- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
მასშტაბური გამოკითხვა - სფფ-ის ახალი ხელმძღვანელობის ერთი წელი მედიის თვალით
<p>როგორ აფასებს ქართული მედია საქართველოს ფეხბურთის ფედერაციის ერთი წლის საქმიანობას <br> დღეს "ლელო" მასშტაბურ გამოკითხვას გთავაზობთ: ქართული მედია აფასებს ფეხბურთის ფედერაციის ერთი წლის საქმიანობას - რა მოგვწონს, რა არ მოგვწონს, აქეთ ჩემპიონატი, იქით სანაკრებო ფეხბურთის შუქ-ჩრდილები და კიდევ უამრავი სხვა საკითხი, რომელიც გულშემატკივარს აღელვებს.</p><p>მოკლედ, სალაპარაკო და სამსჯელო ბევრი დაგროვდა და აგერ ტრიბუნაც.</p><p>ცალმხრივობა რომ არ გამოგვივიდეს, ამ ტრიბუნას ფეხბურთის ფედერაციის პრეზიდენტსაც დავუთმობთ. "ლელოს" დაგეგმილი აქვს, საპარლამენტო არჩევნების მეორე ტურის შემდეგ რედაქციაში ისტუმროს <strong>ლევან კობიაშვილი</strong>, რომელიც, იმედია, ყველა დაგროვილ კითხვას პასუხს გასცემს...</p><p><strong>კობა ინასარიძე</strong> (ფუტბოლი):</p><p>- შესაფასებელი ბევრიც არაფერია. მუშაობიდან ერთი წლის თავზე, ფედერაციის აქტივში მხოლოდ მომავალი წლიდან უმაღლეს ლიგაში გუნდების რაოდენობის შემცირებას თუ ჩავთვლით, თუმცა, ვფიქრობ, ბოლომდე გამართული არც ეს მოდელია.</p><p>შეცდომად მიმაჩნია გაზაფხული-შემოდგომის სისტემაზე გადასვლა. მაშინ, როცა ევროპაში ასეთი სისტემით მოთამაშე რამდენიმე ქვეყანა თუ დარჩა, რუსეთიც კი შემოდგომა-გაზაფხულის სისტემაზე გადავიდა და გაუგებარია, ჩვენ რატომ უნდა ამოვვარდეთ საერთო ევროპული კალენდრიდან? საქართველოში არ არის ისეთი აუტანელი კლიმატი, რომ გვიან შემოდგომაზე ან ადრეულ გაზაფხულზე ფეხბურთის თამაში შეუძლებელი იყოს. არც ის მგონია, ამგვარი ცვლილება ჩვენს გუნდებს ევროსარბიელზე დიდად წაადგეს.</p><p>ფეხბურთის ფედერაციის საქმიანობის სარკე, დამეთანხმებით, ნაკრები გუნდებია. ვერც ამ მხრივ მოვიწონებ სიტუაციას. ეროვნული გუნდის შედეგზე შეგნებულად არაფერს ვიტყვი, მას ცხადია, მხოლოდ წარმატებას ვუსურვებ, მაგრამ ნაკრებთან დაკავშირებით ფეხბურთის ფედერაციას ერთ კითხვას კი გავუგზავნი და კარგი იქნება, თუ მიპასუხებენ: საშინაო მატჩების დროს რატომ ცხოვრობს ქვეყნის უპირველესი გუნდი სასტუმროში და რატომ ვარჯიშობს ერთ-ერთი კერძო კლუბის ბაზაზე, მაშინ, როცა საქართველოს ნაკრებს მშვენიერი საწვრთნელი ბაზა აქვს?</p><p>ერთი წელიწადია, ფედერაციაში მძიმე ფინანსურ მდგომარეობაზე ლაპარაკობენ და რამდენად გამართლებულია, რომ ეროვნულმა გუნდმა იცხოვროს სასტუმროში, სავარჯიშო მოედანი იქირაოს და ავტობუსით რამდენიმე კილომეტრი იქით-აქეთ იაროს?! ამის შემხედვარე, ჩნდება ეჭვი, რომ ეროვნული ნაკრები ფედერაციისთვის მეორეხარისხოვანია და მთელი რესურსი ასაკობრივი გუნდებისკენაა მიმართული.</p><p>ბოლო რამდენიმე წლის განმავლობაში პირველად მოხდა, როცა 17-წლამდელები ევროპის ჩემპიონატის შესარჩევს პირველსავე ეტაპზე ჩამოშორდნენ, სამი მატჩი ისე წააგეს, გოლიც ვერ გაიტანეს... ასეთი ცუდი შედეგის შემდეგ კი მწვრთნელი აქეთ კითხულობს, პოსტი რატომ უნდა დავტოვოო? მეტი რომ არ ვთქვათ, უცნაურია მწვრთნელის ასეთი კონტრკითხვა... მესმის, რომ ინგლისში, გერმანიაში და სხვა საფეხბურთო ქვეყნებში ამ ასაკში შედეგს დიდ ყურადღებას არ აქცევენ, მაგრამ ასეთი უგოლო შედეგის შემდეგ მათი მწვრთნელების პასუხისმგებლობის საკითხს მაინც განიხილავენ.</p><p>ბოლო დროს ფეხბურთის ფედერაციის ხელმძღვანელობა სულ უფრო ხშირად ახსენებს განვითარების "ბელგიურ მოდელს", რაც მომავალი თაობის მომზადებაზე აქცენტის გადატანას გულისხმობს. იქმნება შთაბეჭდილება და, ალბათ, ირიბად მიგვანიშნებენ - რამდენიმე წლის განმავლობაში კარგი შედეგები არ მოვითხოვოთ. ნაკრები გუნდების განვითარების ასეთი სტრატეგია კი ქომაგში რა რეაქციასაც გამოიწვევს ყველა ერთად ვნახავთ.</p><p>ასევე ბევრი კითხვაა ფეხბურთის განვითარების ფონდის საქმიანობაზეც. კლუბების მესვეურები, ჯერჯერობით, ხმამაღლა არ ლაპარაკობენ, თუმცა კერძო საუბრების დროს უკმაყოფილებას ვერ მალავენ. უმჯობესი იქნება, ამ მხრივ კლუბებთან მეტი სამუშაო ჩაატარონ...</p><p><strong>ედო ბადალაშვილი</strong> (sportall.ge):</p><p>- გაცილებით მეტის მოლოდინი იყო, თუმცა მთლად უარყოფითადაც ვერ შევაფასებ განვლილ ერთ წელიწადს. აუცილებლად უნდა აღინიშნოს გარიგებული მატჩებისადმი გამოჩენილი სიმკაცრე. ადრე თუ გვიან, ეს სიბინძურე უნდა დასრულდეს და ამას ზომები სჭირდება, რომელსაც ფედერაცია მიმართავს...</p><p>რამდენიმე კლუბს ინვესტორი გამოუჩნდა და ამასაც ფედერაციის მიღწევად ჩავთვლი, რადგან განვითარების ის 5-წლიანი პროგრამა, რომელიც დამტკიცდა, ინვესტორებისთვისაც მიმზიდველია...