საქართველოს ნაკრების 33 წლის მცველმა გიორგი გველესიანმა შესაძლოა, კარიერა ინდონეზიის ჩემპიონ "პერსიპ ბანგუნდში" განაგრძოს. ამის შესახებ ადგილობრივი jabar.tribunnews-ი წერს. კლუბს მომავალი სეზონისთვის გაძლიერება სურს და რამდენიმე უცხოელთან აწარმოებს მოლაპარაკებას, ერთ-ერთი მათგანი კი "ჯვაროსანთა" უკანახაზელია.
მოგეხსენებათ, გველესიანი ახლა ირანული "პერსოპოლისის" ღირსებას იცავს და ახლა ერთი ქვეყნის ჩემპიონიდან მეორეში გადასვლის შანსი აქვს.
ინფორმაციისთვის, გიორგის ევროპის ჩემპიონატზე თურქეთთან არ უთამაშია, ჩეხეთთან მოედანზე 9 წუთი გამოჩნდა, პორტუგალიასთან 76, ხოლო ესპანეთთან 78 წუთი ითამაშა.
![გველესიანმა გამარჯვების გოლი ზედ საფინალო სასტვენის წინ გაიტანა [VIDEO]](/pictures/image7/22d26af78ef35c67616f5d2aac645096.jpg "გველესიანმა გამარჯვების გოლი ზედ საფინალო სასტვენის წინ გაიტანა [VIDEO]")
