ერთა ლიგაზე უკრაინასთან 0:1 წაგებული მატჩის შემდეგ, კომენტარი საქართველოს ნაკრების მეკარემ, გიორგი მამარდაშვილმა გააკეთა:
„პირველ რიგში, ჩვენ უკეთ უნდა ვითამაშოთ. დღეს ფეხბურთი არ იყო - მოედანი საერთოდ არ გვაძლევდა თამაშის საშუალებას. გოლის მომენტში კარგად ვერ გადავხტი, რადგან ბალახი არ იყო და ხანდახან მოედანზე ფეხი სრიალებდა. ეს რომ არა, იმ დარტყმის მოგერიება შემეძლო.
არ მგონია, რომ კონცენტრაციასთან დაკავშირებით პრობლემა გვქონდა, ჩვენ ყველანი მზად ვიყავით, მაგრამ გამარჯვების მოპოვება ვერ შევძელით. ამიტომ ახლა გუნდისთვის წაგებაზე სწორი რეაგირებაა საჭირო. ჩემი აზრით, ერთიანობის შენარჩუნება გვმართებს.
მოდით, ერთად ვიაროთ მიზნისკენ, რომელიც ყველა ქართველს აქვს“.
ნაკრები თბილისში დაბრუნდა | 13 ოქტომბრის განრიგი