</p><p>კარგია, რომ ბოლო პერიოდში უმაღლესი ლიგის მატჩების პირდაპირ ეთერში ჩვენებაც დაიწყო. ვიმედოვნებ, სამომავლოდ ცალკე ტელევიზიაც შეიქმნება. კარგი სიახლეა ქალთა ეროვნული ჩემპიონატიც...</p><p>კარგია, რომ საფეხბურთო ღონისძიებებმა იმატა რეგიონებში - სუპერთასის ჩატარება ქუთაისში, ახალგაზრდული ნაკრების თამაშები ზესტაფონში...</p><p>მაგრამ, როგორი კარგი ფეხბურთიც არ უნდა ეთამაშა ეროვნულ ნაკრებს ირლანდიასა და უელსში, ნაკრებიდან <strong>კახა ცხადაძის</strong> გათავისუფლება მაინც ფედერაციის მინუსად ჩაითვლება. თანაც, თუ გავითვალისწინებთ იმ მიზეზს, რომელიც მათი მხრიდან დასახელდა...</p><p>ვერ ვხედავ ასევე ფეხბურთის განვითარების ფონდის მნიშვნელობას, რომელიც ამ ფედერაციის მიერვე შეიქმნა.</p><p>პირადად ჩემთვის, მიუღებელი იყო ის ფაქტიც, რომ ფედერაციის პრეზიდენტმა საპარლამენტო არჩევნებში მიიღო მონაწილეობა. გასაგებია, ამას ორი მხარე აქვს, მაგრამ მე უარყოფითად ვუყურებ ამ ფაქტს. ასე რომ, იყო დადებითიც და უარყოფითიც. მთლიანობაში კი, უკეთესი მომავლის იმედით, ეს ერთი წელიწადი შემიძლია შევაფასო, როგორც - ნორმალური.</p><p><strong>ოთარ მუმლაძე</strong> (mysports.ge):</p><p>- არჩევნებიდან ერთი წელიწადი გავიდა, ეს დრო კი ფედერაციის საქმიანობის შესაფასებლად საკმარისი ნამდვილად არ არის. მიუხედავად ამისა, ვეცდები, მეტ-ნაკლებად ამომწურავად ვისაუბრო იმ მთავარ აქცენტებსა და მიმართულებებზე, რომელიც ფეხბურთის ფედერაციაში ხელმძღვანელობის ცვლილების შემდეგ პოზიტიური ან ნეგატიური კუთხით შეიცვალა...</p><p>დავიწყებ ეროვნული ნაკრებით. ფეხბურთის ფედერაციის მუშაობის შესაფასებლად, რატომღაც, ეროვნული ნაკრების შედეგებს მთავარ მნიშვნელობას ანიჭებენ ხოლმე, ჩემი აზრით კი, ეს არასდროს ყოფილა და არც იქნება ფედერაციის საქმიანობის მთავარი ინდიკატორი. გასულ წელს ეროვნულ ნაკრებში მნიშვნელოვანი ცვლილება მოხდა. თანაც საკმაოდ ხისტი და მტკივნეული ფორმით - ვგულისხმობ კახა ცხადაძის გათავისუფლებას...</p><p>ეს უკვე წარსულია და გუნდსაც ახალი მწვრთნელი ჰყავს, ამიტომ, ყურადღებას სხვა დეტალზე გავამახვილებ. არ არის საჯარო <strong>ვლადიმირ ვაისის</strong> ხელფასი, რაც, ვფიქრობ, პრობლემაა. მაქვს ინფორმაცია, რომ სლოვაკეთის ნაკრებშიც და ალმათის "ქაირათშიც" ვაისის ანაზღაურება იმაზე მეტი იყო, რამდენსაც ფეხბურთის ფედერაცია ცხადაძეს სთავაზობდა. ამიტომ, მნიშვნელოვანია, ვიცოდეთ, რეალურად რამდენს იღებს სლოვაკი მწვრთნელი.</p><p>ასაკობრივ ნაკრებებს რაც შეეხება, გასულმა ერთმა წელიწადმა აჩვენა, რომ 21-წლამდელებში მთავარი მწვრთნელის ცვლილების გარდა, ყველა სხვა ასაკობრივ გუნდში ასეთმა ცვლილებამ უარყოფითი შედეგი მოიტანა.</p><p>უკანასკნელი 5 წლის განმავლობაში პირველად მოხდა, რომ 17-წლამდელთა ნაკრებმა საკვალიფიკაციო ეტაპი ვერ დაძლია. წარუმატებლად ჩაატარეს ელიტრაუნდის მატჩები 19 და 17-წლამდელებმაც, არადა ორივე ასაკში ბოლო წლების განმავლობაში შედეგი ყოველთვის იყო, თანაც - სტაბილურად. მაგალითად, 17-წლამდელთა ნაკრებში, უკანასკნელი ერთი წლის განმავლობაში, მესამე მწვრთნელს უწევს მუშაობა. არსად მსგავსი რამ არ ხდება. ამ ასაკის ბავშვებში მწვრთნელების ხშირი ცვლა დაუშვებელია, თუნდაც მხოლოდ ფსიქოლოგიური კუთხით. იმედია, 19-წლამდელთა ნაკრები 2017 წლის ზაფხულში თბილისში გასამართ ევროპის ჩემპიონატზე წარმატებით ითამაშებს. ეს ქართულ ფეხბურთს ძალიან სჭირდება.</p><p>ვფიქრობ, გასულმა წელიწადმა აჩვენა, რომ ფეხბურთის ფედერაციას უფრო ქმედითი აღმასრულებელი კომიტეტი სჭირდება. ჩემი აზრით, 11-კაციანი (თანაც პრეზიდენტის ჩათვლით) აღმასკომი არც ისე წარმომადგენლობითია. კომიტეტში ყველა კერძო კლუბის მფლობელის ხმაც უნდა ისმოდეს და არა - მხოლოდ ორი თუ სამი კლუბის.</p><p>უსამართლო გადაწყვეტილება შეეხო საფეხბურთო კლუბ "ვიტ ჯორჯიას". ლიცენზირების კომიტეტმა ამ კლუბს ლიცენზია ინფრასტრუქტურული პრობლემების გამო არ მისცა, არადა, "ვიტ ჯორჯია" წლებია, მცხეთაში, საკუთარ არენაზე თამაშობს. მონაწილეობას იღებს საქართველოს ჩემპიონატისა და თასის გათამაშებაში, გასულ წელს სულაც ნახევარფინალში ითამაშა...</p><p>გარდა იმისა, რომ "ვიტ ჯორჯიას" უმაღლეს ლიგაში გადასვლის უფლება არ მისცეს, "მცხეთა პარკი" ამოღებულ იქნა იმ სტადიონების ნუსხიდან, სადაც 2017 წელს 19-წლამდელთა ევროპის ჩემპიონატი უნდა ჩატარებულიყო. ამ ორი გადაწყვეტილების რეალურ მიზეზებზე ფეხბურთის ფედერაციას დღემდე არ ულაპარაკია. "ვიტ ჯორჯიას" პრეზიდენტი <strong>გურამ რუხაძე</strong> ამ ფაქტებს მის წინასაარჩევნო პოზიციას უკავშირებს. ერთი წლის წინ მან არჩევნებში ხმა <strong>რევაზ არველაძეს</strong> მისცა...