დღეს, ეროვნული ლიგის მე-16 ტურში თბილისის "ლოკომოტივმა" მიხეილ მესხის სახელობის სათადარიგო მოედანზე 2:1 დაამარცხა ფოთის "კოლხეთი". დუბლი ოთარ კობახიძემ შეასრულა, ხოლო სტუმართა გუნდიდან გოლი ილია მიხაილოვმა გაიტანა. ყველა "ლოკომოტივში" ნახევარმცველ ლევან ყენიას დაბრუნებას ელოდა, რომელიც 90+2-ე წუთზე შეცვლაზე დავით ჯიქიას ნაცვლად შევიდა. მან რკინიგზელთა გუნდში 10 წლის შემდეგ პირველად ითამაშა, მცირე დროით, მაგრამ იმედია, მომავალ შეხვედრებში უფრო მეტი სათამაშო დრო მიეცემა.
