<p>ამ უქმეებზე სანკტ-პეტერბურგში ახალგაზრდა ძიუდოისტთა შორის ევროპის თასი ჩატარდა <br> <span style="font-size: x-small;"><em>ფოტოზე გურამ ქოსმენაშვილი (მარჯვნიდან მეორე)</em></span></p><p>ამ უქმეებზე სანკტ-პეტერბურგში ახალგაზრდა ძიუდოისტთა შორის ევროპის თასი ჩატარდა. ჩვენგან იქ მხოლოდ ბიჭების გუნდი გამოვიდა, 10 კაცის შემადგენლობით, მათი მონაგარი კი 3 მედალია - 1 ვერცხლი და 2 ბრინჯაო.</p><p>ტურნირის ვიცე-ჩემპიონი <strong>გიორგი ქურდიანი</strong> (81) გახდა, ხოლო მესამეზე <strong>დავით გეჯაძე</strong> (55) და <strong>გურამ ქოსმენაშვილი</strong> (+100) გავიდნენ.</p><p>დამამშვიდებელში <strong>ბექა უდესიანი</strong> (66), <strong>გიორგი ხმელიძე</strong> (73) და <strong>ნიკოლოზ სისვაძეც</strong> (+100) გადავიდნენ, მაგრამ იქ პირველივე შეხვედრა წააგეს და მეშვიდეზე დარჩნენ.</p><p>ამათ გარდა, კვარცხლბეკზე კიდევ სამი ქართველი ავიდა, თუმცა ყველა - სხვა ქვეყნის სახელით: რუსეთიდან მოასპარეზე იაგო აბულაძე 60 კილოგრამში ფინალში გავიდა, სადაც იაპონელ გენკი კოგასთან დამარცხდა. ამავე წონაში ბრინჯაო მოიპოვა თორნიკე ჭკადუამ ჰოლანდიიდან (ქვეჯგუფში აბულაძესთან წააგო), ხოლო გერმანიაში გადასული სანდრო მაქაცარია 90 კილოგრამში გავიდა მესამეზე. თან მაქაცარიამ იესო კვირიკაშვილიც წმინდად დაგვიმარცხა ქვეჯგუფში, მანამდე კი ჩვენებურმა ყირგიზი ტამერლან ისმაილოვი დააიპონა. სანუგეშოში კვირიკაშვილმა კიდევ ერთი იპონი მიითვალა რუს არტემ ბაკალოვთან, მაგრამ წააგო ამჯერად უკვე ნამდვილ გერმანელ ედუარდ ტრიპელთან.</p><p>სანკტ-პეტერბურგში მწვრთნელთა იმედები ყველაზე მეტად ქურდიანმა გაამართლა, ვინც დამაჯერებლად მოიგო ჯგუფური ეტაპი და მხოლოდ ფინალური პაექრობა დათმო იაპონელ სოტარო ფუჯივარასთან. იქამდე ჩვენმა ფალავანმა ყველა პექრობა დამაჯერებლად, დიდი უპირატესობით მოიგო - ფრანგ კრისტ გენგოს და რუს ტურპალ ტეპკაევს ვაზარით მოუგო, ბრაზილიელი ლუან როდრიგესი და კიდევ ერთი ფრანგი ადრიენ კოპადო კი პირდაპირ დააიპონა. თუმცა ნახევარფინალში კოპადო იპონამდე ვაზარიზეც დააგდო. ჩვენმა ფალავანმა ფინალიც ასევე იპონით წააგო. კოპადომ ქვეჯგუფში კობა მჭედლიშვილიც დაგვიმარცხა.</p><p>ახალგაზრდებში მსოფლიოს პრიზიორ მჭედლიშვილის წაგება ყველაზე უსიამოვნო მარცხია, როგორც ახალ თაობაში ერთ-ერთი ყველაზე გამორჩეულისა. მან მხოლოდ ბრაზილიელ ჯოვანი ფერეირას მოუგო და ისიც გაფრთხილებებით, როცა გაცილებით მეტი შეუძლია.</p><p>ქვეჯგუფი გეჯაძემაც მოიგო, ვინც პირველ წრეში ისვენებდა, მერე კი წმინდად დაამარცხა რუსები - რუსტამ ზაბოლოტნი ბეჭებზე დააგდო, ხოლო ალი პაფოვს ორი ვაზარი აართვა. ამით ნახევარფინალშიც გავიდა, სადაც აზერბაიჯანელთა მომავალი ჩემპიონის, ჭაბუკებში ევროპისა და მსოფლიოს პირველობების მომგებ ნატიკ გურბანლის ბარიერი ვერ გადალახა - სუფთად დამარცხდა. სამაგიეროდ, მისი ჯავრი ბრინჯაოსთვის შეხვედრაში მეორე აზერბაიჯანელზე - კარამატ ჰუსეინოვზე იყარა, ვისაც გაფრთხილებებით მოუგო.