საქართველოს 16 წლამდე ფეხბურთელთა ნაკრებმა პირველი ამხანაგური მატჩი გამართა და აზერბაიჯანის თანატოლთა ნაკრები მიხეილ მესხის სახელობის სტადიონზე ანგარიშით 5:2 დაამარცხა.საქართველოს ფეხბურთის ფედერაციის პრესსამსახურის ცნობით, ზვიად ჯელაძის შეგირდებს უამრავი მომენტი ჰქონდათ, ორი გოლი თამაშგარეს გამო არ ჩაუთვალეს, ორჯერ ძელსაც გაარტყეს ბურთი, თუმცა მეორე ტაიმში მეტოქეს შანსი არ დაუტოვეს.
ჩვენი გუნდიდან გოლებით გიორგი ომარაშვილი, ზურაბ ერაძე, ნიკა ტალახაძე და ლუკა ტორონჯაძე (ორჯერ) გამოირჩნენ.
მთავარმა მწვრთნელმა აზერბაიჯანთან ასეთი შემადგენლობა ათამაშა:
კაპანაძე, დევდარიანი (კვარაცხელია 50), ერაძე (კონიაშვილი 77), ტეფნაძე (კოკაია 41), მამაცაშვილი, ტალახაძე
მომდევნო ამხანაგურ მატჩს საქართველოს და აზერბაიჯანის 16-წლამდელთა ნაკრებები 27 სექტემბერს, 16:00 სთ-ზე მიხეილ მესხის სახელობის სტადიონზე ჩაატარებენ.
