ავსტრიის ბუნდესლიგის 30-ე ტურში ოთარ კიტეიშვილის "შტურმი" საკუთარ მოედანზე 2:3 დამარცხდა ვენის "რაპიდთან".
34-ე წუთზე შტეფან ჰიერლანდერმა მასპინძლები წინ გაიყვანა, ხოლო ზედ შესვენებაზე გასვლის წინ კიტეიშვილმა კირილ დესპოტოვის პასით ანგარიში 2:0 გახადა.
მეორე ტაიმში დედაქალაქელებმა სამი გოლი გაიტანეს და გაიმარჯვეს.
გრაცული გუნდი 19 ქულით ფინალურ ექვსეულში უკანასკნელ ადგილზეა და პირველ ივლისს სტუმრად "ზალცბურგს" დაუპირისპირდება, რომელმაც ტურნირის დასრულებამდე ორი ტურით ადრე ზედიზედ მეშვიდედ მოიპოვა ოქროს მედლები. პრაქტიკული თვალსაზრისით ამ შეხვედრას არანაირი მნიშვნელობა არა აქვს.
კიტეიშვილმა ჩემპიონატის 29 მატჩში 5 გოლი გაიტანა და დიდი ალბათობით, მალე "ფენერბახჩეში" გადავა.
![alt](/pictures/image50/489c1065fc74a8aa5ebba5e79d6c3e3b.jpg "კიტეიშვილმა გაიტანა - "შტურმი" სახლში 2:0-ს იგებდა და წაგება მოახერხა")
"ჰურიეთი": "ფენერბახჩე" კიტეიშვილს 1 მილიონად შეიძენს
![კიტეიშვილის გოლი და საგოლე გადაცემა - "შტურმი" "ზალცბურგს" დაეწია [VIDEO]](/pictures/image7/a80dc89951cdd4074a61c1ac61cffa3d.jpg "კიტეიშვილის გოლი და საგოლე გადაცემა - \"შტურმი\" \"ზალცბურგს\" დაეწია [VIDEO]")