</p><p>ფეხბურთის მასობრიობის კუთხით, პოზიტიური ნაბიჯები გადაიდგა. კარგია, რომ ტარდება რეგიონთა თასი, რომელიც ნიჭიერი ბავშვების აღმოჩენას უწყობს ხელს. ასევე ფეხბურთის პოპულარიზაციის კუთხით, მნიშვნელოვანია ისეთი ტურნირები, როგორიცაა, მაგალითად, უბნის თასი. ქართულ ფეხბურთში ყველაზე დიდი პრობლემა სწორედ რეგისტრირებული პროფესიონალი და მოყვარული ფეხბურთელების მცირე რაოდენობაა.</p><p>მნიშვნელოვანია ქალთა ეროვნული ჩემპიონატის ჩატარებაც. ბოლო წლებში ფიფა და უეფა ქალთა ფეხბურთის განვითარებაზე სოლიდურ ფინანასებს ხარჯავენ, ამიტომ, მნიშვნელოვანია, ამ ტენდენციას ფეხი ფეხბურთის ფედერაციამაც აუწყოს.</p><p><strong>დიმა შარიქაძე</strong> (adjarasport):</p><p>- ფედერაციის მთავარი შეცდომა კახა ცხადაძის გათავისუფლებაა. თავდაპირველად, ახალი ხელმძღვანელობა კმაყოფილი იყო მწვრთნელის მუშაობით, თუმცა შემდგომ მკვეთრად განსხვავებული განცხადებები გააკეთეს. ეროვნულ ნაკრებში ცხადაძის და მისი გუნდის ერთწლიანი ნაყოფიერი მუშაობა დასრულდა, თუმცა ღიად არ ითქვა კონფლიქტის რეალური მიზეზი...</p><p>ფეხბურთის ფედერაციამ სახელმწიფოსთან ერთად ფეხბურთის განვითარების პროგრამის შექმნით გააჩინა წარმატების და, პირველ რიგში, სტაბილურობის იმედი, რომ დასრულდება ექვსთვიანი და მოკლევადიანი მიზნები ქართულ კლუბებში. პროგრამის შექმნიდან 8 თვეზე მეტი გავიდა და არ დაწყებულა არც ერთი საგანმანათლებლო პროგრამა. ვგულისხმობ ფიზიკური მომზადების მწვრთნელთა, ანალიტიკოს მწვრთნელთა, სპორტულ ექიმთა თუ მარკეტოლოგთა სასწავლო პროგრამებს. იმედი მაქვს, ეს პროგრამები უახლოეს მომავალში განხორციელდება, წინააღმდეგ შემთხვევაში, მისი არსებობა აზრს დაკარგავს...</p><p>საქართველოს ეროვნულმა და ახალგაზრდულმა ნაკრებებმა საკმაოდ ძლიერ გუნდებთან გამართეს ამხანაგური მატჩები. ვაისის გუნდი ევროპის მოქმედ ჩემპიონ ესპანეთს და ევროპის ჩემპიონატის მონაწილე რუმინეთსა და სლოვაკეთს შეხვდა, <strong>გია გეგუჩაძის</strong> გუნდი კი - საფრანგეთის ახალგაზრდულ ნაკრებს, რომელიც ამ ეტაპზე თავის ასაკში მსოფლიოში ერთ-ერთი საუკეთესოა.</p><p>სპარინგ-პარტნიორების შერჩევის კუთხით ფედერაციამ ძალიან ნაყოფიერად იმუშავა. ასევე, ნოემბერში 19-წლამდელთა ნაკრებებს შორის თბილისის საერთაშორისო ტურნირი გაიმართება, რომელშიც ჰოლანდიის, ესპანეთისა და საფრანგეთის ნაკრებები მიიღებენ მონაწილეობას, რაც ასევე ძალიან პოზიტიური მოვლენაა...</p><p>ფეხბურთის ფედერაციამ სწორი გადაწყვეტილება მიიღო, როცა საქართველოს 21-წლამდელთა ნაკრების მთავარი მწვრთნელის პოსტიდან <strong>ალექსანდრე ჩივაძე</strong> გაათავისუფლა და გია გეგუჩაძე დანიშნა...</p><p>ასევე ძალიან კარგი არჩევანი იყო ვლადიმირ ვაისის მოწვევა, მაგრამ თუ ამ მიმართულებით პოზიტიური ნაბიჯები გადაიდგა, ასაკობრივ ნაკრებებში არსებული სტაბილური გარემო აიმღვრა. წარუმატებლობის შემდეგ ყოველთვის ადვილია კრიტიკა, მაგრამ გაურკვეველია რატომ გადაწყდა <strong>ვასილ მაისურაძის</strong> 19-წლამდელთა ნაკრებიდან 17-წლამდელებში გადაყვანა, მაშინ, როცა მან 19-წლამდელებში ნაკრებთან ერთად საკვალიფიკაციო ეტაპი წარმატებით დაძლია.</p><p>საკამათოა <strong>გოჩა ავსაჯანიშვილის</strong> გათავისუფლებაც, რომელიც, წარმატების მიუხედავად, ელიტრაუნდამდე მცირე ხნით ადრე მოხსნეს.</p><p>ფეხბურთის ფედერაციის ახალი ხელმძღვანელობის დროს მაღალ თუ შედარებით დაბალ თანამდებობას არაერთი პირი დაემშვიდობა. ცხადია, ცვლილებები ნებისმიერ ორგანიზაციაში ხდება, რაც ზოგჯერ მტკივნეული და აუცილებელი პროცესია, თუმცა თანამშრომლის უარგუმენტოდ დათხოვნა ფედერაციის უპასუხისმგებლობაზე მიუთითებს. მათ შორის იყო ასაკობრივი ნაკრებების მედიაოფიცერი <strong>ეკა ელოშვილი</strong>, რომელმაც უეფას ორგანიზებით თბილისში ჩატარებულ ფეხბურთის მენეჯმენტის კურსებზე უმაღლესი შეფასება მიიღო, მაგრამ ფედერაციაში მომხდარ ცვლილებებს მისი უსაფუძვლო გაშვება მოჰყვა...</p><p>მნიშვნელოვანი ნაბიჯები გადაიდგა ფეხბურთის მასობრიობის კუთხით. იმართება საქართველოს თასის გათამაშება სამოყვარული ფეხბურთში, რომელშიც 5 ათასზე მეტი მოყვარული ფეხბურთელი მონაწილეობს. ასევე, მნიშვნელოვნად გაიზარდა გუნდების რაოდენობა მეორე ლიგაში. ევროპული ფეხბურთის ერთ-ერთი ხიბლი სწორედ დაბალ თუ სამოყვარულო ფეხბურთშია და კარგია, რომ ჩვენს ქვეყანაში ფეხბურთის ამ მხარესაც მიექცა ყურადღება.