ევრო 2016. შესარჩევი. VI ტური. F ჯგუფი: მარკარიანის კატასტროფული დებიუტი [VIDEO]

ჯგუფის ლიდერთა ჯახი ბელფასტში გაიმართა, სადაც ჩრდილოეთ ირლანდიის ნაკრებმა ხელიდან გაუშვა პირველ ადგილზე გადასვლის შანსი - რუმინეთს 0:0 დაუზავდა.

ანგელ იორდანესკუს გუნდმა გამოცდა წარმატებით ჩააბარა, მიუხედავად იმისა, რომ მეორე ტაიმში მასპინძლები უფრო ახლოს იყვნენ მიზანთან. 6 ტურიდან ხუთში რუმინეთმა კარის მშრალად შენახვა შეძლო.

ჰელსინკის ოლიმპიურ სტადიონზე ფინეთისა და უნგრეთის ნაკრებების მატჩის ბედი გადაწყვიტა ზოლტან შტიბერის გოლმა. 82-ე წუთზე შტიბერმა დაახლოებით 30 მეტრიდან გაიტანა ჰრადეცკის კარში.

ამ წაგებით ფინეთის ნაკრები რეალურად ჩამოშორდა ევროპის ჩემპიონატის ფინალური ეტაპის საგზურისთვის ბრძოლას, უნგრეთმა კი ლიდერთა ფრით ისარგებლა და მათ მიუახლოვდა.

საბერძნეთის ნაკრებს ვერც ურუგვაელმა მწვრთნელმა, სერხიო მარკარიანმა უშველა, მისი ოფიციალური დებიუტი წარუმატებელი აღმოჩნდა - ფარერის კუნძულების ნაკრებმა კიდევ ერთხელ დაამარცხა ბერძენთა გუნდი და 2 ქულით ბოლო ადგილზე დატოვა. კუნძულელებს გამარჯვება ჰალურ ჰანსონისა და ბრანდურ ოლსენის გოლებმა მოუტანეს.

სოკრატის პაპასტატოპულოსმა მატჩის დასრულებამდე 6 წუთით ადრე გაიტანა, მაგრამ მეტი სტუმართა გუნდმა ვერ შეძლო.

ევრო 2016. შესარჩევი. VI ტური. F ჯგუფი
13 ივნისი
ფინეთი-უნგრეთი 0:1
გოლი: 0:1 შტიბერი (82)
ფინეთი (4-3-2-1): ჰრადეცკი - არკივუო, ჰალსტი, მოისანდერი, რაიტალა - მატილა (85. პოჰიანპალო), სპარვი, ჰეტემაი - ჰამალაინენი, ერიომენკო - პუკი (46. რისკი)
უნგრეთი (4-2-3-1): კირაი - ფიოლა, იუჰასი, ლანგი, კადარი - პრიშკინი (46. ნემეტი), ტიოჟერი - შტიბერი, გერა, ჯუჯაკი (88. შიმონი) - სალაი (77. ნიკოლიჩი)
გაფრთხილება: რისკი, სპარვი, ჰალსტი - ლანგი, გერა, ჯუჯაკი, იუჰასი, შტიბერი
კუთხური: 3-7; ჯარიმა: 15-17; თამაშგარე: 3-2; კარში დარტყმა: 6-14 (1-7); ბურთის ფლობა: 47%-53%.
მაყურებელი: 20 434

ფარერები-საბერძნეთი 2:1
გოლები: 1:0 ჰანსონი (32), 2:0 ოლსენი (70), 2:1 პაპასტატოპულოსი (84)
ფარერები (4-3-2-1): ნილსენი - ჰანსენი, გრეგერსენი, ნატესტადი, სორენსენი (13. დავიდსენი) - ჰოლსტი (74. ფერო), ბენიამინსენი, ვატნჰამარი - ჰანსონი, ოლსენი - ედმუნდსონი (92. იონსენი)
საბერძნეთი (4-3-3): კარნეზისი - ტოროსიდისი, პაპასტატოპულოსი, მანოლასი, სტაფილიდისი - კონე (81. ფუნტასი), სამარისი, ხრისტოდოლოპულოსი (46. ნინისი) - კარელისი, მიტროღლუ, ფეტფაციდისი (71. კოლოვოსი)
გაფრთხილება: ბენიამინსენი, ჰანსენი, გრეგერსენი, ოლსენი - ტოროსიდისი, კარელისი
კუთხური: 7-11; ჯარიმა: 13-10; თამაშგარე: 0-1; კარში დარტყმა: 9-21 (4-7); ბურთის ფლობა: 37%-63%.
მაყურებელი: 4 741

ჩრ. ირლანდია-რუმინეთი 0:0
ჩრ. ირლანდია (4-5-1): მაკგოვენი - მაკლაფინი, მაკოლი, ჯ. ევანსი (79. კეზკარტი), ბრანტი - უარდი (79. კ. ევანსი), ნორვუდი, დევისი, ბეირდი, დალასი - ლაფერტი
რუმინეთი (4-4-1-1): ტატარუშანუ - პაპი, გრიგორე, კირიკეში, სეპსი - ტორჟე, პრეპელიცა, პინტილიი, ჩიპჩიუ (61. სტანჩუ) - მაქსიმი (90. ტამაში) - კესერიუ (72. ანდონე)
გაფრთხილება: ბრანტი - პინტილიი, სეპსი, ტორჟე
კუთხური: 7-3; ჯარიმა: 17-13; თამაშგარე: 5-0; კარში დარტყმა: 13-9 (4-2); ბურთის ფლობა: 50%-50%.
მაყურებელი: 10 000

ა გ თ მ ფ წ ბ ქ
1. რუმინეთი 6 4 2 0 7-1 14
2. ჩრ. ირლანდია 6 4 1 1 8-4 13
3. უნგრეთი 6 3 2 1 5-3 11
4. ფარერები 6 2 0 4 4-8 6
5. ფინეთი 6 1 1 4 5-8 4
6. საბერძნეთი 6 0 2 4 2-7 2

მომდევნო ტური:
4 სექტემბერი:
ფარერები-ჩრ. ირლანდია; საბერძნეთი-ფინეთი; უნგრეთი-რუმინეთი

ყოველდღიური სპორტული გაზეთი "ლელო"