<p>საქართველოს 19-წლამდელთა ნაკრების მეკარეს თურქულ კლუბთან განშორება მოულოდნელად მოუხდა <br> საფეხბურთო კლუბ "საბურთალოსა" და 19-წლამდელთა ნაკრების გოლკიპერ <strong>ოთო გოშაძეს</strong>, რომელიც დაახლოებით ერთი წლის განმავლობაში თურქულ "ქასიმფაშაში" ვარჯიშობდა და თითქოს ტრანსფერის საკითხიც გადაწყვეტილი იყო, სამშობლოში დაბრუნება მოუწია. მეკარემ "საბურთალოსთან" ახალი, 3-წლიანი ხელშეკრულება გააფორმა.</p><p>ოთო გოშაძემ კლუბის ოფიციალურ საიტს ინტერვიუ მისცა.</p><p>- იცით, რომ კარგა ხნის განმავლობაში "ქასიმფაშაში" ვვარჯიშობდი, ამხანაგურ მატჩებში ვთამაშობდი, გუნდს შეკრებაზე დავყვებოდი. მხარეები ველოდებოდით, რომ სრულწლოვანი გავმხდარიყავი და ხელშეკრულებისთვის მომეწერა ხელი. თურქულ კლუბში წელიწადზე მეტხანს ვიმყოფებოდი. ვიცოდი, რომ მწვრთნელებს მოვწონდი, ასევე, კლუბის პრეზიდენტსაც და თითქოს, კონტრაქტის გაფორმებასაც წინ არაფერი ედგა...</p><p>ოქტომბერში, როდესაც 18 წელი შემისრულდა, უკვე აქტიურად დავიწყე მოლაპარაკება იმაზე, რომ კლუბთან ხელშეკრულება გამეფორმებინა. ბოლოს შევატყვე, რომ განგებ მიჭიანურებდნენ პასუხს. ეს ფაქტი, ცოტა არ იყოს, არ მესიამოვნა...</p><p>სამწუხაროდ, ჩვენი გზები გაიყარა. თურქეთიდან რამდენიმე დღის წინ ჩამოვედი. ახლა წარსულზე აღარ ვფიქრობ, რაც მოხდა, უნდა დავივიწყო... რა თქმა უნდა, ევროპაში სჯობდა თამაში და ამის სურვილიც მქონდა, მაგრამ ჩემი საფეხბურთო კარიერა ახლა იწყება. მჯერა, ბევრ წარმატებას მივაღწევ...</p><p><strong>- მთავარ მწვრთნელთან ან კლუბის პრეზიდენტთან არ გიცდიათ საუბარი?</strong></p><p>- პრეზიდენტს არა, მაგრამ მთავარ მწვრთნელს ვესაუბრე. ჩვენი სატრანსფერო პოლიტიკიდან გამომდინარე, გადავწყვიტეთ, რომ აქცენტი გამოცდილ ფეხბურთელებზე გავაკეთოთო. ამჟამად, კლუბში 10 ლეგიონერი თამაშობს, ლიმიტი კი 14 კაცია. მწვრთნელმა ასევე მითხრა, რომ რამდენიმე ლეგიონერის დამატებას კიდევ ვაპირებთო.</p><p>მისი საუბრიდან გამომდინარე, გამოვიდა, რომ პირველ გუნდში თამაში არ მომიწევდა, რადგან აქცენტს გამოცდილ ფეხბურთელებზე აკეთებენ. დუბლებში თამაშმა კი მაინცდამაინც არ მომხიბლა...</p><p><strong>- ერთი შეხედვით, ცოტა უცნაურია - ერთი წლის განმავლობაში კლუბის სრულუფლებიანი ფეხბურთელი იყავით, გუნდს შეკრებაზეც დაჰყვებოდით, თუმცა საბოლოოდ კონტრაქტი არ შედგა...</strong></p><p>- საწყენი ისაა, რომ წამოსვლამდე ერთი კვირით ადრე პირველ გუნდში ამხანაგურ მატჩში ვითამაშე. თამაშის შემდეგ შემაქეს მწვრთნელებმა და მომიწონეს გარჯა. მეგონა, რომ დღეს-ხვალ კონტრაქტს გავაფორმებდი...</p><p>თუ გადაწყვეტილი ჰქონდათ ჩემი გამოშვება, ეს ყველაფერი ადრე უნდა ეთქვათ, რადგან თადარიგს დავიჭერდი და შესაძლოა, რომელიმე უცხოური ვარიანტი გამოჩენილიყო.</p><p><strong>- "ქასიმფაშაში" შოთა არველაძის მწვრთნელობის დროს მიხვედით, თუმცა უკვე კარგა ხანია, ქართველმა სპეციალისტმა დატოვა გუნდი. ამ ფაქტორმაც ხომ არ განაპირობა, რომ თურქულ კლუბთან დამშვიდობება მოგიხდათ?</strong></p><p>- შოთის მერე გუნდმა ორჯერ შეიცვალა მთავარი მწვრთნელი, თუმცა თურქული კლუბის ძირითად გუნდში მაინც ვვარჯიშობდი და შეკრებაზეც დავყვებოდი. არველაძე რომ ყოფილიყო, შემიძლია ვთქვა, რომ ჩემს გუნდში დარჩენას წინ არაფერი დაუდგებოდა, რადგან ქართველ სპეციალისტს მოვწონდი და სწორედ მისი დამსახურებაა, რომ "ქასიმფაშაში" ვიყავი.</p><p>მინდა, ვისარგებლო შემთხვევით და შოთა არველაძეს გაწეული სამსახურისთვის მადლობა გადავუხადო.</p><p><strong>- ახლა ძველ გარემოში და იმ კლუბში დაბრუნდით, სადაც მთელი ბავშობა გაქვთ გატარებული. რა გრძნობა დაგეუფლათ, როდესაც თბილისურ კლუბთან ახალ, 3-წლიან ხელშეკრულებას მოაწერეთ ხელი?