</p><p><strong>სანდრო გამსახურდია</strong> (იბერია):</p><p>- ფეხბურთის ფედერაციის საქმიანობის შესაფასებლად, ბუნებრივია, ერთი წელიწადი არ არის საკმარისი, რადგან წარმატებული მუშაობა შედეგით იზომება, შედეგი კი ერთ წელიწადში არ მოდის. თუმცა გატარებული რეფორმების ნაწილით კმაყოფილი ვარ. ეს ეხება 250-მილიონიან ინვესტიციას ფეხბურთში და ჩემპიონატის ფორმატის მართებულ ცვლილებას...</p><p>იყო შეკითხვები ასაკობრივი ნაკრებებისა და ეროვნული გუნდის მწვრთნელების უსამართლო მოხსნასთან დაკავშირებით, თუმცა ამ თემამ დროებით აქტუალობა დაკარგა, რადგან ქვეყნის პირველმა ნაკრებმა უკანასკნელ შეხვედრებში საგრძნობლად გააუმჯობესა თამაშის ხარისხი.</p><p>მთავარი მინუსი კი, რაც ქართული ფეხბურთის მმართველ ორგანოში ამ ერთი წლის განმავლობაში მოხდა, ის არის, რომ ფედერაციის პრეზიდენტმა საკუთარ საქმიანობას პარლამენტარობაც შეუთავსა და პოლიტიკაში გადაინაცვლა. ფეხბურთი და პოლიტიკა უნდა გაიმიჯნოს ერთმანეთისგან. სხვათა შორის, ლევან კობიაშვილისგანაც მაქვს ეს მოსმენილი არაერთხელ. როგორ გაართმევს ორივე საქმეს თავს, ამას დრო გვიჩვენებს, მე კი, ჩემის მხრივ, წარმატებას ვუსურვებ არსებულ ფედერაციას რთულ გზაზე.</p><p><strong>პაატა ძნელაძე</strong> (დამოუკიდებელი ჟურნალისტი):</p><p>- პირველ რიგში, რაც თვალში საცემია, ეს გარიგებული მატჩების წინააღმდეგ ბრძოლაა. ასევე დადებითად ვაფასებ მომდევნო წლიდან 10-გუნდიან ჩემპიონატზე გადასვლას. სწორედ ამ ფაქტების გათვალისწინებით, ფეხბურთის ფედერაციის მუშაობა ამ ერთი წლის განმავლობაში დადებითად უნდა შეფასდეს. ბოლო ორმა სანაკრებო თამაშმა კი დაგვნახა, რომ ეროვნული გუნდის თამაშის ხარისხიც აშკარად ოპტიმიზმის საფუძველს იძლევა.</p><p><strong>დიმა ნებიერიძე</strong> (adjarasport.com)</p><p>- დადებითად შევაფასებდი ფედერაციის ერთწლიან მოღვაწეობას. ზოგადად, მომწონს საქმისადმი მათი მიდგომა, ცდილობენ, სწორად იმუშაონ. კარგია ინფრასტრუქტურული პროექტები... ერთ-ერთი მთავარი ფაქტორი უნდა გახდეს ჩემპიონატის დონის ამაღლებისა და ნაკრებების წინსვლის საქმეში. მისასალმებელია გამკაცრებული ლიცენზირების ეტაპები, იმედია კიდევ უფრო გაიზრდება მოთხოვნები...</p><p>გარიგებულ მატჩებს აშკარად ებრძვიან და მწვავედ რეაგირებენ ამ საკითხზე, რაც ასევე მისასალმებელია.</p><p>არ არის ვინმეს ლობირების ფაქტები და თანაბრობის პრინციპია. წინა აღმასკომის წევრები და გუნდები პრივილეგირებულები იყვნენ, აქ კი, მაგალითად, <strong>ფრიდონ ინჯია</strong> აღმასკომშია და "მერანი" მაინც დაისაჯა. ასევე, აღმასკომის წევრია <strong>ბესო ჩიხრაძე</strong>, მაგრამ "გაგრა" სასჯელს ვერ გადაურჩა.</p><p>როგორც ვიცი, ძალიან კარგი პროექტებია და მუშაობის პროცესშია ახალი ჩემპიონატის ბევრი დეტალი - შეფუთვა, ლოგო, სახელი, ტრანსლირება, ვებგვერდი, გაშუქების საკითხი... იმედი მაქვს, ამ კუთხით ბევრი სასიამოვნო სიახლე იქნება...</p><p>ამუშავდა სოციალური მედია, ფეისბუქის გვერდი აქტიურია, ბევრი საინტერესო მასალა იდება. ასევე ოპერატიულად მუშაობს ვებგვერდი, ნაკრებებს მედიამენეჯერები დაჰყვებიან შეკრებებზე და თბილისიდან ტელეფონით არ უწევთ შემადგენლობების ჩაწერა და ფეხბურთელის მობილურით გადაღებული გუნდური ფოტოს საიტზე დადება...</p><p>21-წლამდელთა ნაკრებში გია გეგუჩაძის დანიშვნა სწორი ნაბიჯი იყო. ასევე, პროგრესირებს ეროვნული ნაკრები, ფედერაციამ გეგუჩაძე და ვაისი აუცილებლად უნდა შეინარჩუნოს, რადგან ორივე მწვრთნელი სწორად მუშაობს...</p><p>კარგ ფაქტად დავასახელებდი და მივესალმები უმაღლესი, პირველი და მეორე ლიგის, თასის თამაშებზე ფედერაციის ხელმძღვანელების და თანამშრომლების დასწრებას...</p><p>ქალთა საფეხბურთო ჩემპიონატიც დადებითად უნდა შეფასდეს, ასეთი კარგად ორგანიზებული ტურნირებით ეროვნული ნაკრებიც განვითარების გზას დაადგება...</p><p>არ მომეწონა ლევან კობიაშვილის პოლიტიკაში წასვლა, რადგან მგონია, რომ ეს მას ბევრ დროსა და ენერგიას წაართმევს. კარგი იქნებოდა, მთელი ძალები მხოლოდ ფეხბურთისკენ მიემართა, მაგრამ იმედი მაქვს, თუ პარლამენტში შევა, სპორტის კომიტეტში იმუშავებს და იქიდანაც დაეხმარება ქართულ ფეხბურთს.</p><p><strong>დავით ერაძე</strong> (რუსთავი 2):</p><p>- მთლიანობაში უარყოფითად შევაფასებდი. კითხვები გაცილებით მეტია, ვიდრე - პასუხები. აშკარად არ გაამართლა ექსპერიმენტმა ასაკობრივი ნაკრებების მთავარ მწვრთნელებთან დაკავშირებით, გარდამავალმა ჩემპიონატმაც უამრავი კითხვა დაბადა...