სვანაძის შეგირდები უპირატესობას ფლობდნენ. აქტიურად მოქმედებდა კვერნაძე, რომელსაც ორჯერ გატანა მეკარე დოვინმა არ დაანება. სტუმრები კონტრშეტევებზე თამაშობდნენ და პირველ ტაიმში ერთადერთი მომენტი სვენდბერგმა ვერ გამოიყენა.
შესვენების შემდეგ თამაშის სურათი არ შეიცვალა. მასპინძლები ბევრს უტევდნენ, უპირატესად - მარცხენა ფრთიდან, თუმცა მომენტები იშვიათად იქმნებოდა. მხოლოდ ერთი ეპიზოდია აღსანიშნავი, როდესაც სიგუას დარტყმული ბურთი დოვინმა მოიგერია. მეტოქე დაცვაში შეცდომებს უშვებდა, მაგრამ ქართველი ფეხბურთელები იერიშების დაგვირგვინებას ვერ ახერხებდნენ. ბოლოს ინიციატივას შვედები დაეუფლნენ, თუმცა მათაც ვერ იხეირეს და შეხვედრა უგოლოდ დასრულდა.
საქართველოს ნაკრები C ჯგუფში 7 ქულით მესამე ადგილზეა (ამდენივე ქულა აქვს მეორე პოზიციაზე მყოფ შვედეთს) და შემდეგ მატჩს 16 ნოემბერს გასვლაზე ჩრდილოეთ მაკედონიასთან ჩაატარებს.
ბათუმი. „აჭარაბეთ არენა“
საქართველო - შვედეთი 0:0
საქართველო: ხარატიშვილი, გოგლიჩიძე, ხვადაგიანი, მაისურაძე, მამაცაშვილი, ლომინაძე, ოდიშარია (გ. მამაგეიშვილი 65), ო. მამაგეიშვილი, გაგნიძე, კვერნაძე (აბუაშვილი 85), სიგუა
U21 | საქართველო V შვედეთი - მატჩისწინა ვარჯიში ბათუმში
![U21. საქართველოს ნაკრებმა სტუმრად გიბრალტარს სძლია [VIDEO]](/pictures/image7/fe4e9d7c96d5bbc6f331ddfa41f43e81.jpg "U21. საქართველოს ნაკრებმა სტუმრად გიბრალტარს სძლია [VIDEO]")
![U21. აბუაშვილის ლამაზი გოლი და არდანიშნული პენალტი - საქართველოს ნაკრები თურქეთთან 1:2 დამარცხდა [VIDEO]](/pictures/image7/b03e93a191b81a51b9216ae5d5995726.jpeg "U21. აბუაშვილის ლამაზი გოლი და არდანიშნული პენალტი - საქართველოს ნაკრები თურქეთთან 1:2 დამარცხდა [VIDEO]")
