walfoot.be-ს რედაქტორმა იოახიმ დიურანმა ბელგიის ჩემპიონ "ბრიუგეს" შეტევის გასაძლიერებლად 5 ფეხბურთელი და მათ შორის "გენტის" ნახევარმცველი გიორგი ჩაკვეტაძე შესთავაზა. დიურანის აზრით, ზაფხულის სატრანსფერო ფანჯრის დახურვამდე ფლამანდრიულ კლუბს რომელიმე ფეხბურთელის დამატება შეუძლია.
გიორგი ჩაკვეტაძე (20 წლის, გენტი)
"თბილისის "დინამოდან" სამი წლის წინ გადმოვიდა, მაგრამ ბევრ მატჩში ვერ მიიღო მონაწილეობა. გასულ სეზონში ყველა ტურნირზე 325 წუთი ითამაშა. თბილისში დაბადებულმა ფეხბურთელმა 2018/19 წლების სეზონში თავი შესანიშნავად წარმოაჩინა. მიუხედავად იმისა, რომ ცენტრალური შემტევი ნახევარმცველია, მისი უნარების გათვალისწინებით, მეორე თავდამსხმელის პოზიციაზე გადაყვანა შეიძლება საინტერესო იყოს.
ჩაკვეტაძემ ტრავმის გამო ბელგიის ჩემპიონატის სამივე სასტარტო მატჩი გამოტოვა, რომლებიც მისმა გუნდმა წააგო და აუტსაიდერია.
გამოცემამ "ბრიუგეს" აგრეთვე ტეემუ პუკის (ნორვიჩი), ჰარის სეფეროვიჩის (ბენფიკა), სეკუ კოიტას (ზალცბურგი) და როჯერ ასალეს (იანგ ბოიზი) კანდიდატურები შესთავაზა.
უქართველებო "გენტს" ბოლონიც ვერ შველის - მესამე მატჩიც წააგეს