</p><p>ფედერაცია, უბრალოდ, ვალდებული იყო, ალტერნატიულ გზაზე უფრო მეტი ეფიქრა. ამ გარდამავალი ჩემპიონატის უარყოფითი მხარე მალე შეგვახსენებს თავს.</p><p>ნეგატივია ფედერაციიდან კვალიფიციური კადრების გაშვება იმ მოტივით, რომ ისინი მათი გუნდის წევრები არ არიან.</p><p>მოლოდინი გაცილებით დიდი იყო, თუმცა... წინ კიდევ სამი წელიწადია და გულწრფელად წარმატებებს ვუსურვებ ფედერაციის დღევანდელ გუნდს ქართული ფეხბურთის საკეთილდღეოდ.</p><p><strong>ილია ნანობაშვილი</strong> (მსოფლიო სპორტი):</p><p>- მთლიანობაში, დადებითად ვაფასებ. ჯერ ერთი, წელიწადი გავიდა და ბევრი რამ ვერ შეიცვლებოდა, მაგრამ იმატა მასობრიობამ, შეიქმნა ახალი გუნდები, ფედერაცია ყველანაირად ცდილობს ფეხბურთის პოპულარიზაციას. აღდგა რამდენიმე გაუქმებული კლუბი. ბევრი ფეხბურთელი, ვისაც ადრე ფეხი გადაუბრუნდა და მიატოვეს, ფეხბურთს დაუბრუნდა. ისინი მეორე და მესამე ლიგებში გამოდიან...</p><p>გასათვალისწინებელია მოყვარულთა ლიგის დაარსებაც. მომწონს, რომ 10-გუნდიან უმაღლეს ლიგაზე გადავდივართ. ფედერაცია იბრძვის გარიგებული მატჩების წინააღმდეგ, გამოვლინდა ფაქტებიც. შეძლებისდაგვარად, ყველა თამაშზე აგზავნიან დამკვირვებლებს. კარგი იქნება, თუ ეს უფრო მკაცრად გაკონტროლდება...</p><p>ეროვნულ ნაკრებს სამედიცინო და აღმდგენი საშუალებები შეუძინეს, რაც მცირე თანხა არ დაჯდა. ამის დასტურია, რომ ეროვნულმა ნაკრებმა სამდღიან მონაკვეთში ორივე მატჩი სათამაშო უპირატესობით ჩაატარა ირლანდიასა და უელსში, ისე, რომ გამძლეობის პრობლემა არ ჰქონია.</p><p>გაუარესდა შედეგები ასაკობრივ ნაკრებებში. ეს უფრო 17-წლამდელებზე ითქმის, რაც აუცილებლად უნდა გამოსწორდეს. ამ ასაკში მომავალზე გათვლაც საჭიროა და შედეგიც. მთავარია, სელექცია აქტიურად ტარდება და შეცდომებიც აღმოიფხვრება.</p><p><strong>ვახო გაფრინდაშვილი</strong> (მაესტრო):</p><p>- ერთი წელი შესაფასებლად ცოტაა, თუმცა არის საკითხები, რომელიც ცალსახად პოზიტიურად შეიძლება შეფასდეს, პირველ რიგში - კლუბების დაფინანსება, თუმცა აქ სახელმწიფოს როლი უფრო დიდი მგონია, ვიდრე ფედერაციის. გარიგებული მატჩების წინააღმდეგ ბრძოლა ეფექტურია, მაგრამ ეს მაინც ზღვაში წვეთია.</p><p>გაუგებარია, ასაკობრივი ნაკრებების უარყოფით შედეგებზე ფედერაციის პოზიცია მწვრთნელებთან მიმართებაში. აქ არ იგულისხმება გია გეგუჩაძე. ნეგატიურად ვაფასებ კახა ცხადაძის გაშვებას...</p><p><strong>ლაშა თაბაგარი</strong> (adjarasport.com):</p><p>- დავიწყებ ფეხბურთის ფედერაციის საპრეზიდენტო არჩევნებიდან. არჩევნები პირველად ჩატარდა ისე, რომ ჩარევა არ ყოფილა. ყოველ შემთხვევაში, კანდიდატურა არავის მოუხსნია.</p><p>ჩვენ ფეხბურთის ფედერაციის საქმიანობის შეფასება უნდა დავიწყოთ იმით, თუ რა დახვდათ მათ. ბევრ ქვეყანაში ფედერაციის ახალ ხელმძღვანელობას აწყობილი ხვდება ყველაფერი, ჩვენთან კი ასე არასოდეს ყოფილა და გამონაკლისი არც ეს ფედერაციაა - მილიონობით ვალი, შეჩერებული მშენებლობები...</p><p>ჩვენ ეს რეალობა უნდა გავითვალისწინოთ. ყველაზე მთავარი, რაც მინდა გამოვყო, ფეხბურთის განვითარების სახელმწიფო პროგრამის შექმნაა. შეიძლება, ფონდის საქმიანობა თავიდან ცოტა მძიმედ დაიწყო, მაგრამ ჩვენ ხუთ წელიწადში უნდა გვყავდეს დაახლოებით 60 კერძო კლუბი და ესაა მთავარი...</p><p>ფეხბურთის ფედერაციას ჰყავს ახალი სპონსორი "ვითიბი ბანკის" სახით და ვისურვებდი, სხვა სპონსორებიც გამოჩნდნენ. ტარდება ასაკობრივი ჩემპიონატები, ქალთა პირველობა...</p><p>ფეხბურთის ფედერაციის ხელმძღვანელები პირადად ესწრებიან ეროვნული ჩემპიონატის მატჩებს და ეს მისასალმებელია. შეურიგებელი ბრძოლაა გარიგებული თამაშების წინააღმდეგ...</p><p>რაც შეეხება საქართველოს ნაკრებში განვითარებულ მოვლენებს. უდიდეს პატივს ვცემ კახა ცხადაძის მიერ ნაკრებში გაწეულ სამუშაოს. ამავე დროს, მიმაჩნია, რომ ფეხბურთის ფედერაციას ის უარესი მწვრთნელით არ ჩაუნაცვლებია: ვლადიმირ ვაისს არც სახელი აკლია და არც - გამოცდილება.</p><p>მივესალმები იმას, რომ ბოლო დროს, საქართველოს ფეხბურთის ფედერაციის ინიციატივით, "იუთუბზე" დაიწყო ჩვენი ჩემპიონატის მატჩების ტრანსლაცია.</p><p>რაც შეეხება საქართველოს ასაკობრივი ნაკრებების შედეგს, ეს უფრო სისტემური პრობლემა მგონია. ამავე დროს, მინდა ვთქვა კლუბების პასუხისმგებლობაზე. როცა ერთი სკამია შესაცვლელი, როცა ერთი სარეველაა ამოსათხრელი, ამისთვის ფონდი რატომ უნდა შეაწუხო?!