რუსეთის პრემიერლიგაში "არსენალთან" წაგების (0:1) შემდეგ "სპარტაკის" ნახევარმცველ ჯანო ანანიძეზე zen.yandex.ru-ში კრიტიკული წერილი გამოქვეყნდა.
"არსენალთან" დამარცხების შემდეგ "სპარტაკში" ისევ ალაპარაკდნენ არასაჭირო ფეხბურთელების თავიდან მოშორებაზე, რომლებიც ხელფასს იღებენ, გუნდისთვის კი სარგებელი არ მოაქვთ. ამ სიის სათავეში ფეხბურთელი მოხვდა, რომელმაც საერთო ჯამში კლუბში 10 წელი გაატარა.
მთელი კრიტიკა დაკავშირებულია უშუალოდ "არსენალთან" ბოლო შეხვედრასთან, რომელშიც დომენიკო ტედესკომ ძირითადის მოთამაშეების დასვენების მიზნით როტაციას მიმართა. ამ სიტუაციასთან დაკავშირებით მთავარმა მწვრთნელმა გაიხსენა, რომ გუნდში ისეთი ფეხბურთელი ჰყავს, როგორიც ანანიძეა და ძირითადში დააყენა, მაგრამ არა შეტევის ხაზში,
ვიღაც იტყვის, რაშია დამნაშავე ფეხბურთელი, თუ თავის პოზიციაზე არ აყენებენ? საქმე ისაა, ვინც მატჩი ნახა, მე გამიგებს, ეს ფეხბურთელი უბრალოდ დადიოდა მოედანზე, ხოლო როდესაც ბურთს იღებდა, ისე ჩანდა, რომ ძალა არ ჰქონდა, სირბილისთვისაც კი. ნამატჩევს სოციალურ ქსელში ჯანო ბევრმა გააკრიტიკა და მან თავის "ინსტაგრამზე" ერთ-ერთ მომხმარებელს უპასუხა:
"მე "სპარტაკის" დამსახურებული ფეხბურთელი ვარ და წასვლას არ ვაპირებ, შენ კი საერთოდ არავინ არა ხარ".
რა თქმა უნდა, მან მერე კომენტარი წაშალა, ვინაიდან ფანები შეიძლება დაინტერესდნენ, როდის გახდა ის დამსახურებული ფეხბურთელი.
შესაძლოა, ტედესკოს არ უკარნახეს, რომ ჯანო არც ისეთი კარგი ფეხბურთელია, როგორადაც მას ხედავს. ანანიძე გუნდში 10 წელია და 145 მატჩში მიიღო მონაწილეობა. თუ ის "სპარტაკის" დამსახურებული ფეხბურთელია, მაშინ ზაბოლოტნი "ოქროს ბურთს" მოიგებს. მე "სპარტაკის" ფანი არ ვარ, მაგრამ ასეთი თამაშისას ასეთი საქციელი მაშფოთებს".
![alt](/pictures/image50/4307df13947d1b686f71fe228f4ba275.jpg "zen.yandex.ru: "სპარტაკში" ანანიძის გაშვებაზე ალაპარაკდნენ - ჯანო ამბობს, რომ გუნდის დამსახურებული ფეხბურთელია")
"სპარტაკის" მწვრთნელი ჯანო ანანიძეს აქებს: ტექნიკურია, კარგად ითამაშა [VIDEO]![alt](/pictures/image50/adf548850c9ce08182a1cc91c8514074.jpg "zen.yandex.ru: "სპარტაკში" ანანიძის გაშვებაზე ალაპარაკდნენ - ჯანო ამბობს, რომ გუნდის დამსახურებული ფეხბურთელია")
დომენიკო ტედესკომ ჯანო ანანიძე ათამაშა - "სპარტაკი" დამარცხდა
- ანანიძემ საყრდენ ზონაში ითამაშა, რატომ? ეს მისი ძლიერი მხარე არაა...
"- ჯანომ ძალიან კარგად იმუშავა ვარჯიშებზე და ეს ძალიან მნიშვნელოვანია. ამან გადამწყვეტი როლი ითამაშა მოედანზე მის გამოსვლაში. მან ითამაშა კრალის პოზიციაზე, რომელმაც ბოლო ორ მატჩში 25 კილომეტრი დაფარა. ანანიძე ტექნიკური ფეხბურთელია, ვიმედოვნებდით, რომ ბურთის ფლობაში დაგვეხმარებოდა, რაც შესვენების შემდეგ მოხდა. ვფიქრობ, კარგი მატჩი ჩაატარა და ბევრი პასი გააკეთა".