ბათუმელები მეტოქეზე უკეთ გამოიყურებოდნენ, თუმცა აღსანიშნავია, რომ მასპინძლები 28-ე წუთიდან კაცნაკლულნი თამაშობდნენ. პირველი ტაიმი გიორგი ფანცულაიასი იყო - გოლი გაიტანა, ლაშა შინდაგორიძეს საგოლედ უპასა, ხოლო შალვა ნადირაძე სწორედ მასთან ორთაბრძოლისას გააძევეს.
არსებულ ვითარებაში რთული იყო, შეხვედრას მეორე ნახევარში ინტრიგა დაბრუნებოდა. გია ცეცაძემ თამაშის გამწვავება სამი ერთდროული შეცვლითაც სცადა, მაგრამ ამ საქმიდან ბევრი ვერაფერი გამოვიდა.
სამტრედია. "ეროსი მანჯგალაძე"
სამტრედია - დინამო (ბთ) 0:2
გოლები: 0:1 შინდაგორიძე (34), 0:2 ფანცულაია (45+3)პირველადგილოსანი ბათუმელები 16 მაისს ახლად გახსნილ არენაზე ამჯერად "საბურთალოს" უმასპინძლებენ. ამავე დღეს მეცხრეადგილოსანი "სამტრედია" "ლოკომოტივს" ესტუმრება.
დიდი ზეიმი და ბათუმელთა გამარჯვება ახალ არენაზე [VIDEO]