რაგბი. ლეგიონი: ქართველები პლეი ოფში იბრძოლებენ

<p>საფრანგეთის სარაგბო ჩემპიონატის ელიტურ, პირველ და მეორე დივიზიონებში პლეი ოფების ჯერი დადგა <br> საფრანგეთის სარაგბო ჩემპიონატის ელიტურ, პირველ და მეორე დივიზიონებში პლეი ოფების ჯერი დადგა. პირველ დივიზიონში პირდაპირ ნახევარფინალში ქართველ მორაგბეთა ორი გუნდია გასული. ორიც ნახევარფინალის შესარჩევ მატჩებს გამართავს.</p><p>დღეს, 19 მაისს, <strong>მამუკა გორგოძის, ლევან ჩილაჩავას, შალვა მამუკაშვილისა</strong> და <strong>ბადრი ალხაზიშვილის</strong> "ტულონი" შინ, "ფელიქს მაიოზე" დაუხვდება "კასტრს". ქართველი მორაგბეებიდან გორგოძე და ჩილაჩავა სათადარიგოთა შორის არიან. მამუკაშვილი და ალხაზიშვილი არ ითამაშებენ.</p><p>მატჩში ტრავმის გამო ვერ მიიღებს მონაწილეობას სამხრეთაფრიკელი ვარსკვლავი <strong>ბრაიან ჰაბანა</strong>. მის ადგილს ავსტრალიელი <strong>დრიუ მიტჩელი </strong>დაიკავებს, რომელსაც ასევე ტრავმის გამო ძალიან ბევრი დრო გაუცდა.</p><p>მეორე წყვილში, <strong>მიხეილ ნარიაშვილის, კონსტანტინე მიქაუტაძის, დავით ქუბრიაშვილისა</strong> და <strong>გაგი ბაზაძის</strong> "მონპელიე" ასევე შინ, 20 მაისს ეთამაშება მოქმედ ჩემპიონ "მეტრო რასინგს". ქართველთაგან, სავარაუდოდ, მხოლოდ ნარიაშვილი და მიქაუტაძე ითამაშებენ, ქუბრიაშვილი ტრავმირებულია.</p><p>ჩვენებურთა ამ გუნდის მეტოქე საკმაოდ ძლიერი მორაგბეებითაა დაკომპლექტებული. <strong>ნაკარავა, ტამეიფუნა, კარტერი, მასოე, იმჰოფი, როკოთოკო </strong>- ის მორაგბეებია, რომლებსაც ერთ კონკრეტულ მატჩში ნებისმიერი სირთულის ამოცანის გადაჭრა შეუძლიათ.</p><p>ცხადია, "მონპელიეც" ძალზე ძლიერი მორაგბეებითაა დაკომპლექტებული. ჩვენებურების გარდა, აქ ამინდს ქმნიან <strong>ბისმარკ</strong> და <strong>იან დუ პლესები</strong>,<strong> პაულ ვილემსე, ფრანსუა სტეინი, ნემანი ნადოლო</strong>. ერთი სიტყვით, მონპელიეში, შაბათს ძალზე დაძაბული და მნიშვნელოვანი მატჩის მომსწრენი ვიქნებით. ხვალვე შესაძლოა გაირკვეს, ეყოლება თუ არა საფრანგეთს ახალი ჩემპიონი.</p><p><p><div style="text-align: center;"><span style="color: #ff0000;"><strong>* * * </strong></span></div></p> მეორე დივიზიონში ერთი აღზევებულის ვინაობა დიდი ხანია გაირკვა. ეს <strong>ირაკლი მირცხულავას</strong> "ოიონაქსია".</p><p>მეორე საგზურისთვის კი, <strong>თამაზ მჭედლიძის, გიორგი თეთრაშვილისა </strong>და <strong>ვახტანგ ახობაძის </strong>"აჟენი" იბრძვის. მისი მეტოქე "მონტობანია". მატჩი კვირას გაიმართება. ამიტომ გუნდების შემადგენლობები მოგვიანებით დადგინდება.</p><p>"აჟენსა" და "მონტობანს" შორის გამარჯვებული მომავალი სეზონიდან პირველ დივიზიონში ითამაშებს.</p><p><p><div style="text-align: center;"><span style="color: #ff0000;"><strong>* * * </strong></span></div></p> ამასობაში გაირკვა კიდევ ერთი ქართველი მორაგბის ახალი გუნდი. "კოლომიემ", რომელიც მეორე დივიზიონში ასპარეზობს, რვა ახალწვეულის ვინაობა დაასახელა. მათ შორისაა შერკინების ქართველი ბურჯი <strong>ბექა შეყლაშვილი</strong>, რომელმაც გასული სეზონი ასევე მეორე დივიზიონის "ალბიში" გაატარა.</p><p>აღსანიშნავია, რომ მასთან ერთად გუნდს შეუერთდება რუმინელი მეორეხაზელი მარიუს ანტონესკუ და არგენტინელი მგეზავი სებასტიან პოე.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>