ბელარუსის ჩემპიონატზე, "სმოლევიჩთან" მატჩში, "შახტიორის" ნახევარმცველმა ლაშა შინდაგორიძემ ტრავმა მიიღო. შეხვედრის დასრულების შემდეგ გუნდის მწვრთნელმა იური ვერნიდუბმა თქვა, რომ უკეთეს შემთხვევაში, მას მენისკის პრობლემა აქვს ან შესაძლოა, ჯვარედინი მყესები დაუწყდა.
სამწუხაროდ, მწვრთნელის ვარაუდი გამართლდა. აი, რა განუცხადა უკრაინელმა სპეციალისტმა კლუბის საიტს:
"მას ჯვარედინი მყესების პრობლემა აქვს. არც კი ვიცი, ეს როდის გადაწყდება. მაგნიტურ-რეზონანსული ტომოგრაფია ხელახლა უნდა ჩაუტარდეს. მას უკვე ჰქონდა მსგავსი პრობლემა. ამიტომ იქ უნდა წავიდეს, სადაც ოპერაცია გაუკეთეს, მაგრამ ახლა ყველაფერი ჩაკეტილია".
შინდაგორიძემ ბელარუსში სერიოზული ტრავმა მიიღო
