2 აგვისტოს, ეროვნული ლიგის მერვე ტურში "საბურთალოსა" და "დილას" მატჩი 1:1 დასრულდა.
თავიდან "საბურთალო" უტევდა და 28-ე წუთზე ტერამ ანგარიში ალთუნაშვილის კარგი პასის შემდეგ გახსნა. ამის მერე მასპინძელთა იერიშები ჩაცხრა და "დილა" გააქტიურდა - მე-40 წუთზე კოვტალიუკს გოლის გატანა კუპატაძემ არ დაანება.
ზედ შესვენებაზე გასვლის წინ კი კოვტალიუკი სრულიად არასაჭირო სიტუაციაში კაკუბავას ეუხეშა და მსაჯმა კვირიკაშვილმა პირდაპირი წითელი ბარათით გააძევა. უნდა ითქვას, არბიტრმა გორული გუნდის საკვანძო ფეხბურთელის მიმართ ზედმეტი სიმკაცრე გამოიჩინა.
მიუხედავად იმისა, რომ მეტოქე რიცხობრივ უმცირესობაში იყო, "საბურთალო" ანგარიშის შენარჩუნებაზე აკეთებდა აქცენტს და დაისაჯა კიდეც: "დილას" 56-ე წუთზე კარგი მომენტი ჰქონდა, მაგრამ ლაცაბიძემ შანსი ვერ გამოიყენა. სამაგიეროდ შეცვლაზე შესულმა სპანდერაშვილმა გამოიყენა იმავე ლაცაბიძის აქტიურობის შედეგად და საპასუხო გოლი გაიტანა.
"დილა" 16 ქულით ლიდერია, "საბურთალო" კი 13 ქულით მესამე ადგილზეა.
10 აგვისტოს "დილა" "ლოკომოტივს" უმასპინძლებს, ხოლო 11 აგვისტოს "საბურთალო" სტუმრად "სამტრედიას" დაუპირისპირდება.
თბილისი."მიხეილ მესხი"
საბურთალო - დილა 1:1
გოლები: 1:0 ტერა (28), 1:1 სპანდერაშვილი (79)
გაძევება: კოვტალიუკი (45+2)
საბურთალო (3-5-2): კუპატაძე, მალი, მარგველაშვილი (კ), ჭიჭინაძე, კაკუბავა (გრიგალაშვილი 68), ცნობილაძე, ტერა (მაჭარაშვილი 46), ალთუნაშვილი, ტაბატაძე, ქავთარაძე, გულიაშვილი (ლუმუ 73)
მწვრთნელი: შალამბერიძე
დილა (3-4-1-2): გუგეშაშვილი, ლაცაბიძე, ხურცილავა (კ), მაისაშვილი, იენდეუნტი, ეტოუ (სანტოსი 63), ნონდი, მარკოზაშვილი (მადინგა 46), გორგიაშვილი (სპანდერაშვილი 30), ლექვთაძე, კოვტალიუკი
მწვრთნელი: ნემსაძე
![ეროვნული ლიგა. XVIII ტური. "დილა" - "კოლხეთი" [LIVE]](/pictures/image7/75c8944a3c12bb4265a449c1fa148c39.jpg "ეროვნული ლიგა. XVIII ტური. \"დილა\" - \"კოლხეთი\" [LIVE]")
!["დილამ" ბათუმში მოიგო, თბილისის "დინამო" "კოლხეთთან" წაგებას გადაურჩა [VIDEO]](/pictures/image7/60cce91a5198a879bf65840c0de5b1f4.jpg "\"დილამ\" ბათუმში მოიგო, თბილისის \"დინამო\" \"კოლხეთთან\" წაგებას გადაურჩა [VIDEO]")
![ეროვნული ლიგა. XVII ტური. "დინამო" (ბთ) - "დილა" [LIVE]](/pictures/image7/fd0f095dbc8abc670187cc15b0ad159f.jpg "ეროვნული ლიგა. XVII ტური. \"დინამო\" (ბთ) - \"დილა\" [LIVE]")
გაიხსენეთ შარშანაც როგორ სუსტად ეთამაშა აქ სომხეთის გუნდს.
ანუ ლოკო და დილა შეებნენ.
ყოჩაღ ნემსაძეს, მართლა კაი გუნდი შეუკრავს, მაგრამ რად გინდა? თურმე მეკარე დუდუკს ვერ უკრამს. მიბაძეთ რიონს, ნადიკვარს და ონის ბეღურას,
საჩხერე ნახეთ, გაზი აქვს და ცხოვრობს მეფურად.