<p>"ილიჩევეციდან" წამოსული თარგამაძე ბოლო ერთი წლის განმავლობაში "შახტარის" დუბლშემადგენლობასთან ერთად ვარჯიშობს <br> 2011 წელს დავით თარგამაძე საქართველოს საუკეთესო ფეხბურთელად დაასახელეს. ის იყო იშვიათი ფეხბურთელი, რომელიც თემურ ქეცბაიას დროინდელ ეროვნულ ნაკრებს აცოცხლებდა და გვახსენებდა, რომ ქართველებს ძლიერი ინდივიდუალისტები კიდევ გვყავდნენ.</p><p>თარგამაძემ პირველივე თამაშით მოიგო ნაკრების მთავარი მწვრთნელისა და გულშემატკივრის გული, "ჯვაროსნების" ძირითად შემადგენლობაში იოლად დამკვიდრდა და მისი ერთ-ერთი ლიდერიც გახდა, მაშინ, როცა ეს ბევრ ცნობილ მოთამაშეს უჭირდა.</p><p>2011 წელს თარგამაძემ ქართველ ფეხბურთელებს შორის ყველაზე დიდი პროგრესი განიცადა, ყველაზე მეტად გაგვახარა და დაგვაიმედა, რომ ასეთი ფეხბურთელებით საქართველოს ნაკრები იმ ფეხბურთს შემოგვთავაზებდა, თითოეულ ჩვენგანს რომ ენატრება...</p><p>ევრო 2012-ის შესარჩევი ციკლის ბოლო ტურში, საქართველო-საბერძნეთის შეხვედრას მისით დაინტერესებული კლუბების წარმომადგენლები დაესწრნენ, რაც ლოგიკური იყო - ერთსულოვანი შეფასებით, საქართველოს ნაკრების მიერ მანამდე გამართულ სამივე შეხვედრაში (პოლონეთთან, ლატვიასთან და მალტასთან) საუკეთესო გახლდათ - საუცხოო ტექნიკისა და სისწრაფის მქონე ინდივიდუალისტი თამაშს ამწვავებდა...</p><p>მაშინ ის უკრაინული "ოლექსანდრიას" ლიდერი და ჩვენი ქომაგების ერთ-ერთი უმთავრესი იმედი იყო. თარგამაძემ ბუნდესლიგის "ფრაიბურგიდან" წამოსვლით გამოწვეული ჩავარდნა დასძლია და მისით, ერთდროულად, "პორტუ", "შახტარი" და კიევის "დინამო" დაინტერესდნენ.</p><p>მაშინ შემტევი ნახევარმცველი 22 წლის იყო და "შახტარში" გადასვლა ამჯობინა, მაგრამ... წინსვლის ნაცვლად, კარიერა უკან-უკან წაუვიდა. დონბასელებმა თარგამაძე მარიუპოლის "ილიჩევეცში" გაანათხოვრეს, სადაც ბოლოს თითქმის ერთი წლის წინათ, 2014 წლის 29 აგვისტოს სწორედ დონეცკის "შახტარის" წინააღმდეგ ითამაშა. გუნდი იმავე წლის დეკემბერში დატოვა და მას მერე უგუნდოდაა.</p><p>ბევრმა გულშემატკივარმა თარგამაძე უკვე დაივიწყა, ნაწილს კი, შესაძლოა, ჰგონია, რომ ფეხბურთს შეეშვა. როგორც შევიტყვეთ, "ილიჩევეციდან" წამოსული თარგამაძე ბოლო ერთი წლის განმავლობაში "შახტარის" დუბლშემადგენლობასთან ერთად ვარჯიშობს.</p><p>ცხადია, მისი უგუნდობის მიზეზით დავინტერესდით. სიახლე ფეხბურთელის ძმამ, ირაკლი თარგამაძემ გვითხრა.