16-წლამდელებმა მონტენეგრო მეორე შეხვედრაშიც დაამარცხეს

AutoSharing Option
საქართველოს 16 წლამდე ვაჟთა ნაკრებმა თბილისში, ილია კოკაიას სახელობის საფეხბურთო ცენტრის მოედანზე, მონტენეგროს უმასპინძლა და მეტოქე მეორე ამხანაგურ მატჩშიც დაამარცხა - 3:0.

პირველი შეხვედრა გიორგი ჩიტაურის გუნდმა გიორგი მჟავანაძის გოლით - 1:0 მოიგო. დღევანდელ მატჩში ჩვენმა ასაკობრივმა მეტოქეს 3 უპასუხო გოლი გაუტანა.

ანგარიში შეხვედრის მე-11 წუთზე ინგლისური "ბორნმუთის" ფეხბურთელმა - გიორგი გონსალვეს-ჩუბინიძემ გახსნა, რომელმაც გიორგი ბედიანაშვილის გადაცემა ზუსტად გამოიყენა. მეორე ტაიმში სხვაობა ორამდე შორეული დარტყმით რეზი დანელიამ გაზარდა, ხოლო საბოლოო ანგარიში 86-ე წუთზე მათე-გიორგი ტატიშვილმა
დააფიქსირა - 3:0.

nakrebi.ge

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული