ევროპის 2024 წლის ჩემპიონატის შესარჩევი ტურნირის დაწყების წინ ნორვეგიის ნაკრებისთვის თავდამსხმელ ერლინ ჰოლანის გამოკლება ნამდვილი შოკი გამოდგა. ის წინა დღით ჩვეულებრივად ვარჯიშობდა, მაგრამ შემდეგ საზარდულის პრობლემა შეექმნა და თავის გუნდს ესპანეთთან და საქართველოსთან ვერ დაეხმარება.
ნორვეგიის ნაკრების მწვრთნელმა სტალე სოლბაკენმა მარბელაში ჟურნალისტებს შექმნილი ვითარება განუმარტა. მისი თქმით, იმედგაცრუებული არიან, თუმცა გუნდის ლიდერის გამოკლებით არაფერი შეიცვლება, რადგან სხვა მაღალი დონის ფეხბურთელებიც ჰყავს, განწყობა საბრძოლოა, ესპანეთთან თამაშის გეგმა თითქმის უცვლელი დარჩება, საქართველოსთან კი არაა გამორიცხული, ცვლილებებს მიმართოს.
"ვერაფერს მოვიმოქმედებთ. ასეთ სიტუაციაში საკვალიფიკაციო
ტურნირებისას ადრეც ვიყავით. არავის დავიმატებთ. თავდასხმაში ორი კანდიდატი გვყავს, ალეკსანდერ სიორლოტი (სოსიედადი) და იორგენ სტრანდ ლარსენი (სელტა). აგრეთვე - ნახევარდაცვაში ოლა ბრინჰილდსენი (მოლდე) და კრისტიან ტორსვედტი (სასუოლო). ამის შემდეგ 11 დღის განმავლობაში ჰოლანზე დასმულ კითხვებზე არ გიპასუხებთ", - დასძინა სოლბაკენმა.
კომენტარი ნახევარმცველმა მარტინ ედეგორმა გააკეთა: "რა თქმა უნდა, ვნერვიულობთ და დაძაბულობამ იმატა, მაგრამ მე ეს მომწონს კიდეც. წარუმატებლობის შიში ყოველთვის არსებობს, რაც დამატებით მუხტს გვძენს".
ნორვეგიული Dagbladet-ი შექმნილ სიტუაციას კრიზისულს უწოდებს და აღნიშნავს, რომ ეს ყველაზე უარესი სიახლეა, რაც შეიძლებოდა შეეტყოთ, რამეთუ ჰოლანის მსგავსი ვარსკვლავი არ ჰყავთ, მისი გამოკლება ძალიან სერიოზული დანაკლისია, სიორლოტი ჰოლანივით ექსტრემალურად სწრაფი არაა და სავარაუდოდ, ტაქტიკის გადაწყობა მოუწევთ.
NRK-ის საფეხბურთო ექსპერტი კარლ-ერიკ ტორპი ამბობს, რომ ჰოლანის ტრავმა წარმოუდგენლად გამაღიზიანებელია, ვინაიდან ის მეტოქეებთან ყველაზე დიდ სხვაობას სძენს ეროვნულ გუნდს და ახლა მათი შანსები თითქმის გაქრა.
"მარკა" ჰოლანის ტრავმას "ფურია როხას" დაცვისთვის შვების მომგვრელს უწოდებს, ხოლო AS-ი წერს, რომ ეს მათი მეტოქისთვის დიდი დარტყმაა.
![alt](/pictures/image50/93b0bf7856fbe04b4f1ab3ec78ce292e.jpg ""ეს კრიზისია და შანსები თითქმის გაქრა" - ნორვეგია ჰოლანის ტრავმის გამო შოკშია")
ერლინ ჰოლანი საქართველოსთან მატჩს საზარდულის ტრავმის გამო გამოტოვებს![alt](/pictures/image50/29fc30bf307e93aaaf8826f2984bc3c5.jpg ""ეს კრიზისია და შანსები თითქმის გაქრა" - ნორვეგია ჰოლანის ტრავმის გამო შოკშია")
რა სიურპრიზების შეთავაზება შეუძლია სანიოლს ნორვეგიის ნაკრებისთვის - ჰოლანის დანაკლისმა არ უნდა მოგვადუნოს!..![alt](/pictures/image50/d3ddc4456543bb8fa46c9c04ed4d1723.jpg ""ეს კრიზისია და შანსები თითქმის გაქრა" - ნორვეგია ჰოლანის ტრავმის გამო შოკშია")
ნორვეგიელთა მწვრთნელი: საქართველოს ნაკრების დამარცხება გაცილებით მნიშვნელოვანია, ვიდრე ესპანეთის
და მეორე, თუ ჩვენები მშვიდ, წყნარ გარემოში, აჟიოტაჟის გარეშე ემზადებიან და პრესაში-ხალხში თამაშისადმი სერიოზული -, არა ტრაბახა მიდგომაა. თითქმის სულ ვიგებდით.
იქნებ ეხლაც გვეცადა, მაგალითად ჰალანდი არ არის მაგრამ ნორვეგია შეკრული გუნდია. ესეთი აქცენტი მოწინააღმდეგეზე, ხოლო ჩვენზე რამდენად შეინარჩუნეს ფორმა. ხომ არ განმეორდება წინა ციკლი, როცა ევროლიგაზე ნახევარფინალში გავედით, მაგრამ შესარჩევზე ცუდად გამოვედით. და რა თქმა უნდა სპეციალისტების და ჟურნალისტების მიერ გუნდის მზადების შედარებით მშრალი აღწერა, ქება დიდების გარეშე.