გიორგი პაპუნაშვილმა ტრავმა მოირჩინა და "სარაგოსასთან" ერთად ვარჯიში დაიწყო. დიდი ალბათობით, ის "კორდობასთან" მატჩში, რომელიც 28 აპრილს გაიმართება, მოედანზე უნდა ვიხილოთ.
არაგონული გამოცემის, elperiodicodearagon.com-ის მოსაზრებით, ქართველი ფეხბურთელის ტრავმიანობის გამო "სარაგოსას" შეუძლია ის რუსეთში, ბელგიაში ან აშშ-ში გაყიდოს.
გიორგი პაპუნაშვილის მდგომარეობისა და მომავლის შესახებ სასაუბროდ Sportall.ge ფეხბურთელის აგენტს, ლევან ზუხბაიას დაუკავშირდა.
"გიორგი უკვე კარგად არის, გუნდთან ერთად სრული დატვირთვით ვარჯიშობს და წესით, "კორდობასთან" მატჩში უნდა ითამაშოს, თუმცა ეს უკვე მწვრთნელის გადასაწყვეტია.
ჯერჯერობით, ეს სეზონი რაც დაიწყო, გიორგის ნორმალურად არ უთამაშია. ვარჯიში
განაახლა და ახლა მთლიანად გუნდზე არის გადართული. აქ სხვანაირად უყვართ და გულით არის მოტივირებული.
როცა სეზონი დასრულდება, ზაფხულში ყველაფერი შეიძლება მოხდეს, წინასწარ ამას ვერავინ განსაზღვრავს. თუ იქნება საინტერესო წინადადება, რომელიც კლუბსაც და ფეხბურთელსაც დააინტერესებთ, განვიხილავთ; თუ არადა, მას "სარაგოსასთან" კონტრაქტი აკავშირებს.
რუსეთი ჩვენს ინტერესში არ შედის, ჩვენი პრიორიტეტი ესპანეთში დარჩენაა", - განაცხადა Sportall.ge-სთან საუბრისას ლევან ზუხბაიამ.
გიორგი პაპუნაშვილი "სარაგოსაში" თბილისის "დინამოდან" 2017 წელს გადავიდა. გასულ სეზონში ის გუნდის ერთ-ერთი ლიდერი იყო, მიმდინარე სეზონში კი ტრავმების გამო ლა ლიგა 2-ში მხოლოდ 9 მატჩი გამართა, სადაც 1 გოლი გაიტანა.
![alt](/pictures/image50/8202e4b3bbe4a8cf7bbf64ce9c965687.jpg ""რუსეთი ჩვენს ინტერესებში არანაირად არ შედის, პრიორიტეტი ესპანეთში დარჩენაა" - როგორ გაგრძელდება პაპუნაშვილის კარიერა?")
ესპანური მედია: "სარაგოსა" გიორგი პაპუნაშვილს გასაყიდად ამზადებს![alt](/pictures/image50/4c2d34ca7c45f7831146f01768d73966.jpg ""რუსეთი ჩვენს ინტერესებში არანაირად არ შედის, პრიორიტეტი ესპანეთში დარჩენაა" - როგორ გაგრძელდება პაპუნაშვილის კარიერა?")
გიორგი პაპუნაშვილი - ფეხბურთელი, რომელიც "სარაგოსას" ლიდერი უნდა ყოფილიყო
