ლაზარე კუპატაძე ბათუმის "დინამოს" დატოვებას ეხმაურება

როგორც მოგეხსენებათ, ლაზარე კუპატაძე ბათუმის "დინამოს" ღირსებას აღარ დაიცავს. აღნიშნულ გადაწყვეტილებას ქომაგებში ვნებათაღელვა მოჰყვა. ინფორმაცია ლაზარემაც დაადასტურა და "ფეისბუქის" საშუალებით განცხადება გააკეთა.

"მოგესალმებით. ოფიციალურად დღეიდან, ბათუმის "დინამოს" ფეხბურთელი აღარ ვარ.
ის ლამაზი ისტორია დღეს დასრულდა, რომელიც ყველამ ერთად დავწერეთ, ფეხბურთელებმა, გუნდმა, საოცარმა გულშემატკივრებმა.
მადლობა დიდი იმ საოცარი სიყვარულისთვის და ემოციებისთვის, რომელიც მე ამ გუნდში ყოფნისას მივიღე, არასდროს დამავიწყდება. მადლობა Black Sea Pirates - Dinamo Batumi Fan-Club და ყველა გულშემატკივარს
სოციალურ ქსელში ვრცელდება რამდენიმე ფეიქ სახის ინფორმაცია, ჩემსა და გუნდის წარმომადგენლებს

შორის დაპირისპირებასთან დაკავშირებით, რაც სრული სიცრუეა. დღემდე, ამ წამამდე, ამ ხალხთან ვინარჩუნებ ძალიან კარგ ურთიერთობას და ვრჩები ბათუმის "დინამოს" გულშემატკივრად.
მიყვარხართ და მადლობა საოცარი ემოციებისთვის, კიდევ შევხვდებით".

შეგახსენებთ, მხარეებმა კონტრაქტი ურთიერთშეთანხმების საფუძველზე გაწყვიტეს.

alt ბათუმის "დინამო" სასტარტო მეკარის გარეშე დარჩა - კუპატაძე და "სლოვანი" ისევ აქტუალურია?