ევრო 2024-ის საკვალიფიკაციო ეტაპის კალენდარი ცნობილი გახდა. მოგეხსენებათ, საქართველოს ნაკრები A ჯგუფში ესპანეთთან, შოტლანდიასთან, ნორვგეგიასა და კვიპროსთან ერთად იასპარეზებს:ევრო 2024-ის საკვალიფიკაციო ეტაპის მატჩების კალენდარი:
28/03/23 - საქართველო - ნორვეგია
17/06/23 - კვიპროსი - საქართველო
20/06/23 - შოტლანდია - საქართველო
08/09/23 - საქართველო - ესპანეთი
11/09/23 - ნორვეგია - საქართველო
15/10/23 - საქართველო - კვიპროსი
16/11/23 - საქართველო - შოტლანდია
19/11/23 - ესპანეთი - საქართველო
მოკლედ კალენდარი ისეთია მოწინააღმდეგეებიც კი უარეს ვერ დაგვიდგენდნენ.
1) პირველი თამაში გვაქვს ნორვეგიასთან სახლში, რომელიც ტურის პირველი თამაშით არ იქნება გადაღლილი, მგზავრობით როცა უნდა მაშინ ჩამოვა, განსხვავებით ჩვენგან, როცა 8 სექტემბერს ესპანეთში ვთამაშობთ, ხოლო შემდეგ 3 დღეში ოსლოში უნდა ჩავფრინდეთ და 11-ში ნორვეგიას შევხვდეთ. 3 დღეში 2 მძიმე მატჩი, თან უნდა დაისვენო თვითმფრინავის და ავტობუსის სავარძელში.
2) 17 ივნისს კვიპროსში ქეცბაიას გუნდს ვეთამაშებით და თუ გასვლა გვინდა თავი არ უნდა დავზოგოთ და სამ დღეში გლაზგოში უნდა ჩავფრინდეთ და იქაც შოტლანდიას ვეომოთ.
3) სამაგიეროდ, 15 ოქტომბერს კვიპროსთან გვაქვს ერთი კინკილა თამაში, მანამდე არც სხვაგან მივფრინავთ, არც არსაიდან მოვფრინავთ
4) ანალოგიური სიტუაცია გვაქვს 16 ნოემბერს, როცა დასვენებული შოტლანდია ჩვენთან ჩამოდის, ჩვენ კი 3 დღის შემდეგ ესპანეთში უნდა ვითამაშოთ.
ბუნებით არა ვარ ეჭვიანი კაცი, მაგრამ სამივე გასვლა მთავარ კონკურენტებთან სამი დღის შემდეგ გვიწევს, მაშინ როდესაც ისინი თბილისში დასვენებული და ტურის პირველი დღის უთამაშებლები ჩამოდიან.