</p><p><strong>ლევან ჯანეზაშვილი</strong> (ქრონიკა პლუსი):</p><p>- ერთი წელიწადი არ არის ის დრო, ყველაფერი ამომწურავად რომ შეაფასო, მაგრამ გარკვეული დასკვნების გამოტანა კი შეიძლება.</p><p>შეფასებას დავიწყებ ეროვნული ნაკრებით. მიმაჩნია, რომ ფეხბურთის ფედერაციამ "ათიანში გაარტყა" ვლადიმირ ვაისის სახით. ადრე, "ლელომ" სანაკრებო თემაზეც ჩაატარა გამოკითხვა და მაშინ ვთქვი, რომ ჩვენ გვჭირდებოდა აღმოსავლეთევროპელი მწვრთნელი სანაკრებო გამოცდილებით...</p><p>კახა ცხადაძემ რწმენა ჩაუნერგა <strong>თემურ ქეცბაიას</strong> მიერ დემორალიზებულ ნაკრებს, ვაისი კი ამ გზას წარმატებით აგრძელებს. მჯერა, მალე ეროვნული გუნდის შედეგი მნიშვნელოვნად გაუმჯობესდება და საქართველოს ნაკრები ამ შესარჩევ ციკლში კონკრეტულ სახეს მიიღებს.</p><p>გაამართლა 21-წლამდელთა ნაკრებში გია გეგუჩაძის დანიშვნამ. ძალიან დროული ნაბიჯია ჩემპიონატში მონაწილე გუნდების ათამდე შემცირება. 10-გუნდიანი პირველობა ჩვენთვის ოპტიმალურია.</p><p>ფეხბურთის განვითარების სახელმწიფო პროგრამამ სულზე მოგვისწრო, შეურიგებელი ბრძოლაა გარიგებული თამაშების წინააღმდეგ... მოკლედ, შეფასება დადებითია.</p><p><strong>გია პლატონიშვილი </strong>(საქართველოს რესპუბლიკა):</p><p>- საქართველოს ფეხბურთის ფედერაციის საქმიანობას მაშინ შევაფასებ, როცა მათი თანამდებობაზე ყოფნის ვადა ამოიწურება. ისე, საუკეთესო შემფასებელი გულშემატკივარია.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
barsa
გარიგებული მატჩების მონაწილეები უნდა დაისაჯონ უმკაცრესად ეგრევე უნდა მოიკვეთონ ჩემპიონატიდან, მან მილიონი ტუ იშოვა რას უზამს 6 ქულის დაკლება? არაა 6 ეს ქულის დაკლება საკმარისი. და სხვა აღარ გაიმეორებს იგივეს
-
barsa
გარიგებული მატჩების მონაწილეები უნდა დაისაჯონ უმკაცრესად ეგრევე უნდა მოიკვეთონ ჩემპიონატიდან, მან მილიონი ტუ იშოვა რას უზამს 6 ქულის დაკლება? არაა 6 ეს ქულის დაკლება საკმარისი. და სხვა აღარ გაიმეორებს იგივეს
-
gaga
რას უპირებტ ზესტაფონს
-
gaga
გინ ესენი იყვნენ გინ ისინი რაზრიაქ ლაპარაკის მეტს არაფერს აკეტებენ მალლე ესენიც წავლიან და ასე სჰეიცვლება ხალხი მაგრამ ცვლილება სჰემპიონატს არაფერს დატყობს რაუყავიტ ზესტაფონი ისინი არვარგოდნენ მაგრამ ტქვერასაკეტებტ
-
ლასა, კარგი რა!!!!
ლაშა თაბაგარი (adjarasport.com): - "დავიწყებ ფეხბურთის ფედერაციის საპრეზიდენტო არჩევნებიდან. არჩევნები პირველად ჩატარდა ისე, რომ ჩარევა არ ყოფილა. ყოველ შემთხვევაში, კანდიდატურა არავის მოუხსნია". კომენტარის გარეშე!!!!!!
-
ელკიაერ ლარსენი
სისტემა კარგად დაალაგეს,საბურთალო
-
ელკიაერ ლარსენი
სამმა მილიარდმა გაიცნო საქართველო ერთ დღეს.სუპერ თასის ფინალი
-
ელკიაერ ლარსენი
სად არის მამულაშვილი?...
-
ელკიაერ ლარსენი
ლაშა თაბაგარზე შემეცვალა აზრი,მეგონა.....
-
ელკიაერ ლარსენი
ცხადაძეს დღეს მინიმუმ სამი ქულა ექნებოდა
-
ელკიაერ ლარსენი
შეფასება ხდება მაშინ როცა რამე კეთდება
-
ელკიაერ ლარსენი
რას ერჩოდით არველაძეებს?წარმატებული ხალხის რატომ გეშინიათ?სიმართლის მთქმელი ყოველთვის და ყველგან დაფასებულია
-
ლუკა
კობიაშვილის საქმიანობა პრეზიდენტობის წლისთაზე საფუძველს არ გვაძლევს რომ ქართული ფეხბურთის წინსვლას ველოდოთ. არ არსებობს ფეხბურთის განვითარების სახელმწიფო გეგმა. ფედერაციის გეგმა კი სახელმწიფოს გარეშე უსუსურია. ფეხბურთისთვის სასიკეთო გადაწყვეტილებები იღება პიროვნულ დონეზე ფედრაციის პრეზიდენტის და სპორტის მინისტრის მიერ. სახელმწიფო გეგმის არარსებობის პირობებში, სპორტის მინისტრი სპონტანურ, წინასაარჩევნო პერიოდზე გათვლილ და ქაოტურ ინფრასტრუქტურულ პროექტებს აანონსებს. ფეხბურთის ინფრასტრუქტურის შექმნა არ არის მთლიანი შეთანხმებული სახელმწიფო პროგრამა, რომელსაც ყველა დონის სახელმწიფო ერთეულები ერთიანი სისტემით, ფინანსებით და ხედვით შექმნიან. ზოგი რეგიონი ალთას არის ზოგი ბალთას, ზოგი მუნიციპალიტეტი ცდილობს ინფრასტრუქტურის მოწესრიგებას ზოგი ვერა. უცხოელი ინვესტორების მოსაზიდად არ ტარდება მოსამზადებელი სამუშაოები. ნაკრების წარმატება ტრადიციულად მწვრთნელის კისერზე დაკიდა ფედერაციამ. თუ არ იქნება შედეგი მწვრთნელზე გადატეხავენ ჯოხს. საქმიანობა ზედაპირული, კოსმეტიკური არის ამ ერთი წლის განმავლობაში. ფედერაციაში არის, მუჯირის თამადობით, მკვდარი კადრების პრობლემა. არსებულ კადრებს არ გააჩნია უნარი, გამოცდილება, ერუდიცია და ახალი იდეები. სამწუხაროა რომ ქართულ ფეხბურთს კვლავ არ ყავს სათავეში ძლიერი ლიდერი, რომელიც ძირფესვიანად შეცვლის ქართულ ფეხბურთში არსებულ შუასაუკუნეობრივ მენტალიტეტს და დააყენებს ქართულ ფეხბურთს განვითარების გზაზე.