</p><p>ჩვენთვის საინტერესოდ განვითარდა მოვლენები მძიმე წონაში. მოგეხსენებათ, ამ წონაში წინა - საბერძნეთის ტურნირზე კვარცხლბეკზე მხოლოდ ქართველები იდგნენ, ფინალში კი ქოსმენაშვილი საქართველოს ჩემპიონ ნიკოლოზ სისვაძესთან დამარცხდა. სისვაძის გამოსვლა ახლაც დიდ ყურადღებას იქცევდა, მაგრამ ის რუსულ ბარიერს ვერ გადაახტა, რადგან ყველა პაექრობა იქაურებთან ჩაატარა - პირველივე ბრძოლა წააგო ჭაბუკებში ევროპის ჩემპიონთან და მსოფლიოს ფინალისტ ინალ ტასოევთან, ვისთანაც სამივე სინჯის გდება გაუშვა; მერე დამამშვიდებელში ალექსანდრ ბეგმეტოვი კი დააიპონა, მაგრამ ბოლოს წმინდად წააგო ახალგაზრდებში მსოფლიოს ჩემპიონ ტამერლან ბაშაევთან.</p><p>ქოსმენაშვილი ქვეჯგუფში ერთადერთი გაფრთხილებით დამარცხდა ჰოლანდიელ ხურ სპიხკერსთან, მანამდე კი ესტონელი ტანელ კაროო გააბითურა - იუკოც აართვა, ვაზარიც, ბოლოს კი დააიპონა. დამამშვიდებელში ჩვენმა ფალავანმა რუსები გააბითურა - ბატირ შაკიროვი ვაზარით დაამარცხა, მიხაილ ჩერკასოვს ასევე სამივე სინჯის გდება ჩაუტარა, კემალ კაიტოვი კი იუკოთი დაამარცხა. რაც ყველაზე საყურადღებოა, ამ ბრძოლებში დაბლაჭიდში კარგი ჭიდაობის მაგალითი გვაჩვენა, როცა რუსებიც კი შებოჭა.</p><p>უდესიანმა ქვეჯგუფში ბრაზილიელი ტიაგო პიროლო და რუსი აკბატ ბეისაგუროვი იუკოთი დაჯაბნა, მაგრამ მეოთხედფინალში წააგო იაპონელთა მომავალ ჩემპიონ კენზო ტაგავასთან.</p><p>სამწუხაროდ, მან შანსი ვერც სანუგეშოში გამოიყენა, სადაც მეორე რუს ასლან აშრაფოვთან დაყარა ფარ-ხმალი.</p><p>მეოთხედფინალში დამარცხდა ხმელიძეც და იქამდე მანაც ორი ბრძოლა მოიგო: ბელორუსი ალექსანდრ აკმერი იპონზე, რუსი ალექსანდრ კუპერშმიდტი კი იუკოზე დააგდო. ამას ჯერ რუსთა სომეხ არამ გრიგორიანთან მარცხი მოჰყვა, მერე - ფრანგ ადრიენ ლელივრესთან.</p><p>ფრიად მოულოდნელი იყო ჯაბა მუმლაძის (100) ასეთი სუსტი გამოსვლაც - პირველ წრეში დასვენებული მეორეში იაპონელთა მომავალ ჩემპიონ ლიდა კენტაროსთან დამარცხდა, მერე კი დამამშვიდებელსაც პირველივე წრიდან გამოეთიშა რუს ასლან ჯიოევთან მარცხით. ამ წონაში უსახელოდ დამარცხდა დავით ოზბეთელაშვილიც - ლიტველი რომას პეტკუსი გაფრთხილებებით გააგდო, თავად კი სუფთად დათმო აზერბაიჯანელ მუსა შაქარალიევთან.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
ევროპის ჩემპიონატი ჭაბუკებში: ირაკლი ცირეკიძის გუნდი ტრავმებმა დააზარალა
ჯონდო მუზაშვილი: დანაკლისის მიუხედავად, მაინც კარგი ჩემპიონატი გამოვიდა
ძიუდო. საკლუბო ჩემპიონატი: ახალი ტურნირის დასაწყისი
ევროპის ჩემპიონატი. ახალგაზრდები: როგორ დავლაგდებით მალაგაში?
ევროპის ჩემპიონატი. ახალგაზრდები: ქართველების მედლები სხვა ქვეყნებს
ძიუდო. ახალგაზრდული ნაკრები: 20 მედალი ათენიდან!
ჭიდაობა საოკუპაციო ხაზთან - დირბის მემორიალური ტურნირი
როგორ შენდებოდა "დინამოს" სტადიონი - 100-ათასიან პროექტზე მოსკოვი სულ გაგიჟდა
ძიუდო. ახალგაზრდული ნაკრები: ჰოლანდიური აჯობებს თუ ამერიკული?