რუსეთის პრემიერლიგის 23-ე ტურის შეხვედრაში "უფამ" საკუთარ მოედანზე "ტამბოვი" მიიღო და ნიკა გიორგობიანის 90+1-ე წუთზე გატანილი გოლის წყალობით დაამარცხა მეტოქე - 2:1.
საქართველოს ნაკრების მცველი ჯიმი ტაბიძე მოედანზე პირველივე წუთიდან გამოჩნდა და შეხვედრა სრულად ჩაატარა. რაც შეეხება გიორგობიანს, რომელიც სოჭში გახლავთ დაბადებული, 22 წლისაა და რუსეთის მოქალაქეობა აქვს. ის მოედანზე 86-ე წუთზე შევიდა და თავის გამოსაჩენად 5 წუთი ეყო.
"ტამბოვის" შემადგენლობაში სრულად ჩაატარა შეხვედრა მეკარე გიორგი შელიამ, ხოლო გურამ თეთრაშვილი 36-ე წუთზე მოედნიდან გააძევეს. არ უთამაშია გიორგი მელქაძეს. სამაგიეროდ, 56-ე
წუთზე მოედანზე ვლადიმირ კაბახიძე გამოვიდა, რომელიც 20 წლის გახლავთ და ასევე რუსეთის მოქალაქეა.
ამ გამარჯების შემდეგ "უფამ" 30 ქულა დააგროვა და სატურნირო ცხრილში მე-8 პოზიციას იკავებს.
![alt](/pictures/image50/7a07bf11ca05efcd17090d664d268d68.jpg "ტაბიძემ სრულად ითამაშა - "უფას" კიდევ ერთმა ქართველმა მოაგებინა")
"უფას" მწვრთნელი: ტაბიძე "ლაიპციგსა" და "ზალცბურგში" თავისუფლად ითამაშებდა
