კიევის "დინამოს" 19-წლამდელთა გუნდმა საკუთარ მოედანზე 2:1 დაამარცხა "ანდერლეხტი" და უეფას ახალგაზრდული ლიგის შემდეგ ეტაპზე გავიდა.
როდესაც მასპინძლები 0:1-ს აგებდნენ, მწვრთნელმა შეცვლაზე თავდამსხმელი გიორგი წიტაიშვილი შეუშვა და მან საჯარიმოთი ანგარიში გაათანაბრა, 85-ე წუთზე კი უკრაინულმა გუნდმა პენალტით გამარჯვება მოიპოვა.
ნამატჩევს წიტაიშვილმა ჟურნალისტებს ინტერვიუ მისცა.
- შეხვედრის წინ მწვრთნელებს ველაპარაკე. ვიცი, ფიზიკურად 100%-ით მზად არ ვარ. გარკვეული პერიოდი არ მივარჯიშია, რადგან სახლში ბაბუასთან უნდა ვყოფილიყავი. მითხრეს, მეორე ტაიმში შეხვალ თამაშის გასაძლიერებლადო. ამან იმუშავა, შევედი და გოლი გავიტანე.
- გოლზე როგორ კომენტარს გააკეთებ?
- სანამ დავარტყამდი, მეკარეს შევხედე. შუაში იდგა. ე.ი. იმ კუთხეში ელოდა დარტყმას, რომელსაც კედელი ფარავდა. მე კი იქ დავარტყი, სადაც იდგა.
- ახლა საჯარიმოების შესრულებას შენ დაგავალებენ.
- არა, თუმცა აკადემიაში ამაზე ვვარჯიშობდი. ბულეცს უნდა დაერტყა, მაგრამ ბურთი წავართვი.
- არ იჩხუბეთ?
- ცოტა, მაგრამ ვუთხარი, რომ გავიტანდი და გავიტანე.
- რომ არ გაგეტანა?
- ხომ გავიტანე (იცინის).
- კონტრაქტის გაგრძელებაზე გვითხარი რამე.
- 5 წლით გავახანგრძლივე. აქ ყოფნა მიხარია. ყველას დავუმტკიცე, რატომაც გამიფორმეს კონტრაქტი.
![alt](/pictures/image50/514113454032cb512b127d53d9ed423e.jpg "წიტაიშვილმა "ანდრლეხტს" გოლი გაუტანა და კიევის "დინამო" უეფას ლიგის ჯგუფიდან გავიდა [VIDEO]")
წიტაიშვილი კარგი თავდამსხმელია და სფფ-მ საქართველოს ნაკრებში თამაშზე უნდა დაიყოლიოს
![alt](/pictures/image50/52b2ed465dbd0897196f5efe2c2a5099.jpg "წიტაიშვილმა "ანდრლეხტს" გოლი გაუტანა და კიევის "დინამო" უეფას ლიგის ჯგუფიდან გავიდა")
წიტაიშვილმა კიევის "დინამოსთან" კონტრაქტი გააგრძელა![alt](/pictures/image50/657f902adaed71c0974576072d40e360.jpeg "წიტაიშვილმა "ანდრლეხტს" გოლი გაუტანა და კიევის "დინამო" უეფას ლიგის ჯგუფიდან გავიდა")
გიორგი წიტაიშვილი ან "შახტარში" გადავა ან "ზენიტში" - მას შეუძლია ჯვაროსანი გახდეს 
![აზაროვმა "ბარსელონასთან" მატჩის წინ ტრავმა მიიღო - "შახტარმა" კიევის "დინამოს" სძლია [VIDEO]](/pictures/image7/e1836676196bee8b55d0916be63ec611.jpg "აზაროვმა \"ბარსელონასთან\" მატჩის წინ ტრავმა მიიღო - \"შახტარმა\" კიევის \"დინამოს\" სძლია [VIDEO]")
