შეგახსენებთ, რომ არნემული გუნდის ღირსებას საქართველოს ნაკრების მცველი გურამ კაშია იცავს, რომელმაც შეხვედრა სრულად ჩაატარა.
"ვიტესი" როგორც თასის მფლობელი სუპერთასის დაპირისპირებაში ქვეყნის ჩემპიონს "ფეენორდს" ხვდებოდა.
შეხვედრაში ანგარიში მე-7 წუთზე იენს ტრონსტრამ გახსნა, ხოლო მეორე ტაიმის დასაწყისში "ფეენორდმა" მეორე გოლი გაიტანა, მაგრამ გოლი არბიტრმა დანი მაკელიმ გააუქმა.
ამის მიზეზი ის გახდა, რომ გოლამდე 20 წამით ადრე "ვიტესის" ფეხბურთელი "ფეენორდის" საჯარიმოში წააქციეს, ხოლო მსაჯმა ეპიზოდი მეორე გოლის შემდეგ ვიდეორეფერის დახმარებით განიხილა.
![Sportall.Ge](/images/new_photo/01/2017/UCXOURI/1-15AUGUST/001/referi-346.jpg "მსაჯმა გოლი გააუქმა და პენალტი დანიშნა - კაშიას "ვიტესს" ამანაც ვერ უშველა [VIDEO]")
მაკელიმ გოლი გააუქმა და პენალტი "ფეენორდის" კარში დანიშნა. ალექსანდერ ბატნერმა კი 11-მეტრიანი ზუსტად შეასრულა.
თუმცა ამან კაშიას გუნდს მაინც ვერ უშველა და "ვიტესი" პენალტების სერიაში ანგარიშით 2:4 დამარცხდა. ქართველს პენალტი არ დაურტყია.
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