-
რიგითი გულშემატკივარი
ბატონ კობა ინასარიძეს,ისევე როგორც ნებისმიერ სპორტზე მომუშავე ჟურნალისტს,ჩემს დიდ პატივისცემას დავუდასტურებ,მაგრამ მეგობრულად ვეტყვი,რომ თუ,როგორც თვითონ ამბობს ნაკრები სასტუმროში ცხოვრობს და სტადიონზე წინ და უკან ავტობუსებით გადაადგილდება ამით ფედერაცია ნაკრებისთვის ზედმეტ თანხას ხარჯავს და ასაკობრივი ნაკრებებისთვის ნაკლები დარჩება,ამიტომ რეალობაა,რომ ნაკრებისკენ ზედმეტი "თანხებია მიმართული და ასაკობრივები მეორეხარისხოვნები გამოდიან.ისე,რომ"კაცია ადამიანი?"-ვით გამოგივიდათ:ბუზები გაფრენილანო.
-
1
ზესტაფონი არ გახსენებია არავის.
-
Davit
ქართული ფეხბურთი დიდიხანა მკვდარია. ფედერაცია მესაფლავეა. ესენი კი ე.წ ჟურნალისტები მკვდარზე ვენოკი არიან. ვიდრეამას არ გაითვისსებთ პირველ რიგიში თვენ ჟუარნაილისტები არაფერი გამვა
-
ვეტერანი
ყველა სიმართლეს ამბობთ, მაგრამ რა ვუყოთ თამაშს, რომლის ყურებაც თუნდაც მაღალი დონის გუნდებისგანაც კი არანაირ სიამოვნებას არ გვანიჭებს. ვერ დავადგინე რა რეფორმატორული პროგრამა ჰქონდა უეფა-ს ახალ პრეზიდენტს, რომელსაც რატომღაც სფფ-მაც მისცა ხმა. ფუტბოლი მსოფლიოში მომგებიანი ბიზნესია, ჩვენთან კი მაჩანჩალა და დოტაციური. ამ გაღლეტილ ქვეყანაში მილიონობით ლარს რომ ფლანგავთ არ გრცხვენიათ, კომუნიზმი მარტო ფუტბოლში დარჩა. კიდევ კარგი ტელერეპორტაჟები რომ არ არის და არ ვხედავთ რაში ნიავდება ხალხის ფული.
-
vasilich
ზესტაფონი არავის გახსენებია, არც ერთს! მალადეც თქვენ და კუკები ენერგეტიკოსს
-
didi gulshematkivari
ბატონო ლევან მე ტუ მკიტხავტ ტქვენი მოსვლის შემდეგ ასაკობრივი ნაკრების საქმე უკან წავიდა ავაჯანისვილის მოხსნა იყო ზალიან დიდი სეცდომა სად იყო ნაკრები მისული რაღაც ორი თვე იყო დარცენილი და ისე გაბორიტებულები მოხვედითიტ ვერ გაერკვიეთ სიტუაციაში მუჯირმა დიდი როლი იტამაშა ავსაჯანას მოხსნაში ავსაჯანას ჩემი მტერი მიუდგეს მაგრამ უნდა გეცლიათ კარგი გუნდი ყავდა სეკრებილი და ნაღდადდ ვიცი გაგვახარებდა მაგრამ თქვენ შედეგი არ გაინტერესებდათ აი თქვენი შედეგი მაისურაძემ დაგვამხო თავზე ელიტრაუნდი
-
gela
კობიაშვილსაც და მის ძმაკაცებს რომლების სავარძლებში სხედან თბილად---- უნდა გაიგონ რომ თბილისი მარტო საქართველო არ არის.
-
gimi
aravitari tinsvla, elemantaruli stadioni ar aakvs gundebs, samokvarulo doneze tardeba chempionati, uamravi samushaoa gasaketebeli da kobiashvils gldanis deputatoba unda.
-
Kaxa
Kvelam kvelaperi icis hemo levan .rogor mogikvanes hem sexniam da rogor gagamarjvebines.is arsnormaluri da gamcemi prezibenti unda wasuliko mgram ara ase msoplios sasciloebi ro gavxdit. Energetic ministri ereoda xmis micamashi..ai rato arasodes gvimartlebs.usamartlobas arc gmerti gvapatiebs ba arc portuna ikneba hvensken.
-
dato
თითქმის ყველა ჟურნალისტის მოსაზრება ვეთანხმები, მაგრამ ლაშა თაბაგარის მოსაზრებამ არჩევნებზე დაგლიჯა, აშკარაა ამ კაცს რეალობის აღთქმაში პრობლემები აქვს.
-
giorgi
რატო არ საუბრობთ რომ ინფრასტრუქტურა ფაქტიურად არ არსებობს რეგიონებში.ბავშვთა ფეხბურთიც მკვდარია რეგიონებში დინამოს საბურთალოს და ლოკომოტივის გარდა ბავშვებს უმზიმეს პირობებში უწევთ ვარჯიში. პ.ს სახლის შენება საზირკველიდან იწყება და არა სახურავიდან!
საქართველოს ამერიკული ფეხბურთის ნაკრების წარმატება
"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს
მიზანი ერთია, დიადი ნათელი - ცნობილი გახდა ანჩელოტის ამოცანა და ხელფასი
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
"შევურაცხვყვეთ, როგორც სტუმარი გუნდის ქომაგი, ასევე არ მიეცა საშუალება ნაკრებს ქომაგებთან ერთად გამარჯვება ეზეიმა" - ლევან კობიაშვილი სომხეთთან მატჩის შემდეგ გულშემატკივრის ნაწილის მოედანზე შეჭრას გამოეხმაურა
ქოჩორაშვილის შეძენას "ნაპოლი" და "სპორტინგი" შეეცდებიან
"უბრალოდ მეტი, ვიდრე ფეხბურთი" - ქოჩორაშვილმა სევიკიანთან გადაღებული ფოტო გამოაქვეყნა
საქართველოს ნაკრებთან დამარცხების გამო სომხეთში აღშფოთებული არიან
საქართველოსთან მატჩამდე სომხურ ფეხბურთში არეულობაა - ფედერაცია ახალ მწვრთნელზე საუბრობს, ფანები მათ გადაყენებაზე
"ვიცი, რომ "რეალის" ფანია, მაგრამ ამ ორ გუნდს უფრო მოუხდებოდა" - კახა ცხადაძემ ხვიჩა კვარაცხელიაზე ისაუბრა
Geo Team: გია გეგუჩაძემ ბათუმის "დინამო" დატოვა
გურამ რუხაძე: საქართველოს ერთა ლიგის პროექტი ძალიან აწყობდა
Geo Team: "სლოვანს" გაგუას დამატება სურს - ტრანსფერის ინიციატორი ვლადიმირ ვაისია
ვინ რა მიზეზით არ იქნება ივნისში საქართველოს ნაკრებში?
