"მთავარ არხზე" გადაცემა "სპორტის საათის" სტუმარი "ანორთოსისის" ქართველი მწვრთნელი თემურ ქეცბაია გახლდათ.
წამყვანმა დავით ერაძემ მას კითხვა დაუსვა, თუ იქნება შეთავაზება, დაბრუნდება თუ არა კიდევ ერთხელ ნაკრებში.
"არა, ნამდვილად არა... მე უმუშევარი არა ვარ და სამსახური უკვე მაქვს. არ მიყვარს, როდესაც რაღაც საქმეს აკეთებ და იმას შუა გზაზე მიატოვებ.
მაშინაც პირველად ნაკრები, რომ ჩავიბარე უკვე 2 გუნდი მყავდა გაყვანილი ჩემპიონთა ლიგაზე, მაგრამ დამირეკეს და მითხრეს უნდა ჩამოხვიდეო და უარი ვერ ვთქვი.
სიმართლე გითხრათ, ამან ჩემი როგორც მწვრთნელის განვითარების მხრივ კარგი
როლი ნამდვილად არ ითამაშა.
ახლაც მირეკავენ სხვადასხვა ქვეყნიდან და მთავაზობენ სამუშაოს, მაგრამ მე შუა გზაზე არ დავტოვებ დაწყებულ საქმეს", - ამბობს ქეცბაია.
"ქეცბაიაზე უკეთესი მწვრთნელი მე ვარ" - "მაკაბის" დამრიგებელი ქართველის შესახებ დასმულმა კითხვამ განარისხა
