს გულბისი ზედიზედ სამჯერ იგებდა კალათბურთში ევროპის ჩემპიონთა თასს. ეს 1958-60 წლებში მოხდა. უფროს გულბისს სსრკ-ის ნაკრებშიც იწვევდნენ. იქ დიდი ხანი არ უთამაშია, რადგან ძალიან დიდი კონკურენცია იყო.</p><p><p><div style="text-align: center;"><span style="color: #ff0000;"><strong>* * *</strong></p><p></span></div></p> რა თქმა უნდა, ეს სია არასრული იქნება მშობელი ჩოგბურთელების გარეშე. ასეთი ორია და ისინი ბევრი რამით ჰგვანან ერთმანეთს. ორივე ალექსანდრეა, ორივე ცნობილი მწვრთნელი. ორივე ავარჯიშებდა ალექსანდრ მედვედევს. ორივეს ვაჟს ჰქვია ალექსანდრე და გვარებიც ჰგავს ერთმანეთს. ერთია ბოგომოლოვი, მეორე - დოლგოპოლოვი. თუმცა უკრაინელი უფრო ახალგაზრდაა და ნიჭიერი რუს ამერიკელ ალექსზე. სამაგიეროდ, უფროსი ბოგომოლოვი ლარისა სავჩენკოსთან და ევგენი კაფელნიკოვთან მუშაობდა.</p><p><p><div style="text-align: center;"><span style="color: #ff0000;"><strong>* * *</strong></p><p></span></div></p> ქალებს შორის "სპორტული" ნათესავების მხრივ უფრო საინტერესოდ არის საქმე. ჩამოთვლა დავიწყოთ მსოფლიოს პირველი ჩოგანით კაროლინ ვოზნიაცკით. ის საერთოდ დანიელად იმის წყალობით დაიბადა, რომ მისი მამა, ფეხბურთელი პიოტრ ვოზნიაცკი ოდენსეს "ბოლდკლუბენში" გადავიდა. ეს კლუბი ერთ დროს დანიის ჩემპიონი იყო, მაგრამ ახლა ქვეყნის მეოთხე დივიზიონში თამაშობს. ამის ფონზე კაროლინის ძმა - პატრიკი, რომელიც მეორე ლიგის კლუბ "ჰვიდოვრეში" გამოდის, ნამდვილ ვარსკვლავად გვევლინება.</p><p>ამ სპორტული ოჯახის ისტორიას დავასრულებთ ანა ვოზნიაცკით. ჩოგბურთელის დედა ფრენბურთში პოლონეთის ნაკრების წევრი იყო. თუმცა ოჯახური ტრადიციის მიხედვით, სწორედ მისი გამოსვლის წლებში ერთ დროს ეს უძლიერესი გუნდიც ქვემოთ დაეშვა. სხვათა შორის, ანას წასვლიდან რამდენიმე წლის შემდეგ პოლონეთის ეროვნული ნაკრები ელიტას დაუბრუნდა და ზედიზედ ორჯერ მოიგო ევროპის ჩემპიონატი. იქნებ "დიდი სლემის" ტურნირებზე კაროლინ ვოზნიაცკის უიღბლობის მიზეზი ჩოგბურთელში არ უნდა ვეძიოთ?!</p><p><p><div style="text-align: center;"><span style="color: #ff0000;"><strong>* * *</strong></p><p></span></div></p> კიმ კლაისტერსს "დიდი სლემის" ტურნირებთან დაკავშირებით ყველაფერი წესრიგში აქვს. თუმცა მისი მშობლებიც გაცილებით მაღალ დონეზე გამოდიოდნენ. კიმის დედა - ელს ვანდეკეტსბეკი ტანმოვარჯიშე იყო და ბელგიის ჩემპიონატი მოიგო. მამა - ლეო კლაისტერსი უფრო ცნობილი გახლდათ. "მეხელენის", "ლიეჟისა" და სხვა კლუბების ცენტრალური მცველის კარიერა ბელგიური ფეხბურთის ოქროს ეპოქას დაემთხვა.</p><p>"მეხელენთან" ერთად ლეომ 1988 წელს მოიგო თასების მფლობელთა თასი და ევროპის სუპერთასი. ბელგიის ნაკრებთან ერთად მონაწილეობა მიიღო მსოფლიოს ორ ჩემპიონატსა და ევროპის 1984 წლის პირველობაზე. სამწუხაროდ, 2008 წლის იანვარში ლეო კლაისტერსი ფილტვის კიბოთი დაავადდა და ერთი წლის შემდეგ გარდაიცვალა.