გუშინ, 24 აპრილს, "ლოკომოტივსა" და "საბურთალოს" შორის გამართულ ეროვნული ლიგის მე-10 ტურის შეხვედრაში მოედნიდან "რკინიგზელთა" დამრიგებელი გიორგი ჭიაბრიშვილი გააძევეს.
სიდინჯითა და თავშეკავებულობით გამორჩეულ მწვრთნელს რა დაემართა ძნელი სათქმელია, თუმცა მატჩის ბოლოს შეხვედრის მთავარ არბიტრ ალეკო აფციაურს თავის ჩარტყმა მოუნდომა, შემდეგ კი ხელი ჰკრა. მიზეზი უბილავასთვის მიცემული ყვითელი ბარათი იყო.
ნაკლებად სავარაუდოა ეს საქციელი ვინმეს მოსწონებოდა, გარდა იმ ადამიანისა, რომელიც მწვრთნელის მოედნიდან გასვლისას იძახდა "ყოჩაღ ჭიაბერ!".
სალაპარაკოც არ არის, მწვრთნელმა მსგავსი ქმედებისაგან ნებისმიერ დროს უნდა შეიკავოს თავი, თუნდაც მსაჯმა უამრავი შეცდომა დაუშვას, რადგან ფიზიკური ძალადობა თუ სიტყვიერი შეურაცხყოფა საქმეს ვერ გამოასწორებს.
იმედია, მომავალში ასეთი შემთხვევა აღარ იქნება და ჭიაბრიშვილი თავს იმ საქმით გამოიჩენს, რომელიც გულშემატკივრებს სიხარულს მოუტანს. რაც, სხვათა შორის, გასული წლის ევროტურნირების საკვალიფიკაციო ეტაპზე ძალიან კარგად გააკეთა.
"საბურთალომ" "ლოკომოტივს" ისევ სძლია - ჭიაბრიშვილი გააძევეს [VIDEO]
