გუშინ, 7 დეკემბერს, საფრანგეთის ლიგა 1-ში "ნიცამ" საკუთარ კედლებში "მეცს" 4:1 მოუგო და ამ მატჩში, ჩვენთვის საინტერესო მოვლენას ჰქონდა ადგილი - "მეცის" რიგებში საფრანგეთის უმაღლეს დივიზიონში დებიუტი ჰქონდა 19 წლის, წარმოშობით ქართველ შემტევ გიორგი მიქაუტაქაძეს, რომელიც მინდორზე 83-ე წუთზე შევიდა.
ფრანგულ წყაროებში არსებული ინფორმაცისს მიხედვით, გიორგი 2000 წლის 31 ოქტომბერს დაიბადა, ის სიმაღლეში 176 სანტიმეტრია და მარჯვენა გარემარბად ან ცენტრფოვარდად თამაშობს.
გიორგი, რომელიც საფრანგეთის მოქალაქეა, ძირითადად "მეცის" მეორე გუნდში გამოდის. National 3-ის დივიზიონში ჩატარებულ 12 შეხვედრაში, მიქაუტაძემ 5 გოლი გაიტანა.
ლიგა 1-ში, "მეცის" ძირითადი გუნდის განაცხადში გიორგი ორჯერ მოხვდა და ერთხელ ითამაშა კიდეც.
იმედია ახალგაზრდა ქართველ ფეხბურთელს უფრო მეტი შანსი მიეცემა პირველ გუნდში და მის თამაშებსაც უფრო ხშირად ვიხილავთ.
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
