"გენტი" ორი მატჩის ჯამში "რომასთან" დამარცხდა (1:1, 0:1) და ევროპა ლიგის გათამაშებას გამოეთიშა. ბელგიურ გუნდში განმეორებით შეხვედრაში გიორგი ჩაკვეტაძე და გიორგი ქვილითაია 66-ე წუთზე შევიდნენ შეცვლაზე. nieuwsblad.be აღნიშნავს, რომ ხანდახან გოლიათი დავითს ამარცხებს და ჯონათან დავიდს, ვადის ოჯიდა-ოფოეს და ჩაკვეტაძეს შეეძლოთ მომენტები უკეთ დაესრულებინათ.
ნამატჩევს კომენტარი "გენტის" მწვრთნელმა იეს ტორუპმა გააკეთა.
"ჩემი გუნდის გამო გული მწყდება. იმედგაცრუებულნი, თუმცა ამაყნი ვართ. ამ გუნდით რაღაც შესანიშნავის გაკეთება შეგვიძლია, ეჭვიც არ მეპარება. ისეთ მეტოქეზე მოვახდინეთ ზეწოლა, როგორიც "რომაა". ეს ევროპაში ერთ-ერთი საუკეთესო კლუბია.
ბევრი მომენტი შევქმენით, მიზანს კი ვერ მივაღწიეთ.
ჩემი ბიჭებით ვამაყობ. ვიცოდით, რომ მთელი 90 წუთის განმავლობაში დომინირებას ვერ შევძლებდით. ახლა ჩემპიონატზე უნდა გადავერთოთ".
![Sportall.Ge](/pictures/artimages/original/8e79c23c43bd95e32cbaa057a9db7e13.jpg ""გენტი"")
hln.be-მ "გენტის" ფეხბურთელების თამაში ასე შეაფასა:
კამინსკი 6, კასტრო-მონტესი 6, პლასტუნი 5 (ნიანგბო 80, შეფასების გარეშე), ნგადუ 5, მოჰამადი 6, ოვუსუ 6, კუმსი 6, ოჯიდა-ოფოე 6, ბეზუსი 6 (ჩაკვეტაძე 66, 5), დეპუატრე 4 (ქვილითაია 66, 6), დავიდი 7
ჩაკვეტაძე 5
ძალიან ხშირად ერიდებოდა მეტოქეებთან ორთაბრძოლებს. არავითარი დასამახსოვრებელი შოუ. ქვილითაია 6
შესვლიდან პირველივე წუთებიდან ქართველმა რამდენიმე მოქმედება განახორციელა, მაგრამ ეს გოლის გასატანად ძალიან ცოტა იყო.
![alt](/pictures/image50/b0241393e9c9501e4299d606290f9982.jpg ""გენტი"")
ევროპა ლიგა. 1/16-ფინალი: "გენტი" გავარდა - ჩაკვეტაძე და ქვილითაია შეცვლაზე შეუშვეს![alt](/pictures/image50/e43bc06a6f2921baaa5eb774bbb5c913.jpg ""გენტი"")
"რომასთან" ნამატჩევს ქვილითაიას თანაგუნდელ მეკარესთან შეხლა-შემოხლა მოუვიდა
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
![ჩაკვეტაძის "უოტფორდმა" ორი წაგების შემდეგ გაიმარჯვა [VIDEO]](/pictures/image7/cd14f87308870619ad818195b605b3fb.jpg "ჩაკვეტაძის \"უოტფორდმა\" ორი წაგების შემდეგ გაიმარჯვა [VIDEO]")
