matchtv.ru: საბა კვირკველიას "ლოკომოტივის" დატოვება 3.6 მლნ ევროდ შეუძლია

AutoSharing Option
matchtv.ru-ზე კომენტატორმა ნობელ არუსტამიანმა იმ ფეხბურთელებზე ისაუბრა, რომლებმაც არაა გამორიცხული, ზაფხულში პრემიერლიგა დატოვონ და მათ შორის "ლოკომოტივის" მცველის საბა კვირკველიას ტრანსფერიც ივარაუდა.

"აქ ყველაფერი ძალიან მარტივადაა. ჩემი ინფორმაციით, კვირკველიას კონტრაქტში ოფციაა, რომლის მიხედვით პირველი ივლისიდან შეუძლია 3.6 მილიონ ევროდ წავიდეს. ის ჩვენს ლიგაში თავის პოზიციაზე ერთ-ერთი საუკეთესო მოთამაშეა, ამიტომ თუ "ლოკომოტივი" ახალ ხელშეკრულებას არ გაუფორმებს, მსურველები მრავლად ეყოლება.

კვირკველიას "ლოკომოტივი" უყვარს, მაგრამ თუ კარგ ხელფასს შესთავაზებენ, სავსებით შესაძლებელია წავიდეს. ჩვენ ვლაპარაკობთ ძლიერ ფეხბურთელზე, რომელიც ლეგიონერად მოვიდა და ე.ი. ჩვენთან არ
აღზრდილა. დიახ, მას უყვარს რუსეთი, მაგრამ ასევე პირობითად შეუძლია შეიყვაროს ინგლისი ან გერმანია. ყველაფერი იმაზეა დამოკიდებული, თუ როგორი წინადადებით მიმართავენ.

"ლოკომოტივში" მას მაღალი ხელფასი არა აქვს - სოლიდური, მაგრამ არა ყველაზე დიდი. მისი სამსახურით ევროპის დიდი ჩემპიონატების საშუალო გუნდები არიან დაინტერესებულნი. ასეთი თანხის სანაცვლოდ თავისუფლად შეუძლია ინგლისში, საფრანგეთში, იტალიაში ან გერმანიაში წავიდეს. არანაკლებ სავარაუდოა, რომ რუსეთშიც შესთავაზონ ვარიანტები. 3.6 მილიონი ასეთი კლასის ფეხბურთელისათვის სასაცილო თანხაა.

კონკრეტიკა ჯერ არაა, თუმცა ზამთარში და გასული წლის ზაფხულში მისადმი ინტერესი იყო. "ბრაიტონი", "ლესტერი" და ა.შ. თუმცა, კიდევ ერთხელ: კონტრაქტის გამოსასყიდი ფასი 9 მილიონი იყო და არის, მაგრამ 1 ივლისიდან 3.6 მილიონი გახდება. რა თქმა უნდა, საბას შეძენის მსურველი უფრო ბევრი იქნება. ძალიან რეალური გამოსავალი ისაა, თუ "ლოკომოტივი" არაფერს არ მოიმოქმედებს".

მკითხველის კომენტარები / 1 /
ეხლაც თუ არ წავიდა სულელი ყოფილა
10

ასევე დაგაინტერესებთ
სიახლეები პოპულარული