</p><p>სხვათა შორის, მსოფლიოს 1986 წლის ჩემპიონატის მერვედფინალში ბელგიისა და სსრკ-ის მატჩში ლეო კლაისტერსი შეცვლაზე შევიდა მოედანზე და შეიძლება სერგეი ბალტაჩას წინააღმდეგ ეთამაშა, მაგრამ კიევის "დინამოს" ლეგენდა და ბრიტანელი ჩოგბურთელის ელენა ბალტაჩას მამა იმ ტურნირის ტრავმის გამო ტოვებდა. სამწუხაროდ, ელენა ორი წლის წინ, მძიმე ავადმყოფობის შემდეგ გარდაიცვალა. ის სპორტული ოჯახიდან იყო: მამის გარდა ფეხბურთს თამაშობს მისი ძმა - სერგეი. დედა - ოლგა ბალტაჩა კი ხუთჭიდსა და შვიდჭიდში ოლიმპიადებზე გამოდიოდა.</p><p><p><div style="text-align: center;"><span style="color: #ff0000;"><strong>* * *</strong></p><p></span></div></p> საერთოდ, საბჭოთა სპორტულმა წყვილებმა ბევრი ცნობილი ჩოგბურთელი გამოზარდეს. მაგალითად, ვერა ზვონარევას მამა - იგორი ბურთის ჰოკეის თამაშობდა, დედა - ნატალია ბიკოვა ბალახის ჰოკეის მოთამაშე იყო და 1980 წელს მოსკოვის ოლიმპიადაზე ბრინჯაოს მედალი მოიპოვა. ოთხი წლით ადრე, მონრეალის თამაშებზე 4x400 მეტრზე ესტაფეტაში ბრინჯაოს მედალი მოიგო ნადეჟდა ილინამ - ნადეჟდა პეტროვას დედამ. სვეტლანა კუზნეცოვას მშობლებმა ბედი ველოსპორტს დაუკავშირეს. დედამისი გალინა ცარიოვა მსოფლიოს ექვსგზის ჩემპიონი და მსოფლიოს ოცი რეკორდის მფლობელი იყო, ჩოგბურთელის მამა - ალექსანდრ კუზნეცოვი კი ცნობილი მწვრთნელი.</p><p>რუსებს არ ჩამორჩებიან "სოციალისტური ბანაკის" სხვა ქვეყნების წარმომადგენლები. ბულგარელი ცვეტანა პირონკოვას მშობლებმა ცხოვრება სპორტის საწყლოსნო სახეობებს დაუკავშირეს. მამა - კირილ ენჩევი ბულგარეთის ჩემპიონი იყო აკადემიურ ნიჩბოსნობაში, დედა - რადოსვეტა ჩინკოვა ცურვაში. სერბი ბოიანა იოვანოვსკის მამა ზორან იოვანოვსკი ფეხბურთს თამაშობდა, ანდრეა პეტკოვიჩის მამამ (ისიც ზორანი) კი გასული საუკუნის 80-იანი წლების დასაწყისში ორი მატჩი ითამაშა დევისის თასზე იუგოსლავიის ნაკრების რიგებში: ერთი მოიგო, მეორე - წააგო, თუმცა ლეგენდარულ ილიე ნასტასესთან მარცხი სულაც არ იყო სამარცხვინო.</p><p><p><div style="text-align: center;"><span style="color: #ff0000;"><strong>* * *</strong></span></div></p> სხვათა შორის, ავსტრალიის ღია პირველობისა და როლან გაროსის ყოფილი ჩემპიონის ნა ლის მამა ბადმინტონს თამაშობდა და მისი ქალიშვილი სპორტულ კარიერას სწორედ ამ სახეობაში იწყება. ხოლო "სპორტული" ნათესავების რაოდენობის მხრივ აშკარა რეკორდსმენად უნდა მივიჩნიოთ ამერიკელი ჩოგბურთელი კოკო ვანდევეგე.</p><p>მისი ოჯახი თავიდანვე კალათბურთთან იყო დაკავშირებული. სპორტსმენის ბაბუა და მისი ბიძაშვილი - ერნი ვანდევეგე და მელ ჰათჩინსი ეროვნული საკალათბურთო ასოციაციის, კერძოდ, "ნიუ იორკ ნიქსის" ვარსკვლავები იყვნენ. კოკო ბიძამ, ერნი "კიკი" ვანდევეგემ კი NBA-ში 13 სეზონის გატარება მოასწრო და შემდეგ "ნიუ ჯერსი ნეტსის" მწვრთნელობასაც გამოკრა ხელი, თუმცა ეს საქმე მაინც და მაინც კარგად არ გამოუვიდა.</p><p>მართალია, ბოლო ცნობა სპორტს არ უკავშირდება, მაგრამ ჩოგბურთელის ბებია - კოლინ კეი ჰათჩინსი 1952 წელს "მის ამერიკა" გახდა.</p><p><strong>ყოველდღიური სპორტული გაზეთი "ლელო"</strong></p>
