ნიონში ჩატარებულ კენჭისყრაზე ევროპის ჩემპიონატზე გასასვლელი პლეი-ოფის ფინალის მასპინძელი გაირკვა - თუ საქართველომ ნახევარფინალში საკუთარ მოედანზე ლუქსემბურგს სძლია, გადამწყვეტ შეხვედრასაც სახლში გამართავს. წილისყრას "ჯვაროსნების" მწვრთნელი ვილი სანიოლი და სფფ-ის ვიცე-პრეზიდენტი ალექსანდრე იაშვილი დაესწრნენ, რომლებმაც კომენტარი nakrebi.ge-სთან გააკეთეს.
ვილი სანიოლი: "ჩვენი შესანიშნავი გულშემატკივრის გათვალისწინებით, დიდი სხვაობაა საკუთარ მოედანზე და სტუმრად თამაშს შორის. ფინალზე ფიქრი ჯერჯერობით არ მსურს, რადგან ჯერ ნახევარფინალი გვაქვს სათამაშო. ბედნიერი ვარ, რომ ლუქსემბურგთან საშინაო კედლებში ვითამაშებთ. დარწმუნებული ვარ, სტადიონი გაივსება და შესანიშნავი ატმოსფერო იქნება.
10-15 წლის წინ ლუქსემბურგი, საფეხბურთო თვალსაზრისით,
ალექსანდრე იაშვილი: "საკუთარ მოედანზე თამაშს უდიდესი მნიშვნელობა აქვს. ერთა ლიგაზე სწორედ ამაზე ვიყავით კონცენტრირებული, რათა მოგვეგო მაქსიმალურად ყველა თამაში და ეს უპირატესობა მოგვეპოვებინა ნახევარფინალში.
ლუქსემბურგი ძლიერი გუნდია, კარგად ითამაშა შესარჩევი ციკლი. მნიშვნელოვანია ჩვენი გულშემატკივრის ენერგია და მჯერა ჩვენი გუნდის, ჩვენი ბიჭების. დარწმუნებული ვარ, ყველაფერს გავაკეთებთ, რომ გავიმარჯვოთ ნახევარფინალში და მოვიპოვოთ ფინალში თამაშის უფლება, რომელიც ასევე საქართველოში გაიმართება, რასაც დიდი მნიშვნელობა აქვს. გულშემატკივართან ერთად, ყველაფერი უნდა გავაკეთოთ, რათა ავიხდინოთ ოცნება, რასაც ევროპის ჩემპიონატზე თამაში ჰქვია".
ლუქსემბურგის დამარცხების შემთხვევაში საქართველოს ნაკრები ფინალს "დინამო არენაზე" გამართავს
რაც შეეხება უშუალოდ ფეხბურთს დიდი როლი ექნება ჩაკვეს,ზურიკოს,წიტაიშვილის ფორმაში ყოფნას-ჩაკვე უნდა იყოს ლიდერი როგორც ადრე უნდა ათრიოს ლუქსემბურგი,მაგრამ რადგან სავარაუდოდ მძიმე თამაში წავა და ადვილად ვერ მოვიგებთ-გადამწყვეტი იქნება ბუდუს ფორმაში ყოფნა,სწორედ ის თავდამსხმელია ასეთ თამაშებში ტაბლოზე რიცხვებს რო ანთებს.