დმანისში დაბადებულ და რუსეთის მოქალაქე ომარი თეთრაძეს, შესაძლოა, რუსეთის ნაციონალური ლიგის (რანგის მეორე) პირველ ადგილზე მყოფი ვოლგოგრადის "როტორი" ჩააბარონ. აღნიშნულ ინფორმაციას რუსული საიტი championat ავრცელებს.
ომარი თეთრაძე ბოლოს "ტობოლის" მთავარ მწვრთნელად მუშაობდა და ყაზახეთიდან 2017 წელს წამოვიდა, მას შემდეგ კი არცერთ კლუბში აღარ უმუშავია. იქამდე კი "ანჟის", "ვოლგას", "ხიმკის", "ჟეტისუსა" და "ენისეის" წვრთნიდა.
"როტორი", რომელიც 90-იან წლებში ორჯერ გახდა რუსეთის ჩემპიონატის ვიცე-ჩემპიონი, ახალი მფლობელების ხელშია, რომლესაც კლუბის ძველ დონეზე აყვანა სურთ.
ომარი თეთრაძემ საფეხბურთო კარიერა თბილისის "დინამოში" დაიწყო. შემდეგ იყო
ოზურგეთის "მერცხალი", საიდანაც მოსკოვის "დინამოში" გადავიდა. თეთრაძემ 2 სეზონი გაატარა "რომაში". საფეხბურთო კარიერა კი, "კრილია სოვეტოვში" 2005 წელს დაასრულა. ბერძნული ძირების მქონე ნახევარმცველს რუსეთის ნაკრებში 40 მატჩი აქვს ჩატარებული.
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
![ეროვნული ლიგა. XXX ტური. "ტორპედო" - "დინამო" (თბ) [LIVE]](/pictures/image7/97a6fdd8fa390a9dda791a78e5b655eb.jpg "ეროვნული ლიგა. XXX ტური. \"ტორპედო\" - \"დინამო\" (თბ) [LIVE]")
