ეროვნული ლიგის 2020 წლის სეზონის მეორე ტურის მატჩში "თელავმა" შინაურ კედლებში, "კავკასიონი არენაზე" გორის "დილას" უმასპინძლა და ძალიან დაძაბულ შეხვედრაში ფრეს დასჯერდა - 1:1.
შეხვედრა რამდენჯერმე შეწყდა გაწევ-გამოწევისა და კონფლიქტის გამო. პირველ ტაიმში ასეთი კონფლიქტის გამო შეხვედრის მთავარმა არბიტრმა გიორგი კიკაჩეიშვილმა წითელი ბარათი "თელავის" მთავარი მწვრთნელის ასისტენტ ზურაბ მენთეშაშვილს უჩვენა, გორელთა მეკარე ლუკა გუგეშაშვილმა ყვითელი მიიღო.
კიკაჩეიშვილმა წითელი ბარათი მინდვრის ფეხბურთელისთვისაც "გაიმეტა" და 64-ე წუთზე გორელთა ტოგოელი მცველი ბალგუ იენდეუნტი გააძევა მოედნიდან.
შეხვედრის პირველი გოლი პირველ ტაიმში, 30-ე წუთზე გავიდა. გრიგოლ ჩაბრაძე საკუთარ საჯარიმოში სწორედ ბალგუ იენდეუნტმა წააქცია, 11-მეტრიანი კი ზუსტად ირაკლი რუხაძემ შეასრულა - 1:0.
მატჩის ბოლოს კაცნაკრული "დილა" ფლობდა უპირატესობას და მუდმივად შეტევას ცდილობდა. ერთ-ერთი მსგავსი იერიშის დროს ალეფ სანტოსმა საჯარიმოში ილია სპანდერაშვილზე გააკეთა პასი და ამ უკანასკნელმა ანგარიში გაათანაბრა - 1:1.
გაშვებული გოლის შემდეგ თელაველები მოსაგებად წავიდნენ და კარგი მომენტებიც შექმნეს, თუმცა ლუკა გუგეშაშვილმა შესანიშნავად ითამაშა და საკუთარ გუნდს ქულა გადაურჩინა.
თელავი, კავკასიონი არენა
თელავი - დილა 1:1
1:0 რუხაძე (30, პენ.), 1:1 სპანდერაშვილი (89)
ეროვნული ლიგა. II ტური: "თელავი" - "დილა" [LIVE]
![ულამაზესი გოლები... "იბერია 1999"-მა, "ტორპედომ" და "გაგრამ" მოიგეს [VIDEO]](/pictures/image7/f4df2bdfe0d2db4cfd45ccdb65b78b1b.jpg "ულამაზესი გოლები... \"იბერია 1999\"-მა, \"ტორპედომ\" და \"გაგრამ\" მოიგეს [VIDEO]")
![ეროვნული ლიგა. XV ტური. "გაგრა" - "თელავი" [LIVE]](/pictures/image7/89a388abbe550630939ead5586d740cb.jpg "ეროვნული ლიგა. XV ტური. \"გაგრა\" - \"თელავი\" [LIVE]")
![ლიდერმა "დილამ" ორკაცნაკლულ თბილისის "დინამოს" მძიმე მატჩში სძლია [VIDEO]](/pictures/image7/924aaff98cdd03bf2c885666084bfff3.jpg "ლიდერმა \"დილამ\" ორკაცნაკლულ თბილისის \"დინამოს\" მძიმე მატჩში სძლია [VIDEO]")
!["ტორპედომ" ჩემპიონს მოუგო; თელაველებმა ფოთელებთან ფრედ ითამაშეს [VIDEO]](/pictures/image7/9e1963893599cb339928b674316fcfe4.jpg "\"ტორპედომ\" ჩემპიონს მოუგო; თელაველებმა ფოთელებთან ფრედ ითამაშეს [VIDEO]")
![ეროვნული ლიგა. XIV ტური. "თელავი" - "კოლხეთი" [LIVE]](/pictures/image7/3b18247f3fe57ba15e7c7fde59f2c2cd.jpg "ეროვნული ლიგა. XIV ტური. \"თელავი\" - \"კოლხეთი\" [LIVE]")
!["დილამ" "იბერია 1999"-ს 4:1 მოუგო და გალიდერდა [VIDEO]](/pictures/image7/b3b121366e4f4386d59971de18c66a9f.jpg "\"დილამ\" \"იბერია 1999\"-ს 4:1 მოუგო და გალიდერდა [VIDEO]")