</p><p>"დათოს ახალ გუნდში გადასვლას ცალკე "შახტარის" ხელმძღვანელობა ჰპირდებოდა, ცალკე - აგენტი, მაგრამ ეს ვერც ერთმა მოახერხა და ვერც - მეორემ. იყო პერიოდი, წელი აწუხებდა და ამიტომ საკმაო ხანი იყო გაჩერებული, მაგრამ ახლა ტრავმა მოირჩინა და ჩვეული დატვირთვით ვარჯიშობს.</p><p>"შახტარმა" ძალიან კარგი სამსახური გაუწია, რადგან ვარჯიშის საშუალება მისცა. სატრანსფერო "ფანჯარა" 31 აგვისტოს იხურება და დათო ახალ კლუბში იჯარით გადასვლას იმედოვნებს. უკრაინაში რამდენიმე გუნდია დაინტერესებული, მათ შორის, ზაპოროჟიეს "მეტალურგი" და, ალბათ, რომელიმეში გაანათხოვრებენ", - ამბობს ირაკლი თარგამაძე და იქვე გვიდასტურებს, რომ მისი ძმის აყვანით მინსკის "დინამო" და ბორისოვოს ბატე იყვნენ დაინტერესებულნი:</p><p>"დიახ, ასე იყო, მაგრამ ეს უკვე წარსულია. საბოლოოდ, მენეჯერი კლუბებს ვერ შეუთანხმდა და დათო უგუნდოდ დატოვა. არადა, ბელორუსული კლუბები კონტრაქტს სთავაზობდნენ. ასეა, აგენტმა ლამის დაღუპა. არადა, ხალხმა ეს არ იცის და ჰგონიათ, რომ ფეხბურთზე გული აიცრუა. დამიჯერეთ, ასე არ არის. დათო უგუნდობას ძალიან განიცდის და ნერვიულობს. ფეხბურთელისთვის უთამაშებლობა ყველაზე დიდი ტრავმაა და ცხადია, დღევანდელი ვითარება არ ახარებს, მაგრამ იმედი აქვს, რომ მალე ახალ გუნდში გადავა, ფორმასაც აღიდგენს და ნაკრებშიც დაბრუნდება".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
gakho
კი ითამაშებს.... მაგრამ ან გუჩის მაღაზიაში, ან apple-ს მაღაზიაში ანდა რესტორანში სადმე
fanat
ეს კიდევ თამაშობს? :) დედა რაღა ვქნა?
dadu
მეტი არაა ჩემი მტერი ამან კიდევ ითამაშოს ფეხბურთი. სადმე უკრაინის რეგიონ ლიგაში ჩაკვდება 2-3 წელიწადში. კაცს ჩაცმა, მანქანა და მობილური რო ფეხბურთზე მეტად გეყვარება ეს ბოლო გელის უეჭველი. რამოდენიმე წელიწადში ამოჭამს იმ ნაშოვნ ფულს და აი მერე იქნება ცოდო.
nodarichi123
ცჰანტურია სადა დაწერეთ, ხო ცოცხალია?DDDDDDDDDD
tagvi
სამწუხაროა ოქრიაშვილს რო აყვა და ფეხბურთს ნაადრევად დაემშვიდობა, ყველა ფეხბურთელი ერთობა მაგრამ ამან წინ სვლაში არ უნდა შეგიშალოს ხელი!
Georgiano
მორიგი ქართველი, რომელმაც ხასიათს(გართობა, სიგარეტი,კლუბები, დალევა) გადააყოლა და გაფლანგა ნიჭი. არადა შეეძლო დიდი ფეხბურთი ეთამაშა. მე ასეთ ფეხბურთელებს პატივს არ ვცემ, ერთი-ორი სეზონი რომ გაიელვებენ და მერე უვარგის ხასიათს გამოავლენენ. ყველამ მიბაძეთ კანკავას!
mainteresebs
გიორგი ჭანტურია სად ითამაშებს!
