პოლონეთის ზაბჟეს "გურნიკის" საიტი იჯარით "ლუცერნის" ქართველი ნახევარმცველის ვაკო გვილიას აყვანას გვამცნობს.
როგორც იცით, გვილია გუნდის ახალმა მწვრთნელმა რენე ვეილერმა რატომღაც აითვალწუნა და სეზონის ბოლომდე "გურნიკში" გაანათხოვრეს.
"გურნიკი" ზაბჟეს "მეშახტეთა" გუნდია, ჩემპიონატზე 20 ტურის შემდეგ 12 ქულით უკანასკნელ, მე-16 ადგილზეა და გვილიას დიდი იმედი აქვთ.
კლუბის დირექტორთა საბჭოს წევრი არტურ პლატეკი ამბობს, რომ გვილია მათი გუნდისთვის მნიშვნელოვანი ფეხბურთელი იქნება.
გვილია დღეს ჩაფრინდა პოლონეთში, საბუთები გაუფორმეს და უმალ კვიპროსულ შეკრებაზე წაიყვანეს.
პოლონეთის ექსტრაკლასა 9 თებერვალს განახლდება და "გურნიკი" ვროცლავში "შლიონსკს" შეხვდება.
ასე რომ, ვაკოს ახალ გუნდში ადაპტაციისთვის საკმაო დრო აქვს.
![alt](/pictures/image50/fc0332eb0c95848f0bf003ad9ac88eb0.jpg "ვაკო გვილია "პოლონელი მეშახტე" გახდა")
შვეიცარიული მედია: ვაკო გვილია "ლუცერნს" დღეს დატოვებს და პოლონეთში მიდის
![ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]](/pictures/image7/57f03630e45e20d80b6f88de210dde05.jpeg "ატყდა დავიდარაბა. \"სლოვანმა\" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]")
