25 წლის ავთო ებრალიძე ჯერაც ახალი კლუბის მოლოდინშია. როგორც იქნა, ქართველს "ჟილ ვისენტესთან" კონტრაქტი დაუსრულდა, მაგრამ, სამწუხაროდ, ახალი გუნდის პოვნა გაუჭიანურდა. მისი გადაბირება რამდენიმე კლუბს სურდა, მათ შორის - ესპანეთის სეგუნდა დივიზიონის ბინადარ "კორდობას", მაგრამ... ეს საქმე არ გამოვიდა.გუშინ ებრალიძეს პორტუგალიაში დავუკავშირდით:
"ჯერ საბოლოოდ არაფერია გადაწყვეტილი, მაგრამ დიდი ალბათობით, ერთი სეზონის განმავლობაში კვლავ პორტუგალიის რანგით მეორე ლიგაში მომიწევს თამაში. რამდენიმე გუნდს უნდა ჩემი გადაბირება და ვნახოთ", - გვითხრა ებრალიძემ.
"კორდობას" გარდა, სეზონთაშორის პერიოდში მისი სამსახურით თურქული, კვიპროსული და აზიური
იმედია, ახლო მომავალში ყველაფერი გაირკვევა და ფეხბურთელს, რომელსაც ეროვნულ ნაკრებში 3 მატჩი აქვს ჩატარებული და პოტენციურად ეროვნული გუნდის წევრობის კანდიდატია, ისეთ გუნდში ვიხილავთ, სადაც სათამაშო პრაქტიკა ექნება. ეს კი ნაკრებისთვის რეზერვის გაფართოებას ნიშნავს.
ებრალიძემ ფეხბურთის თამაში თბილისის "ნორჩ დინამოელში" დაიწყო. ის ადრეულ ასაკშივე გადაბარგდა პორტუგალიაში და "ესპერანსა დე ლაგოსში" ჩაირიცხა. ამას მოჰყვა "ჟუვენტუდე ევორაში" გატარებული პერიოდი, "ჟილ ვისენტემდე" კი "ოლივეირენშეში" თამაშობდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ებრალიძემ კვიპროსში ულამაზესი გოლი გაიტანა [VIDEO]](/pictures/image7/4b0f3cc499e52e54a946b8de3e6c819d.jpg "ებრალიძემ კვიპროსში ულამაზესი გოლი გაიტანა [VIDEO]")