რამდენს გამოიმუშავებს ბასილაშვილი თუ დღეს მოიგო და რომელ ადგილზე გადავა რეიტინგში - ყველაფერი დღევანდელ ფინალზე
არის! - ბასილაშვილი ბორდოს ტურნირის ფინალში გავიდა
ძველი ბასილაშვილი ბრუნდება - ნიკოლოზმა ტოპ 30-ის წევრი 2022 წლის შემდეგ პირველად დაამარცხა
ბექა ბურჯანაძის 21 ქულა და სეზონის საუკეთესო მატჩი "ანდორასთან"
რჩება მამარდაშვილი და ალისონი - კელეჰერი ზაფხულში "ლივერპულიდან" წავა
გუნდში მხოლოდ 1 სეზონი დაჰყო - "მილანი" ემერსონ როიალს გაასხვისებს
გახდება პირველი ფეხბურთელი? - მხითარიანმა შესაძლოა, ისტორიული რეკორდი დააფიქსიროს
რამდენს გამოიმუშავებს ბასილაშვილი თუ დღეს მოიგო და რომელ ადგილზე გადავა რეიტინგში - ყველაფერი დღევანდელ ფინალზე
ზურიკოს მე-17 საგოლე მოქმედება - „სენტ-ეტიენი“ ლიგა 2-ში გავარდა
ლაკაზეტი დუბლით წავიდა - მიქაუტაძის "ლიონი" ევროტურნირზე გავიდა
[VIDEO] ხვიჩამ ლიგა 1 დუბლით დახურა - პსჟ-მ "ოსერს" თამაში შემოუტრიალა
[VIDEO] ხვიჩა კვარაცხელიას ულამაზესი გოლი "ოსერთან"
პირველი ტაიმის შემდეგ პსჟ "ოსერთან" 0:1 მარცხდება
"ოსერთან" მატჩში პსჟ-ს სასტარტო შემადგენლობა ცნობილია
[VIDEO] 25 წლის წინ გაბანკროტებასთან იყვნენ ახლოს, დღეს კი FA თასი მოიგეს - "კრისტალ პალასმა" "მანჩესტერ სიტი" დაამარცხა
[VIDEO] ცუნოდას უმძიმესი ავარია და მოულოდნელობით დატვირთული კვალიფიკაცია ემილია რომანოზე
არის! - ბასილაშვილი ბორდოს ტურნირის ფინალში გავიდა
ზივზივაძე შეცვლაზე შევიდა - "ჰაიდენჰაიმი" დამარცხდა და პლეი-აუტში ითამაშებს
ცნობილი გახდა სად შეიძლება გააგრძელოს კარიერა ლაკაზეტმა
"ასტონ ვილას" "ბარსელონას" შემტევის დამატება სურს
[VIDEO] 25 წლიანი პაუზის შემდეგ "ნიუ იორკ ნიქსი" კონფერენციის ფინალში გავიდა
"პირლოსთან, ნესტასთან და მალდინისთან მითამაშია, მაგრამ მას ვერავინ შეედრება" - დევიდ ბექჰემმა საუკეთესო კაპიტანი დაასახელა
"ვილა პარკზე" ბოლო მატჩი ჩაატარა და ცრემლები ვერ შეიკავა - მარტინესი "ასტონ ვილას" ტოვებს
კაროლინ ვოზნიაცკის თამაშის დროს თავს მფრინავი ჭიანჭველები დაესხნენ [VIDEO]
"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა
კაროლინ ვოზნიაცკიმ ავსტრალიის ღია პირველობა მოიგო
მაგიური ჯოკოვიჩი - ნოვაკი 2028 წლის ოლიმპიადაზე თამაშს გეგმავს
ვოზნიაცკიმ ნავსი გატეხა
ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]
მალიორკა - ნადალების კუნძული
დიდი სლემის ფინალის შემდეგ ჰალეპი საავადმყოფოში მოხვდა
ნადალი: როდესაც მესიმ ექსტრა-ტაიმში გაიტანა, ცრემლები წამომივიდა
ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა
უიმბლდონი. III დღე: ჯოკოვიჩის დარტყმა კირგიოსის სტილში და წაგებული გათამაშება [VIDEO]
"სპაიდერმენი", "თორი"... - ავსტრალიის ღია პირველობაზე ბავშვთა დღე გაიმართა [VIDEO+PHOTO]
ფედერერის შემდეგ ნადალიც - ჩოგბურთიდან რაფაც მიდის