კახა ჩხეტიანი: მინდა ფეხბურთელებს მადლობა ვუთხრა, ვაჟკაცები და კაცები არიან, ვენაცვალე მაგათ

AutoSharing Option
ეროვნული ლიგის 24-ე ტურში ქუთაისის "ტორპედომ" "რუსთავს" 4:2 სძლია და სატურნირო ცხრილში 26 ქულით მესამე პოზიციაზე დამკვიდრდა.

შეხვედრის შემდეგ ქუთაისელთა დამრიგებელმა კახა ჩხეტიანმა მატჩი შეაფასა და საკუთარ ფეხბურთელებს კლუბში არსებული ფინანსური პრობლემების მიუხედავად კარგი თამაშის გამო მადლობა გადაუხადა.

"შედეგს დიდი მნიშვნელობა აქვს. სამი ქულა ძალიან გვესაჭიროებოდა. კარგად დავიწყეთ, თუმცა უხასიათობა დაგვეტყო. იგივე გაგრძელდა მეორე ტაიმში. ამიტომ მივიღეთ გოლი.

ამ გოლის შემდეგ ყველამ საკუთარი შესაძლებლობების საშუალოზე მეტი გამოავლინა და თავიანთი ოსტატობით, გულით დაამტკიცეს, რომ ფეხბურთის თამაში შეუძლიათ და გარდა ფეხბურთისა, კიდევ მინდა
მადლობა ვუთხრა, რომ ვაჟკაცები და კაცები არიან, ვენაცვალე მაგათ ყველას. ასევე, ჩვენს გულშემატკივრებს მინდა დიდი მადლობა გადავუხადო", - განაცხადა მატჩის შემდეგ კახა ჩხეტიანმა.

ქუთაისის "ტორპედო" შემდეგ შეხვედრაში თბილისის "დინამოს" დაუპირისპირდება. მატჩი 24 მაისს "დინამო არენაზე" გაიმართება.

მკითხველის კომენტარები / 1 /
მთლიანად ვეთანხმები და ვიზიარებ კახა ჩხეტიანის შეფასებას, ეს მატჩი ქუთაისელთათვის იყო ძალიან მნიშვნელოვანი და დასტური იმისა თუ როგორი მებრძოლი უნდა იყოს პროფესიონალ ფეხბურთელთა გუნდი, როგორ უნდა დადო შენი შესაძლებოლბები მინდორზე, იბრძოლო ბოლომდე და არ გაგტეხოს საკუთარ კარში მიღებულმა გოლმა.კვლავაც წარმატებები ბიჭებო. ღმერთი იყოს თქვენი შემწე და მფარველი.
ნუგზარი
15:40 21-05-2019
0

ასევე დაგაინტერესებთ
სიახლეები პოპულარული