მალიორკაში გამართული სავარჯიშო შეკრების დროს ბრემენის "ვერდერისა" და კოსოვოს ნაკრების შემტევმა მილოტ რაშიცამ გერმანულ პრესასთან ერთა ლიგის მოახლოებულ თამაშებზე ისაუბრა.
"ჩვენ ისტორიას შევქმნით. ფეხბურთი და ეროვნული ნაკრები კოსოვოში ძალიან უყვართ. საშინაო თამაშების დროს სამსახურში არავინ მიდის. ყველა ფეხზე დგას, სტადიონზე ან სახლებში, ტელევიზორის წინ.
ვფიქრობ, რომ ევროპის ჩემპიონატზე გასვლის კარგი შანსები გვაქვს. თუ ბოლო საკვალიფიკაციო რაუნდში ჩვენს თამაშებს მიადევნეთ თვალი, დაინახავდით, რომ კოსოვოს ნაკრებს კიდევ უფრო მომატება შეუძლია.
შესანიშნავი ზაფხული გამომივა, თუ "ვერდერიც" შეინარჩუნებს ბუნდესლიგაში ადგილს და კოსოვოს ნაკრებიც გავა
ევრო 2020-ის ფინალურ ეტაპზე. იმედია, ორივე მათგანი მოხდება", - თქვა რაშიცამ.
23 წლის რაშიცა მშვენივრად გამოიყურება ბუნდესლიგის მიმდინარე გათამაშებაში. "ვერდერის" მაისურით ახალგაზრდა ფეხბურთელმა 13 შეხვედრაში მიიღო მონაწილეობა, 7 გოლი გაიტანა და 3 საგოლე გადაცემა გააკეთა.
[დაზვერვა] ბელარუსი ძლიერდება - რა შეიცვალა საქართველოს ერთა ლიგის მეტოქეებში?
შოთა არველაძე საქართველოს მეტოქეებზე ერთა ლიგაზე: არ მომწონს ბელარუსის ნაკრები, არც კოსოვოთი ვარ აღფთოვანებული
