ფამაგუსტის "ანორთოსისმა" საკუთარ ოფიციალურ ვებგვერდზე გაავრცელა ინფორმაცია, რომლის თანახმადაც, გუნდის ორმა წევრმა - მეკარე გიორგი ლორიამ და უკრაინელმა მცველმა იევჰენი სელინმა სპეციალური ჯილდოები მიიღეს. თუ სელინმა მე-20 ტურის საუკეთესო მოთამაშისათვის განკუთვნილი 1 ჯილდო მიიღო, გიორგი ლორიას 2 პრიზი გადაეცა.
პირველი პრიზი ჩემპიონატში საუკეთესო მოგერიებისთვის გადასცეს, ხოლო მეორე ჯილდო კი - კვიპროსის უმაღლეს ლიგაში კარის მშრალად ყველაზე მეტჯერ შენახვის გამო.
თემურ ქეცბაიას მიერ გაწვრთნილი "ანორთოსისი" კვიპროსის ნაადრევად დასრულებულ ჩემპიონატში მეორე ადგილზე გავიდა და მომავალ სეზონში ევროპა ლიგის საკვალიფიკაციო ეტაპზე ითამაშებს.
ოქრიაშვილი 
"ანორთოსისს" 3 პენალტი არ დაუდეს, ბოლოს კი ლორიამ გადაარჩინა [VIDEO]
