ეროვნული ლიგა 2. III ტური: ბათუმის "დინამომ" "შუქურა" 3:0 დაამარცხა

16 მარტს ეროვნული ლიგა 2-ის მე-3 ტურში ბათუმის "დინამომ" ქობულეთის "შუქურა" დაამარცხა 3:0.

მატჩი ბათუმელთა უპირატესობით წარიმართა. 26-ე წუთზე ანგარიშის გახსნაში მეტოქე დაეხმარა, რომლის ნახევარმცველმა ნუნიეშმა რატომღაც საკუთარ საჯარიმოში მოცელა ილურიძე, რისი არანაირი საჭიროება არ არსებობდა და თერთმეტმეტრიანი ზუსტად გამოიყენა ჯანელიძემ.

შეხვედრის დასასრულს კი დაცვის მარცხენა ფლანგზე ქობულეთელებმა ცარიელი ზონა დატოვეს, სადაც ილურიძე შეიჭრა და მეორე გოლი გაიტანა, ხოლო ზედ მსაჯის საფინალო სასტვენის წინ ვარშანიძემ მესამედ დალაშქრა კუპატაძის კარი.

ქუთაისი. "რამაზ შენგელია".
შუქურა - დინამო (ბთ) 0:3
გოლები: 0:1 გიორგი ჯანელიძე (26, პენ), 0:2 გიორგი ილურიძე (90), 0:3 გიორგი ვარშანიძე (90+3)

შუქურა (4-2-3-1): დავით კუპატაძე (კ), ომარ ბულუხაძე, გიორგი კალანდაძე (ლუკა ნემსაძე 83), გიორგი კალანდია, დოს რეის რამოსი, სტეფან დასსე, ირაკლი ქათამაძე, ნიკო კვასხვაძე, ფელიპე ნუნიეში (გიორგი ივანიაძე 50), გოდვინ კონიეჰა (გიორგი ჭანუყვაძე 65), ჯეფერსონ ჯერალდო

მთ. მწვრთნელი: გიორგი ჭელიძე

დინამო (4-3-3): მიხეილ ალავიძე, გელა გოგიტიძე, მალხაზ გაგოშიძე, გიორგი ქავთარაძე, ბექა ვარშანიძე, ბესო დეკანოიძე (გიორგი ჭანკოტაძე 76), ლევან შარიქაძე, გიორგი ჯანელიძე (კ), ლაშა ჩალაძე, ჯოვინო ფლამარიონი (ამირან აბუსელიძე 77), გიორგი ილურიძე (ვალერიან თევდორაძე 90+1)

მთ. მწვრთნელი: გია გეგუჩაძე