30 ოქტომბერს ესპანეთის თასზე გიორგი აბურჯანიას "ლუგოსა" და "ლევანტეს" მატჩი 1:1 დასრულდა.
"ლუგო" სეგუნდადივიზიონში წარუმატებლად ასპარეზობს, 27 ოქტომბერს საკუთარ მოედანზე "კადისთან" 1:2 დამარცხდა და ამ შეხვედრამ დიდი ინტერესი არ გამოიწვია - 7 840-იან სტადიონზე თავისი გუნდის საგულშემატკივროდ ოდენ 2 389 მაყურებელი მივიდა. არადა, მათი მეტოქე ლა ლიგაში კარგად მოასპარეზე "ლევანტე" იყო, რომელიც სატურნირო ცხრილში მეშვიდე ადგილზეა და ლიდერთა ჯგუფის სიახლოვეს იმყოფება.
ანგარიში მე-11 წუთზე ერერამ აბურჯანიას წამოწყებული კომბინაციის შემდეგ გახსნა, 53-ე წუთზე კი "რეალიდან" განათხოვრებულმა ბორხა მაიორალმა საპასუხო გოლი გაიტანა.
77-ე წუთზე გიორგი შეცვალეს და თამაში 1:1 დასრულდა. განმეორებითი შეხვედრა 5 დეკემბერს "სიუდადზე" ჩატარდება.
ამ მატჩში პირველად უხელმძღვანელა გადაყენებული ხავი ლოპესის ნაცვლად "ლუგოს" ალბერტო მონტეაგუდომ.
![alt](/pictures/image50/51bdb4abaac0063af9fca62d63d5e14c.png "აბურჯანიას "ლუგო" თასის პირველ მატჩში "ლევანტეს" დაუზავდა")
გიორგი აბურჯანიას "ლუგომ" "ალბასეტე" დაამარცხა და ესპანეთის თასის 1/32-ფინალშია![Sportall.Ge](/pictures/artimages/original/8d7d325b269483d23197cecda25afca3.jpg "აბურჯანიას "ლუგო" თასის პირველ მატჩში "ლევანტეს" დაუზავდა")
![ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]](/pictures/image7/c5a32470b834243e413df9ddfe107e7e.jpg "ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]")
