კახა ალადაშვილი და გოგიტა გოგუა ხაბაროვსკის "სკა ენერგიას" ტოვებენ

ალადაშვილის გადაბირება საქართველოს ჩემპიონ გორის "დილას" სურს, გოგუას მომავალი კი გაურკვეველია
საქართველოს ნაკრებში ახლახან დაბრუნებული ორი ფეხბურთელი რუსეთის პირველი ლიგის ბინადარ "სკა ენერგიიდან" მიდის - კახა ალადაშვილი და გოგიტა გოგუა სეზონს სხვა კლუბებში დაიწყებენ.

გუნდიდან ქართველი ფეხბურთელების წასვლის თაობაზე განცხადება "სკა ენერგიის" გენერალურმა დირექტორმა სერგეი ფელდმანმა გააკეთა.

ჯერჯერობით მხოლოდ ის არის ცნობილი, რომ ალადაშვილის გადაბირება საქართველოს ჩემპიონ გორის "დილას" სურს, გოგუას მომავალი კი გაურკვეველია.

(იბეჭდება მცირე ცვლილებით)

ყოველდღიური სპორტული გაზეთი "ლელო"