ბათუმში, ეროვნული ლიგის მეორე ტურის ცენტრალურ მატჩში, ადგილობრივმა "დინამომ" თბილისის "დინამოს" 3:0 სძლია.
უკვე 24-ე წუთზე მასპინძლები ფლამარიონის დუბლით დაწინაურდნენ და პირველი ტაიმი 2:0 მოიგეს. მეორე ტაიმში სტუმრებმა შეუტიეს, მაგრამ მოწოდების სიმაღლეზე იდგა მეკარე კუპატაძე. ბათუმელებმა კი კონტრშეტევაზე მესამედ დალაშქრეს მოწინააღმდეგის კარი - ფლამარიონის დიდებული გარღვევის შემდეგ, გოლი შეცვლაზე შესულმა ბიძინაშვილმა გაიტანა და მატჩის ბედიც გადაწყდა.
შეკრებაზე კარგად ჩატარებული საკონტროლო შეხვედრებისა და პირველ ტურში „ტორპედოს“ განადგურების მერე, ცხადაძის გუნდის ასეთი მარცხი მოულოდნელი იყო.
8 მარტს ბათუმის „დინამო“, რომელმაც ჩემპიონატის სტარტზე ორივე მატჩი დიდი ანგარიშით მოიგო, გორში „დილას“ შეხვდება, ხოლო 9 მარტს თბილისის „დინამო“ „სიონს“ უმასპინძლებს.
ბათუმი. „აჭარაბეთ არენა“
დინამო (ბთ) - დინამო (თბ) 3:0
გოლები: 1:0 ფლამარიონი (11), 2:0 ფლამარიონი (24), 3:0 ბიძინაშვილი (64)
დინამო (ბთ) (4-2-3-1): კუპატაძე, მამუჩაშვილი, კობახიძე (კ), აზაცკი (ნავალოვსკი 77), აზაროვი, ფალავანდიშვილი, ალთუნაშვილი, გაფრინდაშვილი (ჩაბრაძე 77), ზარია (ანანიძე 59), ჯიღაური (ბიძინაშვილი 59), ფლამარიონი (ლობჯანიძე 69)
დინამო (თბ) (4-4-2): კერესელიძე (პრიეტო 15), კალანდაძე (ხარაბაძე 68), პაპავა (კ), ხვადაგიანი, მალი, კამარა (გაბედავა 68), მექვაბიშვილი, მოისწრაფიშვილი (კირკიტაძე 46), ბარნსი, ანტილევსკი, ბილენკი (ბენიო 46)
![alt](/pictures/image50/23de32c69bbc6cca6733bbfc05d52496.jpg "ფლამარიონის დუბლი და საგოლე გადაცემა - ბათუმის "დინამომ" თბილისის "დინამო" დამაჯერებლად დაამარცხა")
ჩემპიონმა ბათუმის "დინამომ" ჩემპიონატი დამაჯერებლად დაიწყო [VIDEO]
![ეროვნული ლიგა. XXXI ტური. "დინამო" (ბთ) - "თელავი" [LIVE]](/pictures/image7/657764ee57ee032da5797e3c77c7848c.png "ეროვნული ლიგა. XXXI ტური. \"დინამო\" (ბთ) - \"თელავი\" [LIVE]")
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
ჩვენ კი მოვიგებთ თუ წავაგებთ ერთმანეთს გვერდში ვუდგავართ და ნათლად ჩანს ეს შედეგი..
მთელი სეზონი წინ არის და გამთლიანებას გისურვებთ მეტს ვერაფერს გეტყვით თქვენ ძლიერები გვჭირდებით და ერთიანი გუნდი!!