ყაზანის "რუბინის" ნახევარმცველ ხვიჩა კვარაცხელიას მამამ, ბადრი კვარაცხელიამ რუსულ Matchtv-სთან საუბარში აღნიშნა, რომ მიუხედავად ევროპული კლუბების შემოთავაზებისა, მის შვილს მუშაობის ლეონიდ სლუცკისთან გაგრძელება სურს.
"ხვიჩა თავად ამბობს, რომ ძალიან მოუმატა. თუმცა ისეც არ ხდება, რომ ერთ თვეში ფეხბურთელი მკვეთრად შეიცვალოს და ფეხბურთის უკეთ თამაში დაიწყოს. მადლობა სლუცკის უნდა გადავუხადოთ. ის კარგი მწვრთნელია და ხვიჩას მეტი თავისუფლება მისცა, უფრო მეტად გარისკვის ნება დართო.
ჩემს შვილს მასთან მუშაობის გაგრძელება სურს. ცოტა ხნის წინ თვითონ მითხრა: "მამა, სხვა გუნდში გადასვლა არ მინდა, სლუცკის
ხელში კიდევ უფრო მოვუმატებ". ვუპასუხე, რომ რაც მას სურს, ის უნდა გააკეთოს.
ჯერ სხვა კლუბებზე არ ფიქრობს, საკუთარ თავზე მუშაობაა საჭირო, რაზეც ვსაუბრობდით კიდეც. რუსულ ფეხბურთში გამოცდილება უნდა შეიძინოს, ფიზიკურად ძლიერი გახდეს, სხვანაირად აზრი არ აქვს.
მთელი ოჯახი დავსხედით მამუკასთან (ჯუღელი) ერთად, ვისაუბრეთ, განვიხილეთ საკითხები. გადავწყვიტეთ, რომ ჯერ სადმე წასვლა ნაადრევია. დიახ, ევროპული კლუბებიდან ინტერესი არის, თუმცა აჩქარება არ გვჭირდება.
ახლა ყაზანში კარგი მწვრთნელი მუშაობს, კარგი გუნდი შეკრეს და დიდი ალბათობით, მომავალ სეზონში გარკვეული მიზნებიც ექნებათ", - განაცხადა ბადრი კვარაცხელიამ.
კვარაცხელიას სატრანსფერო ფასი თითქმის გაორმაგდა - ქართველთა უმრავლესობის ღირებულება შემცირდა
აგენტი ღურწკაია: კვარაცხელია 15 მილიონზე მეტი ღირს - კიკნაძემ სრული უსუსურობა აჩვენა
ხვიჩა კვარაცხელია გადაცემა "სპორტალში"
ერთი სეზონი კიდევ უნდა დარჩეს რუბინში (და არავითარ სპარტაკში და კიდევ სადღაც). რუბინზე მორგებულია და კარგადაც ვითარდება. გაისად კი ბატონო წავიდეს ევროპაში, თუ თავისი თავის იმედი აქვს. იმედია ჩაკვეტაძე-ყენია არ დაემართება ევროპაში.