Zviadi
სად ითამაშებს მაგას არც ჩემთვის არ აქვს მნიშვნელობა და თუ თამაში უნდოდა ითამაშებდა იქ სადაც იყო ახლა ითამაშებს თუ არა სულ არ მაინტერესებს,იმიტომ რომ მაგაზე უკეტესები წამოვიდნენ,გულშემატკივრებს მაგან იმედები გაუცრუვა.
bacho
ვინმეს გჯერათ ამ ბიჭის?მე არა სამწუხაროდ.არა სერიოზულმა ოქრიაშვილმაც კი აჯობა სერიოზულობაში,ასეთების ხელშია ქართლი ფეხბურთი დღეს
ლაშა ოდიშარია კარიერას სავარაუდოდ, ესპანეთში გააგრძელებს
კვარაცხელიას პსჟ-ის რეკორდი - მსგავსი რამ "ოქროს ბურთის" დაჯილდოვებაზე ჯერ არ ყოფილა
რა ხდება სინამდვილეში - დავითაშვილმა შეიძლება ჩემპიონატის პირველი ტური გამოტოვოს
"ნაპოლიმ" სიმეონე "ტორინოში" გაანათხოვრა
ფიფას ტალანტების განვითარების სქემის კოორდინატორის ვიზიტი საქართველოში
გოჩოლეიშვილი "ჰამბურგის" ფეხბურთელი გახდა
დარვინ ნუნიესი კარიერას საუდის არაბეთში გააგრძელებს
"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს
"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა
"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით
"თუ სათამაშო დრო გსურს, კარი ღიაა" - პსჟ-მ მატვეი საფონოვთან დაკავშირებით გადაწყვეტილება მიიღო
[VIDEO] ისეთი ჩხუბი ატყდა, გუნდელმა გუნდელს დაარტყა - არეულობა "ბეტისისა" და "კომოს" ამხანაგურ მატჩში
პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს
ოდიშარია განაცხადში არ იყო - რფს სახლში "კუპსთან" დამარცხდა
ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა
ქართველი მსაჯები კონფერენს ლიგის მატჩს მოემსახურებიან
არაბიძემ კორეულ კლუბს ფიფაში უჩივლა და 2.88 მილიონს მიიღებს
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს
შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს
ლუკა იოვიჩი კარიერას საბერძნეთის ჩემპიონატში განაგრძობს
ჯაბა ლიპარტია "არსენალში" ჩაირიცხა
6 ქართველი ფეხბურთელი, რომლებმაც იმედები ვერ გაამართლეს
ვაკო გვილია ზაპოროჟიეს "მეტალურგის" "წლის აღმოჩენად" აღიარეს
48 მლნ ევრო მცველში - მადრიდის "რეალმა" მესამე ტრანსფერი განახორციელა
ქართველი თავისუფალი აგენტები და ჩემპიონატები სადაც სატრანსფერო ფანჯარა ჯერ კიდევ ღიაა
არც დავფიქრდები, ისე ჩამოვალ - ვაკო გვილია თბილისის ტრაგედიასა და მოქალაქეობაზე
ვაკო გვილიამ ზაპოროჟიეს "მეტალურგთან" კონტრაქტი გაწყვიტა
გვილია და გვალია - ორი საყრდენი, რომლებმაც შესაძლოა ცხადაძე დააინტერესონ
"ოკლაჰომა-სიტი" მონსტრი ხდება: კარმელო უესტბრუკთან და ჯორჯთან წავიდა
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
საქართველოს თასი. 1/16-ფინალი: კაცნაკლულმა "სამტრედიამ" "დილას" სძლია, შენგელიამ "დინამოში" პოკერი გაიფორმა
დავით თარგამაძე ბოლნისის "სიონის" ფეხბურთელი გახდა
პსჟ-ს, შესაძლოა, ტრანსფერების განხორციელება აეკრძალოს
ვაკო გვილია: ეს "მეტალურგის" მაისურით გატანილი ჩემი პირველი გოლია
Top 6 თანამედროვე ქართველი უნიჭიერესი ფეხბურთელი, რომელთა კარიერამ მოლოდინები ვერ გაამართლა [VIDEO]
ვაკო გვილია: ახალ გუნდში მისვლა საქართველოს პასპორტით მსურს
ვინ სად გადავიდა? - ბოლო სატრანსფერო დღის გარიგებები