პლეი-ოფის განმეორებით მატჩში "ტორპედომ" დამატებით დროში მარტვილის "მერანი" 3:0 დაამარცხა და ეროვნულ ლიგაში ადგილი შეინარჩუნა.
„ტორპედოს“ პირველი შეხვედრა მარტვილში 0:2 ჰქონდა წაგებული, რთული ამოცანის წინაშე იდგა და გულშემატკივრებს მხარდაჭერისაკენ მოუწოდა, რომლებიც სტადიონზე მრავლად მივიდნენ და თავის გუნდს აქტიურად უქომაგეს.
დებიუტში თანაბარი თამაში იყო, შუა პირველ ტაიმში მასპინძლები ინიციატივას დაეუფლენ და სახიფათოდ შეუტიეს: ზიდანის დარტყმული ბურთი ხარიხას მოხვდა, ახვლედიანს გოლის გატანა ბეგაშვილმა არ დაანება, ტაბატაძემ მიზანს ააცილა, ბუკასმა კარგი შანსი ვერ გამოიყენა და პირველი ტაიმი უგოლოდ დასრულდა.
მეორე ტაიმში თამაშის სურათი არ შეიცვალა, ქუთაისელებს მეტოქის კარზე იერიში იერიშზე მიჰქონდათ - დასაწყისში ახვლედიანს შეეძლო გატანა, მაგრამ დაახანა და გეგიამ განმუხტა სიტუაცია. 65-ე წუთზე კი ცინცაძემ ახვლედიანის მოპოვებული პენალტი გამოიყენა და ანგარიში გახსნა. ამის შემდეგ სტუმრები როგორც იქნა გააქტიურდნენ, კონტრიერიშებზე გადასვლა დაიწყეს და მომენტებიც შექმნეს, მაგრამ მოწოდების სიმაღლეზე იდგა მეკარე შოვნაძე. შესვენებაზე შესულმა მუდიმუმ კი 87-ე წუთზე თავურით დალაშქრა მარტვილელთა კარი და დამატებითი დრო დაინიშნა.
ზეაქტიურმა ახვლედიანმა 103-ე წუთზე მახარობლიძის გადაცემულ ბურთს ბეგაშვილის კარში მიუჩინა ადგილი, ანგარიში 3:0 გახდა, „მერანის“ მწვრთნელმა მონიავამ სამმაგი შეცვლით სცადა თავდასხმის გაძლიერება, 118-ე წუთზე წულაიამ ხელსაყრელი პოზიციიდან ვერ შეძლო შოვნაძის კარის აღება, "ტორპედომ" გაიმარჯვა და ეროვნულ ლიგაში ადგილი შეინარჩუნა.
ქუთაისი. „რამაზ შენგელია“
ტორპედო - მერანი 3:0 (ძირ. დრო 2:0)
გოლები: 1:0 ცინცაძე (65, პენ), 2:0 მუდიმუ (87), 3:0 ახვლედიანი (102)
ტორპედო: შოვნაძე, აბულაძე, მირცხულავა (მუდიმუ 81), ნადარაია, ინკუმი (წოწონავა 65), ცინცაძე, კარაგუნისი, ტაბატაძე (კ), ბუკასი (მახარობლიძე 80) , ახვლედიანი, ზიდანი (მჭედლიძე 65)
მწვრთნელი: ცეცაძე
მერანი: ბეგაშვილი, გეგია, ბიბილაშვილი, აფაქიძე, მელიავა (კ), შალამბერიძე (ფაცაცია 105), ჯღამაია (სიხარულია 105), ლაღაძე (წულაია 46), ქანთარია (მასოაბი 67), გოგოლიძე (ლომთაძე 105), სილა
მწვრთნელი: მონიავა
![alt](/pictures/image50/affa5153cd208027390ea0e3ff26ac31.jpg "ქუთაისური დრამა - სეზონი "ტორპედოს" ბრწყინვალე ქამბექით დაიხურა!")
"ტორპედოს" რთული მისია და გაძევება სტარტზე - ქართული პლეი-ოფი [VIDEO]
![ულამაზესი გოლები... "იბერია 1999"-მა, "ტორპედომ" და "გაგრამ" მოიგეს [VIDEO]](/pictures/image7/f4df2bdfe0d2db4cfd45ccdb65b78b1b.jpg "ულამაზესი გოლები... \"იბერია 1999\"-მა, \"ტორპედომ\" და \"გაგრამ\" მოიგეს [VIDEO]")
![ეროვნული ლიგა. XV ტური. "კოლხეთი" - "ტორპედო" [LIVE]](/pictures/image7/560fe63d1ef2cea3143a32f00d1c0673.jpg "ეროვნული ლიგა. XV ტური. \"კოლხეთი\" - \"ტორპედო\" [LIVE]")
![ლიდერმა "დილამ" ორკაცნაკლულ თბილისის "დინამოს" მძიმე მატჩში სძლია [VIDEO]](/pictures/image7/924aaff98cdd03bf2c885666084bfff3.jpg "ლიდერმა \"დილამ\" ორკაცნაკლულ თბილისის \"დინამოს\" მძიმე მატჩში სძლია [VIDEO]")
!["ტორპედომ" ჩემპიონს მოუგო; თელაველებმა ფოთელებთან ფრედ ითამაშეს [VIDEO]](/pictures/image7/9e1963893599cb339928b674316fcfe4.jpg "\"ტორპედომ\" ჩემპიონს მოუგო; თელაველებმა ფოთელებთან ფრედ ითამაშეს [VIDEO]")
Ფანები ჭკვიდან გადასულები არიან გეგონება ლიგა მოეგოთ.სამარცხვინო იყო წუწუნი და ტირილი არიქა დაინგრა სამყარო თუ გუნდი დაიშალაო ან დაქვეითდაო(არა მყავდეს ეგეც მანჩესტერი).
Ვულოცავ მერანს,ყოჩაღ ბიჭებო თქვენ მართლა გამარჯვებულები ხართ.უბრალოდ თქვენც იცოდით რომ მაინც არავინ გადაგიყვანდათ და არ ითამაშეთ სრული მობილიზიბეთ.რამდენჯერაც გადახვედით ტორპედოს ნახევარზე იმდენჯერ საცოდაოთ გამოიყურებოდა სახელოვანი გუნდი და მეტოქეთა რისხვა,საბჭოთა დროიდან მოყოლებული არნახული ტიტულების მქონე გუნდი,რომელიც წარმოადგენდა საბჭოთა ფეხბურთის ხერხემალს.
Სირცხვილი და თავის მოჭრა. Მეტს ვერაფერს ვუწოდებ გიშინდელ სპექტაკლს!
სამარცხვინოა კიდევ ის რომ ევროპაში აიკრძალა გასვლითი მატჩის გოლის წონა , საქართველოში კი კორუფციულად დატოვეს...
მერანმა მასტერ კლასი უჩვენა ცეცაძეს და ტორპედოს მობილიზებული დაცვითი თამაშის და აგრესიული კონტრშეტევების. სირცხვილია მერანი რომ ელიგაში არ არის.