უეფამ კორონავირუსის გამო ევროპის ჩემპიონატის მომავალ წელს გადატანის გადაწყვეტილება მიიღო და როგორც საქართველოს ფეხბურთის ფედერაციის გენერალურმა მდივანმა დავით მუჯირმა განაცხადა, ერთა ლიგის D დივიზიონის პლეი-ოფის ნახევარფინალური მატჩი საქართველოსა და ბელარუსის ნაკრებებს შორის, რომელიც 26 მარტს უნდა გამართულიყო, სავარაუდოდ, ივნისის დასაწყისში ჩატარდება.
როგორც იცით, D დივიზიონის პლეი-ოფის ნახევარფინალში საქართველო ბელარუსს, ხოლო ჩრდილოეთი მაკედონია კოსოვოს მასპინძლობს და კოსოვოს ფეხბურთის ფედერაცია თავისი "ტვიტერით" შეხვედრების თარიღს აკონკრეტებს:
ნახევარფინალები - 2 ივნისს, ფინალი - 6 ივნისს.
კოსოვოს ფეხბურთის ფედერაცია აგრეთვე იტყობინება, რომ მათი ახალგაზრდული ნაკრებისა და
"ჰანოვერის" თავდამსხმელ ვალდრინ მუსტაფას კორონავირუსი დაუდასტურდა.
დავით მუჯირი: ბელარუსთან მატჩი, ალბათ, ივნისში ჩატარდება
საქართველო-ბელარუსი: ბილეთები შეგიძლიათ შეინარჩუნოთ
