დღეს, 1-ელ სექტემბერს, საქართველოს ფეხბურთელთა ახალგაზრდულმა ნაკრებმა ევროპის 2019 წლის ჩემპიონატის საკვალიფიკაციო მე-3 ჯგუფში პირველი შეხვედრა პოლონეთის ნაკრებთან გამართა და დიდი ანგარიშით 0:3 დამარცხდა.გორში, თენგიზ ბურჯანაძის სახელობის სტადიონზე პირველი ტაიმი უგოლოდ მიილია, მიუხედავად იმისა, რომ რამდენიმე სახიფათო ეპიზოდი ორივე კართან შეიქმნა.
მეორე ტაიმში მასპინძლებმა თამაში თითქოს აქტიურად დაიწყეს, მაგრამ 58-ე წუთზე გოლი აქეთ მიიღეს. კუთხურის შემდეგ არბიტრმა, საკმაოდ საკამათო ეპიზოდში, გიორგი ბერიძეზე თამაშის წესების დარღვევა დააფიქსირა და საქართველოს ნაკრების კარში 11-მეტრიანი დანიშნა, რომელიც დავიდ კოვნაცკიმ გოლად აქცია - 0:1.
საქართველოს ნაკრებს მესამე გოლი 71-ე წუთზე ბარტოჟ კაპუსტკამ გაუტანა და საბოლოო ანგარიში დააფიქსირა – 0:3.
82-ე წუთზე ბერიძეს პრესტიჟის გოლის გატანა შეეძლო, თუმცა ძალიან ხელსაყრელი პოზიციიდან ბურთი პოლონელთა კარში ვერ გადაგზავნა. დარჩენილ დროში საქართველოს ნაკრებს ღირებული არაფერი შეუქმნია, სამაგიეროდ, კუპატაძეს მოუხდა ბოლო წუთებზე კარის გადარჩენა...
საქართველოს ახალგაზრდულ ნაკრებს ჯგუფში მეტოქეებად, პოლონეთის გარდა, დანიის, ლიტვის, ფარერებისა და ფინეთის 21-წლამდელთა გუნდები ჰყავს. მომდევნო შეხვედრას გეგუჩაძის ნაკრები 6 ოქტომბერს, სტუმრად დანიის თანატოლებთან ჩაატარებს.
საქართველოს ნაკრებმა პოლონეთთან ამ შემადგენლობით ითამაშა:
ლაზარე კუპატაძე, აკაკი შულაია (68, გიორგი კოხრეიძე), გაგი მარგველაშვილი, ჯიმი ტაბიძე, გრიგოლ ჩაბრაძე, გიორგი კუცია (46, ცოტნე ნადარაია), ვლადიმერ მამუჩაშვილი, ლადო მოხევიშვილი (76, დავით კობოური), გიორგი ხარაიშვილი, ბექა მიქელთაძე, გიორგი ბერიძე.
![სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]](/pictures/image7/f41ad1c0c4b9994b6e719d22df4628cd.jpg "სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]")
თავი და თავი გეგუჩაძეა, ....... კაცი, რომელსაც მუდამ აქებს და აქებს გულშემატკივარი, მიუხედავად სამარცხვინო წაგებებისა, მიუხედავად ნეპოტიზმის არაერთი მაგალითისა.
ასაკობრივი ნაკრებების წარუმატებლობა ევროტურნირებზე მთლიანად გეგუჩაძის კისერზეა. უ19 და უ21 ტრენერები ყველა მაგის დანიშნულია და როგორც უნდა ისე მართავს ყველას. აბა ყიფიანს ისე ტრენერად ვინ დანიშნავდა.
იქნებ მოვიდნენ გონზე ფედერაციის ხელმძღვანელები, ეროვნული ლიგის კლუბების ტრენერები და უარი თქვან მის მიერ თავსმოხვეული ვითომ „გეგმის“ და ცალკეული დაკვეთების განხორციელებაზე.
მეორე არის მწვრთნელის დაშვებული შეცდომა (შემადგენლობა).
მესამე არის ტაქტიკის გარეშე თამაში.
მეოთხე - კუთხურის გათამაშებაშიც ტაკტიკა უნდა ვისწავლოთ როგორც
დაცვაში ისე შეტევაში.
მეხუთე - მივატოვოთ მოატყუა ერთი, ორი. დღეს სხვა ფეხბურთია.
მეექვსე - ნათელი მაგალითი უჩვენა გერმანიის ნაკრებმა მთელ
მსოპლიოს. გუნდში უნდა გყავდეს მოთამაშე რომელსაც ესმის
ტაქტიკა და არა ვინც ჟანგლიორობს.