უეფას 2020 წლის ევროპის ჩემპიონატის საკვალიფიკაციო ეტაპის მეხუთე ტურის მატჩისთვის, საქართველო - დანია, ბილეთების ონლაინრეჟიმში გაყიდვა 25 აგვისტოს დაიწყო.გულშემატკივარს შეხვედრის ბილეთების შეძენა ინტერნეტის საშუალებით, tkt.ge-ზე შეუძლია. ბილეთის ფასი 5, 10, 15 და 25 ლარია. საქართველო - დანიის მატჩის ბილეთების ფიზიკური გაყიდვა „დინამო არენის“ სალაროებში, რამდენიმე დღეში დაიწყება და კონკრეტულ თარიღს გულშემატკივარი საქართველოს ფეხბურთის ფედერაციის ვებგვერდის საშუალებით შეიტყობს.
საქართველოსა და დანიის ეროვნული გუნდების მატჩი 8 სექტემბერს, 20:00 საათზე, „დინამო არენაზე“ შედგება.
გულშემატკივართა საყურადღებოდ: ევრო 2020-ის საკვალიფიკაციო ეტაპის საშინაო შეხვედრის ყველა
ბილეთზე მითითებულია კონკრეტული შესასვლელი - გთხოვთ, სტადიონზე მოსახვედრად გამოიყენოთ ბილეთზე მითითებული სტადიონის კარი.
მომზადებულია GFF.GE-ს მიხედვით