საქართველოს ფეხბურთის ფედერაცია კორონავირუსთან დაკავშირებით სპეციალურ განცხადებას ავრცელებს
ეს საქართველოსთვის სასარგებლოა - ჩეფერინი უეფას პრეზიდენტად დარჩენას აპირებს
კაკა: - ქართულ ფეხბურთში პერსპექტიული თაობაა... აი, რატომ აღარ არიან ჩემი სტილის ფეხბურთელები...
წასვლიდან ორ კვირაზე ოდნავ მეტში ბრუნდება - თბილისის შემდეგ ჭიაბრიშვილი ბათუმის "დინამოს" მწვრთნელი ხდება
"დინამოს" სტადიონის ადმინისტრაციიდან სფფ-ში ეს წერილი მოვიდა... მასში ამ პრობლემებზეა საუბარი..." - კობიაშვილმა თქვა, რატომ არ იმართება საქართველოს ნაკრების მატჩი "დინამო არენაზე"
სფფ-ის მიერ კორონავირუსთან საბრძოლველად გამოყოფილი თანხა StopCov ფონდში გადაირიცხა
ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები
ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები
აზერბაიჯანელებმა მთავარი მწვრთნელის პოსტი ოლეგ ბლოხინს შესთავაზეს - უკრაინელის პასუხი ცნობილია
"ვიტ ჯორჯიაში" ფინანსური პრობლემებია - კლუბის პრეზიდენტის კომენტარი
ეროვნული ლიგა 2. I ტური: ფავორიტები სტატუსს ამართლებენ
სფფ-ის წარმომადგენლებმა ევროტურნირების მონაწილე კლუბებთან ვიდეო კონფერენცია გამართეს
ქრონოლოგია: რა მოხდა ქართულ ფეხბურთში ლევან კობიაშვილის მოსვლის შემდეგ
სფფ-მ ჩემპიონატის შეცვლილი ფორმატი და თასის დებულება დაამტკიცა
ოფიციალურად: ცხადაძე აზერბაიჯანულ გუნდს გაწვრთნის
ალექსანდრე ჩივაძე 65 წლის გახდა!
"რატომ უნდა ითამაშოს საქართველოს ნაკრებმა შემტევი ფეხბურთი?!" - რევაზ არველაძე
ჩემპიონთა ლიგის ახალი ფორმატის ლიდერები, აუტსაიდერები, ორი ქართველი დღეს და მთავარი ინტერესი "რეალის" მიმართ
"ყინული დაიძრა, დარწმუნებული ვარ, რომ ახლო მომავალში ბევრი ქართველი ითამაშებს ევროპაში" - კახა ცხადაძე
დღეს - "შახტარის" ქართველების მატჩი და კაშია, კანკავა, ვაისი კიტეიშვილის წინააღმდეგ!..
გურამ რუხაძე: დღევანდელი ფედერაციის აპოლოგეტობას ვერავინ დამწამებს...
სანიოლმა უეფას კონფერენციაზე ევრო 2024-ზე მიღებულ გამოცდილებაზე ისაუბრა
გეგუჩაძე უნდა წავიდეს, ამას აღარ მოვითმენთ! - ბათუმის "დინამოს" გულშემატკივრები
ესიენი, დეკო, არველაძე - ბაქოში "ვარსკვლავების ფინალი" გაიმართა
სიახლეები ისტორიულ მატჩთან დაკავშრებით
"საუკეთესო გუნდია, რაც კი ოდესმე მინახავს" - ვაისი "სიტისთან" მარცხის შემდეგ
15 ფეხბურთელი, რომლითაც კავკასია ამაყობს
ჩემპიონთა ლიგის ახალი ფორმატი, ორი გარანტირებული ადგილი ქართველებს და მესამის შანსი...
"როდესაც გადაწყვიტეს, რომ გამხდარიყვნენ მწვრთნელები, თავიანთ განვითარებაზე უნდა ეზრუნათ...მათ დიდი წვლილი, პასუხისმგებლობა მიუძღვით, აი, იმ თაობის სათანადოდ ვერგამოყენებაში..." - რა განაცხადა გიორგი გველესიანმა ალექსანდრე ჩივაძესა და დავით ყიფიანზე?
"მიხეილ მესხზე" ეკრანები დამონტაჟდება - სფფ-ის ინიციატივით, გულშემატკივარს ევრო 2024-ზე ერთობლივად საქართველოს ნაკრების მატჩების ხილვა შეეძლება
შესაძლოა, ტაიმის შუაში საცეკვაო ნომრები დადგან - რევაზ არველაძე სუპერლიგაზე
გია გეგუჩაძე: ძალიან რთული თამაშის მოლოდინი გვაქვს
თითქმის უმაღლესი - როგორი იქნება პრო ლიგა 2
ვლადიმირ ვაისი: ჯოჯოხეთი გველის, მაგრამ სასწაულის მოხდენას შევეცდებით
რევაზ არველაძე: იმედი მაქვს, ეს მატჩები საქართველოს ნაკრებისთვის წარმატებული იქნება
"დინამო არენის" სამხრეთ ტრიბუნის პირველ იარუსს ალექსანდრე ჩივაძის სახელი ეწოდა
"მჯერა, ყველაფერს ჩვენ სასიკეთოდ დაასრულებთ" - კვარაცხელიას გზავნილი ბათუმის "დინამოს" ფეხბურთელებს "ტირანასთან" მატჩამდე [VIDEO]
"მგონია, რომ ახალგაზრდულ ევროპის ჩემპიონატზე კვარაცხელიას უთამაშებლობის მიზეზი ეს ზეწოლა იყო" - ცხადაძე ხვიჩასა და U21 ნაკრებზე
"დინამო არენას" სამხრეთ ტრიბუნის პირველ იარუსს ალქესანდრე ჩივაძის სახელი ეწოდა
კახა ცხადაძე ყაზახეთის პრემიერლიგაში დაბრუნდა
საბჭოთა კავშირის საუკეთესო ნაკრები 5 ქართველით - და როგორ გაწირა ბესკოვმა ყიფიანი...
რევაზ არველაძე: ამ ფეხბურთელებით და ამ ჯგუფში, პლეი ოფში მოსახვედრად უნდა გვებრძოლა
"ვიტ ჯორჯიაში" მილიონებს იხდიან, საკონტროლო პაკეტის გაყიდვა კი არ მსურს"
გია გეგუჩაძე: ყველას იმედი გვქონდა, რომ შემდეგ ეტაპზე გავიდოდით