რუსეთის პრემიერლიგის მე-6 ტურში "როტორმა" მოსკოვის ოლქში ადგილობრივ "ხიმკისთან" ფრეს მიაღწია - 1:1.
ვოლგოგრადულ გუნდში შეუცვლელად ითამაშეს საბა კვირკველიამ და ზურიკო დავითაშვილმა. 32-ე წუთზე ზურიკოს წამოწყებული კომბინაცია მულინმა გოლით დააგვირგვინა. ამ მომენტში მსაჯი ლევნიკოვი დაეჭვდა, რომ დავითაშვილმა ბურთის მიღების მომენტში ხელით ითამაშა, მაგრამ ვიდეოგამეორების ნახვის შემდეგ დაასკვნა, რომ თამაშის წესების დარღვევას ადგილი არ ჰქონია.
ზურიკო "როტორის" მარადონა და მესი - გულშემატკივრები დავითაშვილს აქებენშესვენების შემდეგ "ხიმკიმ" დიდი ძალებით შეუტია, ანგარიში გაათანაბრა, ბოლოს კი მათმა თავდამსხმელმა კონატემ ბურთი ხარიხას გაარტყა.
კვირკველიამ უხეში თამაშისთვის 29-ე წუთზე ყვითელი ბარათი მიიღო. ჯანო ანანიძე, ბექა მიქელთაძე და ნიკოლაი ყიფიანი განაცხადში არ იყვნენ. რამდენიმე დღის წინ "როტორის" მწვრთნელმა ალექსანდრ ხაცკევიჩმა ანანიძეზე თქვა, რომ ვოლგოგრადში არ დაბრუნებულა და ეტყობა, თავი წესრიგში ვერ მოიყვანაო.
დავითაშვილი "მატჩ პრემიერმა" შეხვედრის საუკეთესო ფეხბურთელად დაასახელა. გასულ ტურში ის გუნდში საუკეთესოდ გულშემატკივრებმა მიიჩნიეს.
"როტორი" 2 ქულით აუტსაიდერია და 13 სექტემბერს "კრასნოდარს" უმასპინძლებს.
![alt](/pictures/image50/216bfe596aa104d00930fa554db57008.jpg "დავითაშვილმა საგოლე კომბინაცია წამოიწყო - "როტორი" წაგებას გადაურჩა")
ზურიკო დავითაშვილის ბრწყინვალე დრიბლინგი "სპარტაკის" წინააღმდეგ და გაბითურებული ჯიქია [VIDEO]
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
![საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]](/pictures/image7/f5bc16efcae7a6bb99f709b1d8be1904.jpg "საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]")