</strong></p><p>- "საბურთალო" ჩემი სახლი და ჩემი ოჯახია! აქ თავს ისე ვგრძნობ, როგორც საკუთარ სახლში. დავბრუნდი ძალიან წარმატებულ და პერსპექტიულ გუნდში, რომელსაც დიდი მომავალი აქვს. "საბურთალოში” ჯანსაღი ატმოსფერო და სასიამოვნო გარემო სუფევს, ყველა მეგობრულადაა ერთმანეთთან, ყველა თავის საქმეს აკეთებს.</p><p>ამ ეტაპზე საქართველოში ვითამაშებ. ერთგვარი გამოწვევაცაა ჩემთვის, რომ უმაღლეს ლიგაში მომიწევს ძალების სრულად გამოვლენა. უძლიერესთა შორის არასდროს მითამაშია. მაინტერესებს, როგორია საქართველოს უმაღლესი ლიგა.</p><p>რადგან საქართველოში ჩამოვედი, არ ნიშნავს, რომ მოტივაცია დავკარგე. პირიქით, ახლა უფრო მეტი შემართებითა და მონდომებით ვიქნები. დადგება ის დრო, როდესაც ევროპაშიც ვითამაშებ.</p><p><span style="color: #888888;"><strong>მომზადებულია fcsaburtalo.ge-ს მიხედვით</strong></span></p>
fransua
სიმართლეს არავინ ლაპარაკობს! 18წლის ეხლა გახდა და დუბლებში თამაშმა არ მოხიბლა..."ასნავნოიში თუ არ მათამაშებთ მაშინ კარგად იყავითოო" დაიხურა ქუდი და წამოვიდა:-) გულით გისურვებ წარმატებებს და ერთს გეტყვი შრომის გარეშე ვერაფერს ვერ მიაღწევ!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"საქართველოში ამით ძალიან გაკვირვებული დავრჩი" - "გაგრას" ბელარუსი მეკარე
მეორე წრე დასრულდა: გოლი მე-20 წამზე და სხვა ამბები
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
კვლავ ფორმაშია! - შოთა არველაძემ მადრიდის "რეალს" გაუტანა [VIDEO]
"გიოს და "კვარას "ვუსურვებ, რომ ნაკრებში, გოლების რეკორდი წელსვე გააუმჯობესონ" - შოთა არველაძე
"არველაძე "ტრაბზონსპორში" ბრუნდება, თუმცა არა მწვრთნელის რანგში" - რას წერს თურქი ჟურნალისტი
მჭედლიძესთან ერთად 2 ფეხბურთელი წავიდა, არის შევსებაც - ქუთაისის "ტორპედოში" სიახლეებია
ბათუმის "დინამოს" კიდევ ერთი ახალწვეული ჰყავს
ეროვნული ლიგა. XXVIII ტური. "ლოკომოტივი" - "საბურთალო" [LIVE]
შოთა არველაძე: გიდასტურებთ, "ალკმაარიდან"ინტერესი იყო, ოღონდ...
"ლოკომოტივიდან" ფეხბურთელები მიდიან - 3 ახალწვეული "საბურთალოში"
ვინ სად გადავიდა? - ბოლო სატრანსფერო დღის გარიგებები
"ქასიმფაშას" ლაშა დვალი მოსწონს და "რედინგიდან" მის გამოსყიდვას აპირებს
შოთა არველაძე: ევროსაგზურისთვის ბოლომდე ვიბრძოლებთ
48 მლნ ევრო მცველში - მადრიდის "რეალმა" მესამე ტრანსფერი განახორციელა
ევროტურნირების წინ, "საბურთალო" მთავარმა მწვრთნელმა დატოვა
"საბურთალო" ტრადიციას არ ღალატობს - 17 წლის ფეხბურთელის წარმატებული დებიუტი
ბოლნისის "სიონი" გადახალისდება
შოთა არველაძე: თურქეთში ვრჩები
ორი 11:0 ქართული კლუბების მონაწილეობით - მოსამზადებელი ეტაპი
"ოკლაჰომა-სიტი" მონსტრი ხდება: კარმელო უესტბრუკთან და ჯორჯთან წავიდა
პსჟ-ს, შესაძლოა, ტრანსფერების განხორციელება აეკრძალოს
ცნობილია, იმუშავებს თუ არა შოთა არველაძე "ტრაბზონსპორში"
შოთა არველაძე: მამარდაშვილის "ლივერპულში" წასვლა კოსმოსში გაფრენას ჰგავს
"რუსთავის" ფეხბურთელმა მეკარესთან შეჯახების შემდეგ გონება დაკარგა [VIDEO]
ოთო გოშაძე ბათუმის "დინამოდან" ბოლნისის "სიონში" გადავიდა
ეროვნული ლიგა. XXX ტური. "ტორპედო" - "საბურთალო" [LIVE]
ოთო გოშაძე: არ მინდა ვიჩქარო და ვთქვა, რომ "ქასიმფაშას" მეკარე ვარ
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
ოთო გოშაძემ "დინამო თბილისი" დატოვა
შოთა არველაძე: მადლობა "ქასიმფაშას", მე თანამდებობიდან მივდივარ
"მადლობა იმ სიამაყისთვის, რომელიც მოგვანიჭეთ" - შოთა არველაძე ევროპის ჩემპიონატზე საქართველოს ნაკრების გამოსვლას ეხმაურება