Buffalo TV-მ გიორგი ჩაკვეტაძეს ვიდეოსიუჟეტი მიუძღვნა [VIDEO]

,,როცა ,,სპორტინგიდან" ავიყვანე ძალიან ახალგაზრდა იყო. პირველივე ნახვისას მომეწონა, როცა მისი თამაში ვნახე პორტუგალიაში. და იმ დღეს, მანჩესტერში ჩვენი შევხვდრისას, ძალიან მიზანდასახული იყო. მახსოვს ეს შეხვედრა ჩემს კაბინეტში შედგა. იგი თავის ადვოკატთან ერთად წარმიდგა და მითხრა: ,,სერ, მე აქ იმიტომ ვარ, რომ უკეთესი გავხდე. მსურს, რომ მსოფლიომ დამიმახსოვროს და თუ არსებობს ერთი ადამიანი ვინც ამაში დამეხმარება, ეს თქვენ ხართ". რონალდო დაჯდა. მე გაოცებული ვიყავი მოსმენილით. ასეთი მიზანდასახული არავინ მენახა, ვუპასუხე: ,,პიანისტის ტანზე ხართ, ჩვენთან რომ ითამაშოთ, ჯერ ტანი უნდა მოიღონიერო. ტექნიკაზე არაფერი მაქვს სათქმელი". ეს სიტყვები მან გამოწვევად მიიღო. ყოველ დღე ორჯერ ვარჯიშობდა სპორტდარბაზში. მანჩესტერში, სახლში დიდი სავარიჯეშო დარბაზი მოიწყო და პირადი მწვრთნელიც აიყვანა. იგი ჯერ 17 წლის გახლდათ, თუმცა ამ მხრივ მანჩესტერში უკვე ბევრი ბაძავდა. ის იმდენად იყო მონდომეული, რომ ყოველი ვარჯიშის შემდეგ პირად მწვრთნელთან ერთად სახლში მიეშურებოდა, რათა თავისი ტანის გაძლიერებაზე ეზრუნა. კარადაზე ასეთი წარწერა ჰქონდა გაკრული: ,,შეუძლებელი არაფერია". მატჩიდან მატჩამდე უმატებდა. მე მისით ვამაყობდი. მას კიდევ ერთი ოცნება ჰქონდა - ეთამაშა მადრიდის ,,რეალში". ამის შესახებ მანჩესტერში ჩამოსვლიდან რამდენიმე ხანში გამომიტყდა, მისთვის არაფერი მითქვამს. იგი ჩვენ გამარჯვებებში დაგვეხმარა და ვიცოდი, დადგებოდა ის დღეც, როცა ის ამ სურვილს აისრულებდა. მადრიდში გაფრენის წინა დღეს დამირეკა. ნახევარი საათის განმავლობაში გულიანად ვისაუბრეთ. ჩვენ უბრალოდ ეკონომიკური საშუალებები არ გვქონდა იგი შეგვენარჩუნებინა. ატირდა, და მე მას ვუთხარი, რომ ზუსტად შესაფერისი დრო იყო ამ კლუბში გადასასვლელად. იგი დაწყნარდა და შემპირდა: ,,მე ნომერ პირველი გავხდები და მინდა, რომ თქვენ ჩემით იამაყოთ". ასე დავშორდით. ვიცოდი, მისი სიტყვები სიტყვებად არ დარჩებოდა. როცა ამ ზაფხულს, ევროპის ჩემპიონატზე გამარჯვების შემდეგ შევხვდით, გადამეხვია და მითხრა: ,,სერ, თქვენ კმაყოფილი ხართ იმით, რასაც აქამდე მივაღწიე?". გავუღიმე და მივუგე: ,,უფალმა დაგლოცოს, შვილო". სხვა რაღა უნდა მეთქვა?"